Original subtitles

(Kilkerrak)

(Ontzaren ulua)

Entzun duzu zerbait? -Zer?

-Oin-hotsak edo azeriren bat igual.

(OTSOA IMITATZEN)

-Txolua! -(BARRE EGITEN DU)

Badakizu zer kontatzen zuen izeba Bittorik?

-Zer?

Orain dela urte asko, Sarobeko baserriko artzain bati

ardi bat galdu omen zitzaion hemen, Balbemendin.

Eta ardiaren bila basora sartu omen zen.

Eta gaur arte.

-Leize-zuloren batera eroriko zen. -Leize-zulo eta amildegi

guzti-guztiak arakatu omen zituzten egunetan eta egunetan.

Eta artzainaren arrastorik ere ez.

Eta harrezkero beste 4 edo 5 pertsona ere desagertu dira.

Eta gaur arte.

-Izeba Bittorik ume gaixoei horrelako istorioak kontatzea ere...

Bueno, eta horregatik deitzen diote Balbemendi?

-Balbea, madarikazioa.

-Eta? -Ba baso hau sorginduta omen dago.

-Sorginduta?

-Izaki beldurgarriz josita daude bazter guztiak.

Anbotoko Mari ere ez zen ausartu hona etortzen.

-Bueno, ipuinak...

-Ipuinak ez, Bibian.

Herriaren ahotan dabiltzan istorioak.

-Eta zuk herriarenak direlako dena sinistu, ezta?

-Napoleonen soldadu-talde batek

Iruñean altxor handi bat aurkitu omen zuen.

Eta Frantziara bidean, hemendik pasa omen ziren.

Eta badakizu zer gertatu zitzaien? -Esan zuk.

-Altxor eta guzti desagertu zirela. Eta gaur arte.

-(IMITATZEN) "Eta gaur arte, eta gaur arte".

Badakit, sorgin maltzur batek atrakatuko zituen bere erratzarekin.

-Zurekin ezin da.

-(IMITATZEN) "Zurekin ezin da, zurekin ezin da".

Baina zer uste duzu?

Beldurrezko ipuinak kontatu behar dizkidazula zuregana arrimatzeko?

-Ez direla ba beldurrezko ipuinak!

Zer gertatzen zaizu? -Ez dakit, baina pasako zait.

-Joe, ez nuen uste horren nazkagarria nintzenik!

-Ez pentsa, batzuetan bai.

-(EZTULKA)

Bibian?

Bibian?

Bibian?

Bibian?

"Donostiako bi gazte galdu dira Balbemendiko parke naturalean".

"Atzo arratsaldean ikusi zituzten neska-mutilak azkenengoz".

"Gauean, etxera itzultzekotan ziren, baina ez ziren agertu;

eta gurasoek, larrituta, abisua eman diote Ertzaintzari".

-Ane.

Ane, jakin duzu?

Berriro ere gertatu da.

Banekien.

Oraindik goizegi da hori esateko.

Txoriburu samarrak omen ziren gazteok.

Azalduko dira, ikusiko duzu.

"Balbemendiko txoko guztiak miatzen Donostiako bi neska-mutilen bila".

"Baina orain arteko ahaleginak ez du fruiturik eman".

Inguru hau begiratu dugu. Hau ere bai.

Eta beste hau ere bai. Dena aztertu dugu!

Alfer-alferrik ari gara.

Hobe izango dugu uztea. Ez!

Ertzainburuak aurrera egiteko agindu digu.

Hutsetik hasi behar dugu.

Hutsetik hasi? Bai.

Egin ezazue nahi duzuena, baina gauza bat esango dizuet:

mendi hauek ondo baino hobeto ezagutzen ditut,

eta dagoeneko azaldu ez badira, ez dira sekula agertuko!

Lagundu!

Lagundu! Etorri agudo!

Ondo zaude?

Neska?

Ze neska?

Nor da?

Eta beste hau?

Begiratu niri lehenengo.

Eta gero honi.

Pentsatu pixka bat.

Eta hau?

Erraz-erraza da!

Oraintxe pasatu da medikua.

Barkatu, baina... badakizu zure semeak drogarik hartzen duen?

Aizu, galdetzea ere! Nire semea oso mutil sanoa da.

Zerbait ikusi zenuen galduta egon zinen denboran?

Entzun zenuen zerbait?

Saiatu gogoratzen.

Aizu, baina zu zer zara? Medikua ala polizia?

Uztazu mutikoa bakean!

Ikusten zer lortu duzun? Hara!

Barkatu zakar portatu banaiz.

Baina jakizu zortea izan duzula.

Nik zortea?

Zure semea bizirik dago.

Nik ahizpa galdu nuen Balbemendin orain dela 10 urte.

Enara zuen izena.

Zer?

Hura ere bere mutil-lagunarekin joan zen asteburua pasatzera.

Biak desagertu ziren eta ez ziren berriz agertu.

Ziur nago Enararena eta oraingo hau lortuta daudela.

"Ahaztu hori, Ane".

Nik badakit ahizpa bat galtzeak uzten duen zauria

ez dela erraz sendatzen.

"Eta batez ere, arrastorik utzi gabe".

Ez, Eneko, zuk ez dakizu zer den hori. Ezin duzu jakin.

"Ane, zure hobe beharrez ari naiz".

"Ahaztu hori!".

Ezta pentsatu ere!

Gazte hauekin zer gertatu den jakitea lortzen badut,

nire ahizparena ere argituko dut.

"Ez esan txorakeriarik. Ertzaintza jo ta ke ari da lanean".

"Zer egin behar duzu zuk?".

Ba oraintxe bertan ari naiz Balbemendin sartzen.

Zu burutik eginda zaude.

Eneko!

Eneko!

Dios...

(Musika misteriotsua)

(Zarata)

(Haizea)

(TELEFONOZ) Lainoa iragarri dutela?

Non entzun duzu hori?

Bai? Ba ez dakit.

Atzo telebistak esan zuen goizean behe-laino pixka bat bai,

baina eguerdirako jasoko duela.

Bai.

Bai, ulertzen dut.

Ez horregatik. Agur.

Atzera egin duen beste bezero bat.

Gazte horiek galdu zirenetik laugarrena.

Eta hori gutxi balitz, gaur goizean katalan batzuk

maleta hartu eta alde egin dute. Esaten nizuen nik.

Eta badakizue nork duen kulpa guztia.

Balbemendiri fama txarra ematen dioten kazetari nazkante horiek!

Kaixo! Zerbait behar duzu? Kaixo.

Baduzue gela bat asteburua pasatzeko?

Bai! Bi gau, ostirala eta larunbata? Ba printzipioz bai.

Baliteke egun gehiago geratzea.

Ez zara zu kazetari horietako bat izango?

Ez, ez naiz.

Ez iezaiozu kasurik egin, hain da sinpatikoa bera.

Berezkoa du.

Oso itxura polita du parkeak.

Zer da, dena pagadia? Bai, gehiena pagoa.

Bueno, baita urkiak, kimetzak, lizarrak, denetik.

Seguru ez zarela haragi ustel bila dabilen

kazetari putre horietako bat?

Hara, munduko gizonik sinpatikoena berau.

Bai horixe.

Jendea berau ikustearren etortzen da herrira,

ez dezazuela pentsa!

Parke naturalari baino arreta handiagoa

eskaintzen diote honi datozenek.

Ongi etorri.

Ni neska honen amona naiz.

Amona Bixenta. Urte askotarako.

Eta? Balbamendi bisitatzera, orduan.

Bai.

Eta pentsatu duzu zer paraje ikusi nahi duzun?

Hau oso handia da.

Ba dena ikusi nahi nuke.

Argazkilaria naiz,

eta erreportaje bat egin behar dut aldizkari baterako.

Bai, orain mundu guztiak...

Aita, etxeko nagusia.

Kaixo, ni Ane naiz.

-Kaixo, ongi etorri Balbamendira.

Eguraldiak laguntzen badu, ongi pasako duzu hemen.

Hala espero dut.

-Zazpigarren gela, bigarren solairuan.

Lagunduko dizut.

(Txoriak)

(Kotxea)

(Haizea)

(Suspensezko musika)

Nor dabil hor? Nor dabil hor?

Nor dabil hor?

(Suspensezko musika)

Ondo zaude?

Bota kenduko bazenu, hobe.

Zer egiten duzu basoan bakarrik?

Ba argazkilaria naiz, eta erreportaje bat egiten ari naiz.

Ba zortea izan duzu.

Buelta bat ematera irten naiz,

eta ze aurkituko eta printzesa herren bat.

Bihurritu honekin ez dakit nola itzuliko zinen herrira.

Holaxe. Asko estutzen dizu?

Ez, ondo dago.

Ikastaro bat egin nuen Gurutze Gorrian.

Hala, goazen.

Kontuz.

Etorri. Bai.

Jarri besoa nire bizkarrean.

Nahi baduzu besoetan hartuta eramango zaitut.

Zer nahi duzu? Zertarako deitu didazu?

-Zer gertatu zen? -Ezer ez.

Dena konponduta dago, eta ez da inor konturatu.

-Ziur al zaude? -Egongo ez naiz ba!

-Kontuz ibili behar dugu, joder!

-Lasai! Ertzaintza ere alde egiten hasita dago.

-Bai, badakit.

Kazetariek ere alde egin dute.

-Emakume gazte bat ikusi dut ostatuan sartzen.

-Polita? -Polita, polita...

Zuek horrekin bukatzen duzue dena. Ba al dakizu zertara etorri den?

Ez da ba kazetari begiluze horietako bat izango?

-Zergatik ez diozu zerorrek galdetzen?

-Lotsagabe muturzikin halakoa!

Hementxe jarriko dut bainuetxea.

Lurrazpitik doan errekatxoa hartuko dut.

Benetan ari zara?

Oso ur ona dago, badakizu.

Zenbat jende etortzen da horko iturrira,

osasunarentzat ona dela eta? Jendearen afana.

Ba nik ez diot aparteko ezer bilatzen.

Afana bakarrik ez.

Begira, hemen daude laborategiko analisiak.

Ikusi zenbat dohain dituen urak, eta zenbat gaitz sendatzen duen.

Betaurrekorik gabe...

Arkitektoa oso proiektu polita egiten ari da.

Laster, Rosa, ez dugu jakingo diruarekin zer egin.

Ixo, jainkoaren izenean! Dirua?

Nondik aterako duzu inbertitu behar den dirua?

Mikelekin egon nintzen, eta Eusko Jaurlaritzak

laguntza handiak ematen dituela

horrelako proiektuetarako esan zidan.

Zure lehengusu horrekin fidatzen zara?

Urrutiko intxaurrak... Ezetz ba!

Bainuetxeak moda-modan daude!

Diru publikoa barra-barra omen dago

negozioetan sartu nahi duenarentzat.

Baina lur horiek ez dira gureak bakarrik.

Lukasekin egon nintzen, eta azaltzeko prest dago.

Eta Jesus? Hitz egin duzu Jesusekin? Nafar urde zikin horrekin?

Jesus ez da gizon txarra. Txarra ez, Judasen kastakoa!

Ez zaitez kaskagogorra izan, eta hitz egizu berarekin onez onean.

Ezin dut begien aurrean ikusi! Besterik ez dagoelako,

bestela berehalakoan sartuko nintzen horren tabernara.

Aita, errekara noa, liburu bat irakurtzera.

Gero arte.

-Ze liburu ari zara irakurtzen? -Liburu bat.

Bazkaltzeko orduan hemen, aittu? Bai, amona.

Ez da zikinkeriaren bat irakurtzen ibiliko?

Lasai, gizona! Liburuek ez dute kalterik egiten.

Inkisizioaren garaiak aspaldi pasatu ziren.

Eskerrak!

Zer gertatu zaizu? Ez da ezer, bihurritu bat.

Adar batean trabatu naiz. Kontuz.

Bakarrik joan zara? Mendi hauetan ezin da bakarrik ibili.

Horixe bera esan diot nik ere. Bai, tuntuna izan naiz.

Eskerrak Ferminek lagundu didan.

Ea, erakutsi.

Ez, utzi. Ez da ezer.

Medikua astean behin etortzen da herrira,

eta hurrengo astelehenera arte ez zaio tokatzen.

Tiratu, zain urratu,

baina bere lekuan sartu.

Bixenta herri honetako sorgin ofiziala da.

Epa! -Apa.

-Irakurtzen?

Lehenengo aldia"?

Zer lehenengo aldi?

-Zer izango da? Lehenengo aldia.

-Ea, utzi. -Orain ni ari naiz irakurtzen.

-A... Imajinatzen dut.

-Zer imajinatzen duzu?

-Ba zuk imajinatzen duzun gauza bera.

-Imajinazioa handia duzu zuk.

Antton! Segi etxera agudo.

Agudo esan dizut!

Segi.

Orain Bixentak prestatutako infusio bero-beroa hartu,

eta bihar goizerako askoz hobeto egongo zara, ikusiko duzu.

Ez dakit ba nik. Dena dela, eskerrik asko.

Ez dago zer eskerturik.

Baina gogoratu, ez berriz abiatu bakarrik mendira.

Gerta daiteke ni han ez egotea zu salbatzeko.

Gorka kontratatzea izango duzu onena.

Gorka? Bai, mendiko monitorea da.

Ez da batere garestia,

eta zure erreportajea ganoraz egiten lagunduko dizu.

Bai, berak erakutsiko dizkizu ondoen

Balbemendiko bazter ezkutuak.

Erreportaje ikusgarria egingo duzu haren laguntzarekin.

Zaude ziur. Bueno, zuek badiozue.

Bueno, nik joan egin behar dut.

Bueno, beste batera arte.

Gero arte ere esan daiteke herri honetan.

Ezinezkoa da Balbemendin bizi eta elkar ez ikustea.

Agur. Gero arte.

Agur.

Hona belar-ura bero-beroa.

Zeren infusioa da?

Guk belar-ura esan diogu beti.

Infusioa bezalako hitzak kontu berriak dira guretzat.

Berezi-bereziak prestatzen ditu amonak.

Esango didazu.

Zerekin eginda dago? Zuk hartu eta gero ohean etzan.

Deskantsua da onena erremedio honek bere lana egin dezan.

Konfiantza izan behar da Ama Lurrak hain oparo

eskaintzen dizkigun sendabideekin.

Ze usain goxoa! -Antton! Garbantzuak.

Zoaz eskuak garbitzera.

Bost minutu barru bazkaria.

Zergatik jotzen duzu umea? Berak badaki.

Hago hemen.

Ez dizut gehiago neska horrekin ikusi nahi.

Izan dadila azken aldia.

Zergatik? Hargatik.

Baina aita... Ze baina eta baina ondo?

Bihartik aurrera Lukasen zerrategian hasiko zara lanean.

-Aitaren eta semearen! Non ibili zara?

-Ama, begira zer harrapatu dugun! -Bueno!

Itxi ondo hau, ea lapikoan sartzen den.

Eta eskuak eta musu zikin hori garbitzera oraintxe bertan!

-Ai! Zergatik? Hargatik!

Eta zoaz eskuak garbitzera, basapiztia ematen duzu eta.

Ea ba!

(Suspensezko musika)

(ABESTEN ENTZUTEN DU)

Marrazki bat oparitu dizut.

Aukeratu nahi duzuna.

Kuxkuxera! Zertan zabiltza?

Nahi duzu jakin zer dagoen barruan?

Beste erdiak nire mutilak darama jantzita.

Berak oparitu zidan. Oso erromantikoa da.

Datorren larunbatean Balbemendi izeneko leku batera goaz,

kanpin dendarekin.

Ez dakizu zein pozik nagoen!

(Ahotsak)

(Haizea)

(OIHU EGITEN DU)

Egun on! Baita zuri ere!

Zer, zer moduz orkatila hori?

Ba oso ondo, handitua ere jaitsi zait!

Esan nizun nik.

Miraria ematen du.

Belarrek mirariak egiten dituzte.

Eta zer belar mota ditu infusioak? Belar-urak, barkatu.

Klase asko. Izenak?

Nik ez diet izenik galdetzen.

Eseri zaitez, oraintxe ekarriko dute gosaria.

Hara! Hemen dator.

Ondo gosaldu behar da eguna ondo hasteko.

Eta? Zer moduz egin duzu lo?

Ba oso ondo, hankak ez nau batere molestatu.

Hankak ez dakit, baina nire ahizpa zazpiki horrek bai.

Sentitzen dut. Ez da ezer gertatzen.

Ez dakit ze haizek jo zion.

Lehendabiziko aldia da bezeroen logela batean sartzen dena.

Egia esan, susto galanta hartu nuen.

Lasai, ez da berriz gertatuko.

Zer? Katuak jan al digu mingaina? Ze esaten da?

-Egun on.

-Nora zoaz? -Kalera.

-Kalera zertara? -Perurekin zapaburuak harrapatzera.

-Eseri hor eta gosaldu lehendabizi.

Egun osoa daukazue okerrak egiteko.

Jaso burua.

Hori itxura polita.

Antton, benetako gizona ematen duzu.

Tori, hamarretakoa.

Urdaiazpiko tortilla prestatu dizut.

Zer? Konforme al zaude?

-Bai, horrela behintzat

lagunekin gastatzeko diru pixka bat irabaziko dut.

Atzo ere esan nizun, irabazitako guztia zuretzat.

Baina zaindu dirua, ez txorakerietan gastatu.

-Egun on! -Kaixo, Lukas.

Koño, egun on, Lukas! Zer, dagoeneko martxan?

-Ez, semearen bila.

Hau da hau langile itxura!

Lukas, egin gogor honi.

Gaurko gazteak zaildu gabe daude eta!

Utzi nire kontu. Eta zu ez kezkatu.

Zerrategiko lana gogorra da, baina baserrikoen aldean, oso ona.

-Mutiko zapoa! -Hamar minutu baino lehen lanean!

-Hamarretakoa. Ume hauekin...

Lurra saltzearen kontua ondo pentsatu dut.

Eta bai,

zuk esandako kondiziotan bada, konponduko gara.

Ederki, ez zara damutuko.

Eta noiz, edo nola, edo? Lehenbailehen.

Nahi baldin baduzu, bihar bertan hasiko gara paperak mugitzen.

Ondo, baina honek badu beste zerbait.

Zer esan nahi duzu?

Zer ez daukazu argi?

Ez, ez, ezer ez.

Baina gauzak pazientziarekin hartu.

Ui! Barkatu, ez zaitut ikusi.

Ez nuen uste inor zegoenik.

Erloju baten bila nabil.

A, bueno, ni Irati naiz.

Aupa, ni Ane naiz.

Argazkilaria naiz, erreportaje bat egitera etorri naiz.

A, bai? Pozten naiz.

Ba nik hemen egiten dut lan behar nautenean.

Non demontre sartu dut...

A! Hemen dago.

Banekien nik hemen egongo zela.

Eta zenbat denbora eman behar duzu hemen?

Ba ez dakit, egun batzuk.

Ni ere hala etorri nintzen, eta begira.

Urtebete daramat zulo honetan sartuta.

Lekua polita da, baina egia esango dizut:

kokoteraino nago baserritarrekin.

Deseatzen egoten naiz ni bezalako kaletarrekin egoteko.

Bueno, niri baserritarrak oso jatorrak iruditzen zaizkit.

Ba niri, egia esan, ez.

Bueno, denetik dago.

Baina gehienak itxiak eta antipatikoak dira.

Eta orduan zergatik jarraitzen duzu Balbemendin?

Mutilarekin etorri nintzen, eta hemen nago.

Eta zer egiten du zure mutil-lagunak?

Jon informatikoa da eta etxetik egiten du lan.

Baina ni pila bat aspertzen naiz hemen,

eta horregatik onartu nuen tabernako lana.

Aizu, istorio arraroak entzuten dira Balbemendiri buruz, ezta?

Bai, zurrumurru asko entzuten da desagertu zen neska horri buruz.

Baina nire ustez, mutila da erruduna.

Mutil-lagunak hilko zuen,

eta memoria galtzearena koartada bat besterik ez da.

Baliteke.

Bueno, egia esan, edonor izan daiteke.

Herri honetako jendeak sekretu asko gordetzen du.

Sekretuak?

Nolakoak?

Bueno, ez dakit.

Aizu, zu argazkilaria zara eta egingo zenidake fabore bat?

Ahal badut. Nik aktore izan nahi dut.

Madrilen egon naiz arte dramatikoa ikasten.

Egingo al zenidake argazkiren bat book-erako?

Bai, bai, noski. Primeran!

Beno, geratuko gara egunen batean.

Aizu, zein da zure zodiako zeinua?

Eskorpio.

Banekien!

Ba ni piscis naiz, eta eskorpio eta piscis

oso ondo eramaten dira, ze biak dira ura.

Eta gainera nire aszendentea kantzer da, eta hori ura da baita ere.

Nahi baduzu biok joango gara Jesusekin hitz egitera.

Neuk lagunduko dizut.

Jainkoa lagun, gauzak ondo-ondo esplikatzen badizkiogu, salduko du.

Nire emaztea nafar horren aurrean makurtu...

Ezta pentsatu ere.

Ez da makurtzea, Antonio.

Batzuetan harrokeria jan egin behar izaten da zerbait lortu nahi denean.

Harrokeria gauza bat da; eta bestea, oso diferentea, harrotasuna.

Esan nahi duzuna,

baina ikusi-ezin zaharrak alde batera uzteko garaia da.

Zu noren alde zaude, jakin badaiteke?

Isiltzen dakienak aski badaki. Bai, egia da.

Kaixo. Kaixo.

Gorka, atzo aipatu genizun mendi-monitorea.

Aupa. Kaixo.

Eta Ane, lehen aipatu dizudan argazkilaria.

Zu zaitugu, beraz, bisitaria.

Bai, bueno, zu ere ez zara hemengoa, ezta?

Saratarra, ikusten denez.

Eta entzun ere.

Eta ondo entzun, bai.

Bueno, urte askotarako. Bai.

Zinez interesgarria iruditzen zait zure lana.

Eta halako erreportaje asko egiten dituzu?

Bueno, banaka batzuk bai.

Mendiari buruzkoak denak?

Bueno, azkena Urdaibaiko erreserban egin nuen.

Paseko hegaztiei buruz.

Paseko hegaztiak hona ere etortzen dira haragi ustelaren bila.

Zer diozu?

Argazkilariak orain

erretratatzeko makina kaskar horiekin ibiltzen al zarete?

Bueno, txikiak izateak ez du esan nahi onak ez direnik.

Niri asko gustatzen zait digitalak argazkiari ematen dion testura.

Bai, digitala.

Testura.

Txikia baina ona.

Bai.

Esan didatenez, zuk paraje honetako txoko guztiak ezagutzen dituzu.

Lagunduko al didazu erreportajea egiten?

Bai, noski! Gustura gainera.

Baina beste egun batean izan beharko du.

Eskola talde bat daukat landetxean zain.

Konforme.

Bueno, gero arte. Bai, gero arte.

Ez jaramonik egin Antoniori.

Horrelakoxea da denekin.

Nire koinatua da, eta kariñoa hartu diot denborarekin,

baina aitortzen dut, petral samar jartzen da.

Bai, bai.

Eta orkatila zer moduz?

Ba oso ondo! Egia esan, ez nuen sekula pentsatuko infusio...

Bueno, belar-urak horrelako eragina izango zuenik.

Gauza harrigarri asko gertatzen da Balbemendin.

Leku magikoa da hau.

Aizu, nire argazki kamera ez dabil ondo,

ez dakit zer gertatzen zaion.

Emango zenioke begiratutxo bat?

Bai, nahi duzunean.

Bueno, orain joan behar dut, baina ondo iruditzen bazaizu,

seietan eliza atarian geratuko gara eta kamera utziko dizut.

Ederki, pasatuko naiz.

Gero arte orduan. Ondo ibili.

Ze ordutan etorri zinen bart?

Zure zain egon nintzen, baina azkenean lo hartu nuen.

-Ez dakit, azkenean liatu egin nintzen.

-Liatu?

-Bai, Lukasekin hizketan aritu nintzen.

Zerrategiko kontuak, eta bueno.

-Goizeko ordu biak arte?

-Bueno, zer?

Nire mugimendu guztiak kontrolatu behar dituzu, ala?

-Zertan pasatzen duzu hainbeste denbora

Lukas bezalako tipo batekin? Ez dut ulertzen.

-Bueno, nahikoa da.

-Tira, hitz egin nahi ez izatea, bale.

Baina eman musu bat.

Joe, "emoiztazu musutxu bet".

Neska berri bat etorri da landetxera.

Ane du izena, eta oso jatorra ematen du.

-Eta hitz egin duzu berarekin?

-Bai, orain arte egon gara berriketan.

Argazkilaria da, eta erreportaje bat egin behar du.

-Noiz arte geratuko da? -Ba ez dakit.

Baina zenbat eta gehiago, hobeto niretzat.

Horrela lagun bat izango dut hitz egiteko.

Gainera, argazkilaria izanda,

beharbada harremanak izango ditu zine munduarekin.

-Bueno, auskalo.

-Hara, Jon.

Asper-aspertuta nago leku malapartatu honetan.

Mila aldiz esan dizut.

-Pazientzia, Irati, pazientzia. -Ezin dut gehiago.

Ez dakit zer demontre egiten dugun Balbemendin.

-Oso ondo dakizu zuk zer egiten dugun Balbemendin.

Zapaburu bat! Zapaburu bat! -Nik emango diot!

Ia-ia!

Berriro saiatuko naiz!

Ui!

Kaixo. Kaixo.

Ui! Urruti.

(Musika misteriotsua)

Maddirekin ibili naiz zapaburuak harrapatzen.

-Kontuz ibili.

-Zapaburuek ez dute ezer egiten.

-Kontuz ibili zure aitarekin, esan nahi dut.

Badakizu nolakoa den.

Eta neska horrekin ikusten bazaitu, sutan jarriko da.

-Zergatik? -Ba horrelakoxea delako zure aita.

-Ba niri ez zait inporta. Maddirekin ibiltzen jarraituko dut.

-Kaixo! -Kaixo, Antton!

Zer moduz lanean? -Ba horrela-horrela.

-Zer ba? -Lukas goiz osoan kanpoan ibili da.

Eta ez naiz harritzen negozioa gaizki joatea.

Hori ez da zure ardura.

Zuk zure lana ondo egin ezazu, eta Lukasek egiten duena zuri bost.

Lana, lana da.

Zer? Bazkalduko al dugu?

-Itxaron pixka bat, Fermin etorri arte.

Honezkero, laster behar du.

Zure neba horrek ondo baino hobeto daki

etxe honetan ze ordutan bazkaltzen den.

Berandu datorrela, jan ditzala hondarrak.

Eguerdi on denei! Berdin!

Bueno, zer moduz joan da gure langilearen bataioa?

-Ba ez oso ondo.

Eskuak zarta-zarta eginda geratzen dira.

Zer uste zenuen? Pianoa jotzea dela?

Ohituko zara.

Eta gure zapaburu ehiztaria?

-Ondo.

-Ale, zuek biok eskuak garbitzera, azkar.

Fermin, iruditu zait

oso begi onez ikusten duzula etorri berri den neska hori.

Jatorra ematen du.

Orduan Anttoni gogorra egin zaio lehenengo eguna?

Neska horrek arazoak ekarriko dizkigu.

Arazoak? Ikusiko duzue.

(Haizea)

"BI GAZTE DESAGERTU DIRA BALBEMENDIN"

(Haizea)

Atera iezadazu pattarra, polit horrek.

Eskerrik asko loreagatik!

Polita bakarrik ez, ederra ere bai.

Bueno, zu ez zaude gaizki oraindik.

Bai, ezta?

Jokatuko nuke beroa ere bazarela.

Uste dut zuri emakumeak gehiegi gustatzen zaizkizula.

Eta? Txarra da ala?

A zelako siesta egingo genukeen biok elkarrekin.

-Beste ezer behar al duzu?

-Arratsalde on!

-Kaixo!

-Garagardo bat, plazera baduzu.

-Zer moduz ibilaldia? -Ederki, ederra izan da.

Iturrian ura edaten geundela, basurde bat pasa zaigu ondotik.

-Nolako sustoa!

-Ia bihotzekoak eman dio talde erdiari.

-Eta? Hemen, nola gaude?

-Gaizki.

Jendea asko gutxitu da neska-mutilena gertatu zenetik.

-Nik ez dut hainbeste somatu. -Ba nik bai.

Oraintxe bertan bi bezerok atzera bota dute asteburuko erreserba.

-Begira.

Ez da hainbesterako izango. Arratsalde on.

-A, Rollingsen azkena jaitsi dut, geratuko gara gero?

-Ados, bai.

-Kaixo!

Ai!

Ai, Maddi, egon zaitez geldi, demontre!

Bestela ezin zaitut orraztu.

Min eman didazu!

Auskalo non ibili zaren ileak horrela ekartzeko.

Errekan.

Perurekin zapaburuak harrapatzen.

Zapaburuak harrapatzen eta elkarri hondarra botatzen.

Zer moduz konpontzen zara Perurekin?

Ondo!

Mutil jatorra da Peru.

Bueno, bihurri samarra ere bai, zu bezalaxe!

Ai! Ni ez naiz bihurria!

Zer moduz egin duzu lo gauean?

Gaizki, amesgaiztoak izan ditut.

Ez kezkatu, bihotza.

Badakizu atean ipinita ditugun Loreek

izpiritu gaiztoak uxatzen dituztela.

Seguru? Horixe!

Mundu guztiarekin funtzionatzen dute.

Sinistu iezaiozu amonari.

Nik amonari ikasitako gauza asko dakizkit.

Eta badakizu hark nori ikasi zizkion?

Nori?

Bere amonari.

Ya! Eta hark bere amonari!

Horixe.

Ai, zu bai neska azkarra!

Eta ez kezkatu amesgaiztoekin.

Laster ezingo dute atetik pasatu.

Amona, atzoko amesgaiztoak desberdinak izan ziren.

Zer ba? Neska etorri berria agertzen zen.

Ze neska? Ane.

Kristoren gorputza.

Kristoren gorputza.

Kristoren gorputza.

Kristoren gorputza.

Kristoren gorputza.

Egin dezagun otoitz.

Zeruko janariz ase nahi dugunok, Jauna,

ezbehar guztietatik atera gaitzazu. Amen.

Bedeinka zaitzatela Jainko Ahalguztidunak.

Aitak, eta Semeak, eta Espiritu Santuak.

(DENEK) Amen.

# Zoazte Jaunaren bakean.

(DENEK) # Eskerrak Jaungoikoari. #

Rollingsen azkena, Internetetik jaitsita.

Badakit gustatzen zaizula.

Eta "El Inquilino Comunista".

Bezero batek oparituta.

-Mila esker.

Ba nik Juan Carlos Perezen azkena utziko dizut.

A, eta...

eraman hauek biak nahi baduzu.

-Oraintxe entzungo dugu?

-Ez, eraman etxera. (AHARRAUSIKA) Logale naiz.

-Zerbait prestatuko dut afaltzeko.

Zer duzu?

-Lotsa ematen dit esateak, baina ez daukat ezer.

Hozkailuan ez dago ezer.

-Ezer ez?

-Atzoko hondarrak edo.

-Erakutsi, artista naiz hondarrekin plater goxoak asmatzen.

-Ez.

Estibaliz, hobe dugu beste geun baterako uztea.

Gainera, ez naiz batere gose.

Barkatu, Esti. Leher eginda nago.

Oso egun gogorra izan dut.

-Zer egingo diogu ba.

Banoa orduan.

Ondo lo egin eta bihar arte.

-Bihar arte, bai.

Garbitu dut eliza.

Eta aldareko santuei ere zapia pasatu diet.

Nahi duzu zerbait gehiago egitea? Ez, joan lasai etxera.

Gero afaltzera etorriko zara, ezta? Ez, ez naiz gose.

Gainera, lan bat bukatu nahi dut.

Begiak galduko dituzu hainbeste irakurri beharrarekin!

Fermin.

Neska berri hori...

elizara sartu da meza denboran. Konturatu zara?

Bai, konturatu naiz.

Oso arraroa da.

Jaunartze denboran sartu eta meza bukatu baino lehen irten da.

Eliza ikusi nahiko zuen.

Zer moduzko neska da?

Pare bat aldiz ikusi dut, eta jatorra ematen du.

Argazkilaria omen da.

Bai. Argazki makina zaharra utziko diot, konpontzeko.

Ea zerbait egiten duen.

Bueno, banoa.

Gero arte. Bai.

Eta frigorifikoan utziko dizut afaria, ez berandu etorri.

(Haizea)

Hemengo jendea? Zer esango dizut ba nik?

Landetxekoak oso jatorrak dira.

Amona oso bitxia da. Sorgin peto-petoa.

Nagusia alarguna da, eta hiru alaba ditu.

Herriko apaiza ere oso jatorra da.

Gero Madrilen bizi izandako bikote bat ere ezagutu dut.

A! Eta Antonio basozaina, txotxolo bat.

Ba Ertzaintzan neskaren bilaketak ez du askorik iraun.

Ez?

Noizbehinka patruila bat pasatuko da herritik eta listo.

Gainera, susmo txarrak daude mutilaren inguruan.

Eneko, badakizu zer deskubritu dudan?

Enararen su-lekua eta gazte hauena berdinak direla.

Eta? Denok egiten ditugu su-leku berdintsuak.

Nik ez nioke garrantzia handirik emango arrasto horri.

Ba nik bai.

Harriak zuriak ziren, eta espiral forma bat osatzen zuten.

"Eneko, hori ez da normala".

Beste gauza bat eskatu behar dizut.

Lortuko al zenidake argazki-makina profesional bat?

Argazki-makina profesional bat? Zertarako?

Herrian argazkilaria naizela esan dut.

Ane, non sartzen ari zara? Egin iezadazu kasu eta uztazu hori!

Eneko, bide onetik noala uste dut eta ez dut atzera egingo.

Noizarte geratuko zara Balbemendin?

Ba ez dakit, baina erietxean

zor dizkidaten egunak eskatu ditut, badaezpada.

Ba niri denbora alferrik galtzea iruditzen zait.

Utzi fantasiak eta zoaz Karibe aldera edo nahi duzun lekura.

Eneko, ezagutzen nauzu, ezta?

Ba ez gehiago errepikatu gauza bera, mesedez!

Bale, bale.

Dena dela badakizu non duzun lagun on bat edozertarako.

Eskerrik asko, Eneko.

Ez ahaztu kamera, bale?

Ez, lasai.

Muxu bat.

Beste bat zuri. Agur.

(Haizea)

(Musika misteriotsua)

(Arnas estua)

(AHAPEAN) Lagundu.

Laguntzarekin edo gabe,

desagertutako neskarekin zer gertatu den jakingo dut.

Neska hori hilda dago.

Bai bi hauek, eta baita Enarak eta bere mutilak ere,

harri berdinak erabili zituzten sua inguratzeko.

Non aurkitu zenuen mutikoa?

Ertzainari kontatu nizkion nik kontatu beharrekoak.

Ertzainaren susmoa pizten badugu, gureak egin du!

-Hori ez da arazoa, dena kontrolpean daukat.

Nafar ezkur jale urde beltza!

Madarikatua Balbemendira etorri zinen eguna!

Ezuste handia hartu nuen.

Ba ikusten duzu, Balbemendiko apaiza naiz.

Fermin horrek misterioa du, ezta?

Zer moduz argazkilariarekin?

Leku berezien bila nabil.

Eraman bide errazetatik, ez dugu ezbehar gehiago nahi.

Ane!

Ane!

Ane, basoan galdu da.

Ane! Ane!

Norbait hilko da.

(Haizea)