Original subtitles

LAHAT NG TAUHAN, GRUPO, ORGANISASYON, PANGYAYARI,

AT MGA LUGAR SA SERYENG ITO AY PAWANG KATHANG-ISIP LAMANG

Palakpakan natin si No Sang-cheon,

ang chairman ng BIGS Network!

- No Sang-cheon! - No Sang-cheon!

- No Sang-cheon! - No Sang-cheon!

Sa panahon ngayon, kilala ng mga tao si No Sang-Cheon

bilang pinakamalaking scammer sa kasaysayan,

isang walang-awa at walang-pusong manloloko.

Pero hindi naman siya palaging kilala.

O puwedeng sabihin ng iba na hindi siya gano'n katalino.

EPISODE 2. ANG MGA BIKTIMA

TAONG 2006

Nagbibiro ka ba? Buwisit, talo na naman ako!

Hindi na pupunta dito ngayon si Boss.

Narinig kita. Tawagan mo siya at papuntahin dito.

May importante raw siyang lakad. Hindi ko alam kung kailan siya babalik.

Buwisit.

Halika rito.

Ano pang mas mahalaga kaysa ang pagbabayad niya ng utang sa 'kin?

Ano pa?

Hoy,

sira ba ang mga 'to?

Hindi ko alam. Part-timer lang ako rito.

Buwisit kang bata ka.

Sira? Hindi po, sir.

Heto po. Sagot na po namin ngayong araw.

Buwisit, hindi ako nanghihingi ng tiket.

Pero, salamat.

SLOTS MANAGER PARK

Oy, Mr. Park. Mukhang abala ka ngayong araw.

Ano?

Saan?

Hello? Binaba ng gagong 'yon.

Tarantadong 'yon. Akala niya kaya niya akong mandohan.

Sinasabi ko sa 'yo, minahan ng ginto 'to.

Siguradong may pera ka pampuhunan.

Madalang ang ganitong oportunidad.

I-withdraw mo na ang lahat ng pera.

Ano'ng lugar ito?

INVESTMENT BRIEFING PARA SA MAGNETIC NA KUTSON

Kumusta.

Mayroon ba ritong ayaw ng pera?

Puwede na kayong lumabas ng pinto.

Wala akong nakikitang uuwi.

Oo, lahat tayo ay gustong yumaman.

Kapag may pera ka, kaya ka nitong bigyan ng lubos na kasiyahan,

pero maiiwan kang nagdurusa kung wala.

- Tama. - Parehas tayong lahat.

May kumikita ba rito ng higit sampung milyong won kada buwan?

Wala?

Sampung milyong won kada buwan?

Katumbas 'yon ng 100 milyon sa isang taon.

Interesado ba kayo?

- Oo! - Oo!

Nakikita n'yo ba ang buwanang numero na 'yan?

Iyan ang mga naideposito ng isang diamond member.

Taunang kita na 100 milyong won.

Nakikita n'yo ba 'yon?

Hindi 'to gano'n kadali.

Pero magagawa n'yo rin.

Katarantaduhan.

Siguradong kalokohan 'to.

Mga inutil.

Ang diamond member na 'to

ay namuhunan sa amin sa loob lang ng dalawang taon.

Ayon ang gago.

Kailangan lang makabenta ng limang kutson para tumaas ang level.

Susunod...

'Pag nakabenta ka ng 25 kutson, diamond member ka na.

Kikita ka ng 100 milyon kada taon.

Tigilan mo na 'yan.

Sabi ko doon ka lang sa slots, eh.

Ikaw pala.

Tarantado ka.

Isang tama kada 1,000 won mo.

Wala akong kahit magkano. Maniwala ka.

Loko-loko ka.

Mr. No, narinig n'yo naman 'yong briefing, 'di ba?

Para kang naka-jackpot.

Yayaman ako roon at babayaran kita.

Bigyan mo lang ako ng kaunting oras.

Kalokohan 'yon, tanga.

Ano?

Makinig ka. Ipaliliwanag ko.

Magbabayad ka ng isang milyong won para maging miyembro at sa kutson.

May 50 porsiyento kang kita kapag naibenta mo sa limang tao.

Gano'n din ang mangyayari kapag may napasali kang iba.

- Tama. - Walang gano'n.

Malaking kalokohan talaga 'yan!

Mga lintik na manloloko.

Minsan, gamitin mo rin 'yang utak mo.

Para kumita ang bawat isa rito ng 100 milyon kada taon,

kailangan bumili ang buong bansa ng kutson na 'yon.

Nakikinig ka ba? Tanga ka.

Akala mo ba 'di ko 'yon alam?

Pero sa totoo lang...

Huwag mong tingnan ang huli.

Tingnan mo ang pain.

Pain?

Oo, ang pain.

Alam natin pareho na kalokohan lang 'to.

Hindi tayo katulad ng mga tangang 'yon.

Tingnan mo ang mga taong 'yon.

Tingnan mo kung gaano karaming isda 'yan.

Masagana ang tubig sa kanila.

Pero ano'ng kailangan mo para makahuli?

Kailangan mo ng pain.

Nandoon 'yon.

Magkakapera tayo dahil doon.

Magbebenta tayo ng pain.

Magbebenta ka ng kutson sa mga taong 'yon?

Ano'ng pinagkaiba no'n?

Makinig ka.

Kailangan may bumili ng mga kutson bago mabenta ng mga tao.

- Nakukuha mo ba? - Sige, ituloy mo.

Bultuhan bumili ang mga tao ng kutson dahil gusto nilang kumita nang malaki.

Para matapatan ang pangangailangan, kailangan ng maramihang paggawa sa China.

Talagang sobrang dami. Nasusundan mo ba ako?

Pagsusulit ba 'to? Magsalita ka lang.

Para mangyari 'yon, kailangan ng paunang bayad sa Chinese factory

para ipadala nila ang mga kutson.

Doon ako mamumuhunan. Hindi lang isa o dalawang kutson.

At kikita ako ayon sa dami ng puhunan ko.

Siguradong tataas ang demand dito

kaya siguradong tutubo ako.

Namumuhunan ang mismong CEO ng kompanyang ito.

Isinama niya ako sa pamumuhunan.

Kung gano'n...

mamumuhunan ka sa mga kutson na ibebenta sa mga taong lolokohin?

Ganoon na nga.

Matalino ka. Nakuha mo kaagad.

Tarantado ka.

Siya nga pala, ligtas mamuhunan dito.

Babayaran kita, may tubo pa. Maghintay ka lang, puwede?

Sino'ng nagsali sa 'yo rito?

CEO JANG KANG-CHUN

Alisin mo ang paa mo sa lamesa.

'Yan pala ang ibig sabihin ng "magnetic".

Hindi mo alam ang ibig sabihin ng "magnetic", Mr. Loan Shark?

Ibaba mo na ang binti mo, pakiusap!

- Ang bastos. - Nasaan na ba 'yong lalaki?

- Ganiyan ka ba 'pag dumating siya? - Ewan ko sa 'yo.

INVESTMENT BRIEFING PARA SA MAGNETIC NA KUTSON

Sino ka?

'Di mo dapat sinabi sa iba ang tungkol sa pamumuhunan sa negosyo natin.

Ikinagagalak ko po kayong makilala...

Opo naman. Alam ko.

Nakikiusap sa akin si Mr. No na makilala kayo...

Balita ko na nagtatrabaho ka sa finance. Ano'ng pangalan mo?

No Sang-cheon.

May maliit akong negosyo na nagpapautang sa mga nangangailan nito.

Jang Kang-chun.

MAG PAD

Mag-iwan ka ng ilang business card, Mr. No.

Marami kaming miyembro

na kailangang makautang, kaya malaking tulong 'yang negosyo mo.

Maganda 'yon, pero...

Gusto talagang mamuhunan.

'Di na kami tumatanggap ng mga bagong mamumuhunan.

Mayroon akong importanteng miting kay Professor Choi ng KAIST.

May ginagawa kaming wireless massage machine.

- Tara na. - Bakit?

Salamat po. Tara na.

Maupo ka.

Kung gano'n...

paano kung ako ang mamuhunan imbes na si Mr. Park?

'Di mo kailangan magbayad ng tubo. Ako na lang ang mamumuhunan.

Hindi 'yan tama.

O bayaran mo na ako ngayon.

Ano ka, magnanakaw? Pagnanakaw 'to!

Ano'ng tinawag mo sa 'kin, magnana...

- Lintik ka... - Tumigil kayo!

Tumigil kayong dalawa.

Ano'ng ginagawa n'yo sa opisina ko?

Ayos ka.

Gusto ko ang dedikasyon mo.

Kung gano'n, puwede na akong mamuhunan?

Mayroon kang puwedeng paglagyan ng puhunan sa ngayon.

Medyo kakaiba ang kasong 'to.

Puwede mo akong tapatin.

Imported ang magnetic na kutson mula sa Munsang branch

at naiipit ngayon sa pantalan ng Yeojin dahil sa kakulangan ng papeles.

Daang milyong won 'yon na naipit doon sa pantalan.

Nag-alok ang Munsang branch na ibenta ang mga kutson

sa kahit aling branch sa murang halaga.

Plano naming bilhin ang mga 'yon.

Makakatipid tayo sa mga import fee.

Pero paano ang mga papeles?

Huwag mo na problemahin 'yon.

Sobrang malapit ako sa lalaking 'yon.

Ang problema lang namin

ay medyo kulang kami sa pondo.

Hindi 'yon gano'n kalaki, pero bakit 'di mo subukang mamuhunan?

Magkano?

Mura lang. Mga 200 milyong won.

'Di bale na lang.

Tatanungin ko 'yong ibang namumuhunan. Siguradong magiging interesado sila.

Dalawang daang milyon? Kayang-kaya ko 'yon.

Talaga?

- Magagawa mo 'yon? - Oo.

Siya nga pala, siguradong makakakuha ka ng 300 porsiyento ng benta.

'Pag naglagay ka ng sampung milyon, kikita ka ng 30 milyon.

Sampung milyon na magiging 30 milyon.

Kung 200 milyon won, kikita ako ng 600 milyon.

Tama 'yon.

Ang dami kong nilabas na pera para mangyari ang lahat ng 'to.

Gastos sa labor, sa negosyo, at kung ano-ano pa.

Hindi gano'n kalaki ang inaasahan ko

pero mukhang 'di naman sayang ang oras ko.

Puwede bang ako mismo ang tumingin sa mga produkto sa pantalan ng Yeojin?

Grabe.

Hindi namin puwedeng ipakita sa kahit kanino.

Mamumuhunan ako kaagad basta makita ko lang ang mga kutson.

Hindi ako nagpapahintay ng mga tao.

Ang galing!

Tara!

Sa 'min lahat ang mga bagon dito.

Sa 'yo na...

ang mga susi.

- Talaga? - Sabi mo 'di mo 'ko paghihintayin.

Pinapakitaan lang kita ng tiwala.

Isipin mong pampasuwerte 'yan.

Ipapadala ko sa 'yo ang pera sa loob ng isang oras.

Sampu lahat...

Isa, dalawa, tatlo, apat, lima, anim, pito...

Ilan lahat ng kahon?

Halatang sabik na sabik ka.

Pumasok kayo't ipakita sa kaniya.

ARIRANG, 5070 MEDLEY

Bakit sisisihin ang oras sa pagtakbo

Hindi mo na maibabalik ang oras ng buhay

Simulan mo nang tumakbo

Huwag ng lumingon at patuloy na tumakbo

Huwag kayong makialam sa buhay ko

Nababaliw na 'ko.

Huwag kang tumayo lang diyan. Kumanta ka rin.

Salamat, sir!

Sang-cheon, araw-araw kang nandito. May problema ka ba?

'Di sa ayaw naming nandito ka.

Bakit, nag-aalala ka ba na wala na akong perang pambayad?

Heto.

Para sa 'yo.

Sa 'yo na 'yan lahat.

Ang galante mo talaga, Sang-cheon.

Pambihira.

Ano 'yon, Mr. Park?

Naayos mo na ba ang mga papeles?

Patay tayo. Nawala na 'yong gagong 'yon!

Ano?

Sandali lang.

Huminahon ka.

Saan siya nagpunta?

Lintik!

Tarantado ka.

Buwisit! Nasaan na siya?

Saan siya nagpunta?

Nasaan si Jang Kang-chun?

Paano ko naman malalaman?

Ginawa kong kolateral ang slot machine ko! Patay ako!

Ang tarantadong 'yon...

Kailangan ko lang ang mga kutson. 'Yon lang.

Nandito lang 'yon.

Nasaan sila?

Lintik.

Manloloko ka!

Papatayin kita!

'Yon ang No Sang-cheon

na kilala ko.

TAONG 2023

Hindi siya gano'n katalino katulad ng iniisip ng iba.

Wala na talaga akong alam.

Kahit gaano pa karaming karayom ang itusok mo sa 'kin,

hindi ko pa rin alam...

PINAHIRAPAN, SONG YOUNG-JIN, EDAD 55

Ang brutal.

Lalabas na ang arrest warrant, 'di ba?

Lalabas nga ba?

Mayroon lang tayo no'ng mga litrato na kinunan ni Lee Byeong-jun,

pagkatapos ng pagpatay.

Sayang.

Hindi sana tayo mahihirapan kung may litrato tayo bago ang pagpatay.

Si Lee Byeong-jun...

Hinatulan siya ng 'di makahustisyang gobyerno.

Puwede bang maging mamatay-tao ang kagaya niya?

Ang brutal pa.

Nakapagtataka. Ang linis ng trabaho na parang ginawa ng propesyonal.

Akala ko tutulungan tayo ng Deputy Head na makakuha ng warrant.

Na may kilala siyang mga prosecutor.

Nakapagtataka rin 'yon.

Bakit niya tayo tinutulungan?

Tinanggal pa nga niya ang suspensiyon ko.

Do-han.

Hindi makabubuti ang masyadong pangingialam.

- Sumusobra ka na. - Sige.

Pero kung may kailangan akong pagtakpan,

sabihin mo agad sa 'kin.

May kinalaman ba kay No Sang-cheon?

Ano'ng sinasabi mo?

- Tumigil ka o umalis ka na. - Kilala mo 'ko.

Interesado lang ako sa mga homicide.

Wala akong pakialam kung ano'ng ginawa ni No Sang-cheon noon.

Sa tingin ko ay 'di siya pumatay ng kahit na sino.

Tama ka. Dahil patay na siya.

Pero bakit lumilitaw palagi ang pangalan niya?

Malaking usapin 'to.

Kukuhaan kita ng arrest warrant ni Lee Byeong-jun.

Kaya ipagpatuloy mo lang ang ginagawa mo.

May sasabihin ka pa?

Umalis ka na.

Hindi mo pa rin ako sinasagot.

Tungkol sa kung may dapat ba na pagtakpan.

Walang gano'n.

Dalhin mo si Lee Byeong-jun.

Tingnan natin kung ano'ng ginagawa niya.

Nabigla ako nang napatawag ka.

Iuurong na ba nila ang mga kaso?

Hindi ko alam. Sinabihan lang nila ako na wala nang kailangan imbestigahan.

Akala ko matatagalan 'to.

Malungkot ka ba?

Mukha kang malungkot.

Akala ko kukuha sila ng arrest warrant.

Kahit tinanggi ko 'yong paratang.

Ang lakas ng loob mo.

Paano kung ikinulong ka talaga nila? Gumising ka nga.

Ano'ng pinagkaiba? Nasa kulungan o wala,

wala naman akong pamilya.

Siyempre mayroon ka.

Sinabi mo na dadalawin mo sila kapag naayos mo na ang lahat.

Nakaraan na lang ang lahat ng 'yon.

Tapos na ang lahat ngayon.

Pagkarinig ko sa pagkamatay ni No Sang-cheon.

Kumain ka na ba? Pinakain ka ba nila?

Pinapapili pa nga nila ako ng pagkain.

Umorder pa kami.

Huwag kang ganiyan dahil lang sa 'di ka nila ginutom.

Sa tingin mo ba talaga kinulong nila ako para sa pagkain?

Oo, talagang nag-aalala ako sa 'yo.

Huwag kang mag-isip ng kung ano-ano.

Tingnan mo nga naman. May nag-aalala sa 'kin.

Ang saya lang.

BIGS NETWORK VICTIMS' GROUP

DAPAT RESPONSABLE ANG GOBYERNO HULIHIN SI NO-SANG CHEON

Hindi, hindi 'to tama.

Hindi naman ako nakulong.

Kainin mo habang mainit pa.

Hindi mo alam kung gaano kami nag-alala.

Hindi namin alam kung ayos ka lang.

Heto pa ang isang nag-aalala sa akin.

Oo naman.

Alam mo namang malambot ang puso sa 'yo ni Ms. Cheongju.

Ang ganda. Nangangamoy pag-ibig.

Hindi. Ano ba kayo, 'wag n'yong sabihin 'yan.

Hindi 'yan totoo.

Sige na, kakain ko na 'to.

Dahil inihanda mo 'to para sa 'kin.

BIGS NETWORK VICTIMS' GROUP

Nagpunta ka talaga roon?

At nakita mo ang bangkay?

Oo naman. May litrato pa nga ako.

Patingin.

- Saan? - Wala akong makita.

Binura na marahil ng mga pulis, pagkatapos kopyahin sa kung saan.

Ganoon na nga siguro.

'Yong mga text? Tiningnan din ba ng mga pulis?

Nabura ko bago ako hulihin.

Mabuti naman.

Ang hirap ng ginawa ni Byeong-jun.

Ibig kong sabihin, sa pagitan natin,

sino'ng may alam na totoo 'yon?

Kung alam kong totoo 'yon, ako na mismo ang pumunta.

Huwag mong sabihin 'yan.

Sa pagitan lang natin ito.

Kaya mag-isang pumunta si Byeong-jun.

Kung lumantad tayo,

naging kasabwat tayong lahat.

Pero hindi man lang ba natin ito pag-uusapan?

Kung ano'ng sunod na gagawin?

Mag-isa tayong kikilos.

Ano sa tingin mo?

Pumunta ako roon dahil gusto ko.

Masaya akong patay na siya.

Mabuti nga sa tarantadong 'yon.

Ang tagal niyang nabuhay!

Sobrang saya ko!

Tama. Nararapat lang kay Song Young-jin na mamatay.

Hindi, ang galing ng ginawa ni Byeong-jun.

- Ang husay mo! - Ang galing mo!

- Ang galing mo! - Ang galing mo!

- Maraming salamat. - Wala 'yon.

Wala akong pakialam kung sino'ng pumatay sa kaniya.

Siguradong may maganda silang dahilan.

Hindi ko alam kung mayroon bang ayaw siyang mamatay.

Pero may naiisip ka ba na partikular na tao?

Detective, 'di ko rin kilala ang lalaking 'to.

Anak niya lang ako

at nakakainis na nandito ako ngayon.

Hindi mo pa siya nakita simula no'ng lumabas siya ng kulungan?

Isang beses tinawagan niya 'ko.

May sinabi siya tungkol sa pagkakaroon ng malaking pera.

Pera?

Nasabi niya kung saan nanggaling?

Sinabi niya na balak niyang kunin kay No Sang-cheon.

Sinabi kong tumigil na sa kalokohan tapos binaba ko na.

Ano'ng kalokohan 'yon. Dinadamay niya pa ang patay.

Ginamit niya sigurong dahilan 'yon para subukang makauwi.

Sinabi ba niyang buhay si No Sang-cheon?

Hindi.

Buhay siya? Si No Sang-cheon?

Opisyal siyang patay.

Talunan ang tatay ko.

'Yong ibang manloloko nakahiga sa pera.

Tingnan n'yo ang nangyari sa kaniya.

DEPUTY HEAD

- Hello? - Bakit n'yo pinalaya si Lee Byeong-jun?

Akala ko hindi na lalabas ang warrant.

Sino ka para pagpasiyahan nang ganiyan?

Ano'ng balak mo?

Mali na tinuon lahat ng pansin kay Lee Byeong-jun.

May ibang pagkakataon na lumagpas dahil doon.

Sigurado ka bang 'di siya ang pumatay?

May nakabuntot sa kaniya.

Kumukuha kami ng impormasyon sa mga nakapalibot kay Song Young-jin.

Sino naman 'yon?

- Ano'ng... - Sir.

Magpo-pokus kami sa homicide nito.

Hindi n'yo kailangang mag-alala.

Ibababa ko na po.

Kilala mo si Song Young-jin, 'di ba?

Magkasama kami sa kulungan. Bakit?

Ano'ng ginawa niya ngayon?

- Patay na siya. - Ano?

May ilan akong katanungan tungkol kay Mr. Song.

Wala akong masyadong alam sa kaniya.

'Di kami malapit. Magkasama lang kami sa kulungan.

Sabihin mo lang kahit ano'ng maisip mo.

Madali ba siyang pakisamahan?

Mukha naman.

Ang dami niyang sinasabi tungkol sa lahat.

May mga koneksiyon siya at alam niya ang lahat.

Alam mo na ang gusto niya.

Gusto niya maghiganti.

Sinabi niyang pupunta siya sa China para kitain si No Sang-cheon.

Tinapon siya at hindi binayaran.

Galit siya na nasa kulungan siya.

Sigurado siya na 'di mamamatay si No Sang-cheon nang gano'n lang

at sinabi niyang buhay 'to.

Wala kang alam.

Walang nag-iisip na totoong patay na si No Sang-cheon.

Wala ni isa sa mga biktima.

BUHAY BA TALAGA SI NO SANG-CHEON

Ano'ng ginagawa mo?

H AND NEWS

No Sang-cheon ulit?

Ang linaw talaga ng mata mo.

Oo. Maganda kung isulat mo na 'yan.

Kung napapanatag ka kapag sinusulat 'yan, bakit hindi.

Hindi mo rin naman ilalabas 'yang article, e.

Baka gawin ko na ngayon.

Nararamdaman ko.

Hindi sapat ang nararamdaman.

Kahit anong paksa pa, kailangan maging matunog.

Hindi interesado ang mga tao kaya kaunti lang ang views natin.

Hala, 'di ko namalayan ang oras. Kailangan ko pumunta sa ospital.

Huwag ka nang bumalik, magkita na lang tayo bukas.

Makakakuha ka ba ng impormasyon tungkol sa isang detective?

Hindi naman 'yon mahirap. Sino?

Si Gu Do-han, Violent Crimes Unit.

Pasensiya na, nahuli ako.

Hindi ka na dapat nagpunta. Ayos lang akong mag-isa.

Mapapagod ka lang pauwi. Ihahatid na kita.

NO SANG-CHEON

Captain Gu, pare-pareho ang mga interview.

Sinasabi ng lahat na balak ni Song Young-jin

na pumunta sa China para kitain si No Sang-cheon.

Kung titingnan 'to, mukhang totoo nga.

PASSPORT APPLICATION SONG YOUNG-JIN

Maaaring palabas 'to para sa isa na namang panloloko.

Puwede.

Pero sa tingin mo ba buhay pa si No Sang-cheon?

Nabalitaang namatay siya sa aksidente sa sasakyan.

Nakita siyang wala nang buhay.

Mga Intsik lang ang nakakita sa katawan niya.

At hindi gano'n kahirap

na dayain ang death certificate roon.

Magagalit ang mga tao kung buhay siya.

Pag-uusapan ulit 'to ng buong bansa.

Magiging katatawanan ang pulisya

dahil sinabi na nating patay na siya.

Makakabuti sa 'tin kung patay na siya.

Kailangan 'tong pagtakpan ng mga taong may kinalaman sa kaniya.

Nang hindi na siya lumantad pa.

Sandali.

Paano kung tingnan natin ang sinasabi mo sa ibang anggulo?

Ano'ng sinabi ko?

Kung iisipin at sasabihin natin

na buhay si No Sang-cheon, sino ang pinakatatanggap sa kaniya?

Walang tatanggap sa basurang 'yon.

Samantala, ang kasong No Sang-cheon Ponzi scheme

ay nakatakdang ibasura sa korte

dahil sa pagkamatay ng may sala,

kaya mas mahihirapan ang mga bikitima na makahingi ng danyos.

LEE BYEONG-JUN FRAUD VICTIM

CHEON NA-YEON H AND NEWS REPORTER

VICTIMS' GROUP MOTIBO SA PAGPATAY KAY SONG YOUNG-JIN

- Ang mga biktima. - Ano?

Kung talagang buhay si No Sang-cheon,

ang mga biktima ang tatanggap sa kaniya.

Ano'ng ibig mo sabihin?

May motibo sila para patayin si Young-jin.

Katulad ni Lee Byeong-jun.

Marahil pinagdasal nilang mamatay si No Sang-cheon.

Totoo lang 'yon kung nabayaran na sila.

Nakapagtataka, pero ang mga biktima ang nagprotesta sa daan

noong inanunsiyo ang pagkamatay ni No Sang-cheon sa China.

Kung buhay si No Sang-cheon, mabubuksan ang imbestigasyon

at mababayaran ang mga biktima.

Tama 'yon.

Pero ano'ng kinalaman no'n sa kasong 'to?

Hindi natin inaalam kung patay o buhay si No Sang-cheon.

Alam marahil ng victims' group

kung bakit palaging lumilitaw ang pangalan ni No Sang-cheon.

Sabihan mo si Detective Shin na i-text sa akin ang adres.

Sige.

DAPAT RESPONSABLE ANG GOBYERNO HULIHIN SI NO SANG-CHEON

KAILANGAN MAGBAYAD NG GOBYERNO WALANG KUWENTANG MGA PULIS

Bago ka lang dito.

May maitutulong ba ako?

Gu Do-han, Violent Crimes Unit.

Violent Crimes? Ano'ng ginagawa mo...

Bakit ka nandito?

Nandito ka para ikulong ulit si Mr. Lee Byeong-jun?

Sayang.

Wala siya rito.

Hindi. Nagpunta lang ako para bumati.

Bumati?

Nandito ka siguro para magmanman.

Ano ka ba.

Wala siyang masamang ibig sabihin.

Masaya kaming makita kayo.

Mga kasama, palakpakan n'yo siya.

Huwag kang mabigla.

Pinapalakpakan talaga namin palagi ang mga detective sa kaso ni No Sang-cheon

para palakasin ang loob nila at ipakita ang suporta namin.

Nakasanayan na namin.

Mga kasama, isa pa!

Hindi ko hawak ang kaso ni No Sang-cheon.

Kung ganoon, bakit ka nandito?

Hindi kami interesado sa kahit ano.

Matagal nang patay si No Sang-cheon.

- Baka dapat na kayong mag-move on... - Ano?

Sino'ng nagsabi na patay na siya?

Wala ni isa rito ang iniisip na patay na si No Sang-cheon.

Hanggang sa makita ng mata namin mismo ang bangkay niya

at masuri ng mga kamay namin ang mukha niya,

hindi kami maniniwala sa katarantaduhang patay na siya!

Ano?

Umalis na siguro muna kayo ngayon.

Maikli ang pisi ni Sang-bong, 'di madaling makipag-usap nang nandito siya.

Mas mabuting umalis na kayo.

Tama, 'di ba? Sa susunod na lang siguro.

Mag-iingat kayo.

WONDAM HOLDINGS INVESTMENT

Sabihin natin, "Magagawa ko 'to!"

- Kaya ko 'to! - Kaya ko 'to!

- Gawin natin 'to! - Magagawa ko 'to!

- Tara! - Salamat, mga kasama!

Pyramid scheme 'to.

Maraming bagong naiisip ang mga manloloko.

Para silang mga ipis, nagbabago ang anyo para maiwasan ang kamatayan.

Sawa at pagod na ako sa kanila.

Kung naging maayos ang paghawak sa kaso ni No Sang-cheon,

hindi sana sila ganiyan.

Kung alam lang ng mga tao

na ang panloloko ay isang krimen na mas brutal pa

kaysa sa pagpaslang para sa ilan sa atin...

Hindi pa huli ang lahat para malaman ng mga tao.

Ito na lang ang pagkakataon natin.

Baka nga ito na ang huli.

Hindi na ako makakaabot sa hapunan.

KINATAWAN NG MGA TAO!

KONSEHAL NG MAGANG CITY PARK GWANG-SIN

Sir, magpapagabi po kayo rito?

Oo, mauna ka nang umuwi.

Gusto akong makita ng CEO ng Changshin.

Huwag po kayong magpagod. Umuwi po kayo agad.

At hinay-hinay lang sa pag-inom.

Kaya ko ang sarili ko.

Isara mo ang pinto.

DAEJIN PARTY PARK GWANG-SIN

Pasensiya na po. Ayos lang kayo?

Pasensiya na.

Buwisit, saan siya nagpunta?

Nandiyan ka na ba?

KONSEHAL NG MAGANG CITY PARK GWANG-SIN

Ito ang 112 Emergency Call Center.

Tulong...

Tulong...

TULONG PAPATAYIN AKO NI NO SANG-CHEON

Papatayin ako...

ni No Sang-cheon.

Sir? Puwedeng pakiulit...

TAWAGAN MULI

I-FORWARD SA VIOLENT CRIMES ANG TAWAG TUNGKOL KAY NO SANG-CHEON

Captain!

AHENSIYA NG PULISYA NG MAGANG NAMBU

Hanggang sa makita ng mata namin mismo ang bangkay niya

at masuri ng mga kamay namin ang mukha niya,

hindi kami maniniwala sa katarantaduhang patay na siya!

Captain!

May tawag tungkol kay No Sang-cheon.

Katulad no'ng huli.

- Saan? - Inaalam na namin.

Saglit lang ang tawag kaya pinakamalapit na cell tower lang ang nakuha.

At saan 'yon?

Nagpadala na ng tao ang Emergency Call Center.

Pambihira.

- Ano po 'yon, Captain? - Nasaan si Lee Byeong-jun?

Nawala siya...

Ano? Kailan?

Mga isang oras na po.

- Nasaan ka? - Malapit ako sa Wonnam Station.

Sa Bamgi-dong?

May natanggap kaming tawag na papatay si No Sang-cheon.

- Diyan galing ang tawag. - Ano?

Lintik.

Nasa loob kami ng 100-meter radius.

Napakaraming gusali rito. Hindi ba mapapaliit ang sakop?

Imposible 'yon maliban kung tumawag ulit.

- Patay na rin ang cellphone. - Sige.

Nandito si Detective Park.

Ano'ng sitwasyon diyan?

Parang nagkamali kami ng liko.

Detective Shin!

Pambihira, mababaliw ako sa batang 'to.

Tingnan mo! Nandoon siya!

Saan ka galing? Tiningnan mo ba roon?

Papunta ako roon.

Doon ka pumunta, dito ako.

- Mag-iingat ka! - Bilis.

'Di masasagot ang iyong tawag...

KONSEHAL NG MAGANG CITY PARK GWANG-SIN

Mr. Lee!

Ano'ng nangyari?

Kailan ka pa dumating dito?

Patay na siya. Patay na rin si Park Gwang-sin.

Tara na. Kailangan nating makaalis dito.

Kailangan kong manatili rito.

Hindi ngayon ang oras para diyan.

Sinabi nang kailangan nandito ako.

Umalis ka na.

Tigil.

TAONG 2011

Na-yeon.

Kailangan mong pumunta sa ospital.

PULISYA

Kumusta ang kaso sa pera?

'Yong kaso sa pyramid scheme?

Umusad na ba ang kaso?

Sa totoo lang, ang hirap.

Nakatakas 'yong suspek.

Kinausap ko ang mga biktima

at mukhang may intensiyon ng panloloko

pero walang sapat na ebidensiya para mahanap ang mga suspek.

Kung ganoon,

sa tingin ko dapat ka nang magpokus sa ibang kaso kaysa sa isang 'yan.

Bakit?

Sinabi mo na mismo.

Wala kang sapat na ebidensiya para ikulong sila.

Marami pang ibang kaso.

Hindi makakatulong sa promotion natin ang makahuli ng ilang manloloko.

Pero dumarami ang bilang ng mga naloko.

At may tip na may planong lumabas ng bansa ang mga suspek.

Gaano kasigurado ang tip na 'yon?

Sino'ng source mo?

Isang tao mula sa samahang 'yon...

Ano'ng nangyayari? May pumoprotekta ba sa kanila?

Sa totoo lang, maaaring maging sakit sa ulo ang kasong ito.

At panloloko lang naman ito.

At wala pa ring siguradong nakukuha.

At ang nagpapalala pa, hindi naman talaga 'to kasong kriminal.

Bahala na. Pag-iisipan ko.

Sige, aalis na 'ko.

Sige.

Tapusin na natin ang kasong 'to hangga't kaya pa natin.

Hello. Bakit?

Ano'ng sabi mo?

Ma!

Ano'ng nangyari? Ano'ng nangyari kay Papa?

Kasalanan ko 'to lahat.

Nagkamali ako.

Sabihin mo sa akin kung ano'ng nangyari.

Bakit nandito si Papa?

Ang papa mo...

Ang papa mo...

Kumusta siya?

Mabubuhay siya, 'di ba? Sabihin mong buhay siya.

Patawad po. Ginawa namin ang lahat para iligtas siya pero huli na ang lahat.

- Papa. - 'Di kayo maaaring pumasok.

Papa ko 'yon. Bakit 'di ko puwedeng makita?

Tumabi kayo!

Papa.

Papa!

Kasalanan ko 'to lahat.

Sinira ko ang lahat.

Dahil 'to sa 'kin.

Ano'ng nangyari?

Nagpakamatay.

Sinilaban niya ang sarili niya sa opisina ng BIGS Network.

Nasa estasyon lang siya kahapon para kausapin ako.

Hindi, mali ka!

Hindi siya nagpakamatay.

Pinatay siya

ni No Sang-cheon!

Pinatay niya ang asawa ko!

Sinabi n'yong huhulihin n'yo si No Sang-cheon.

Sinabi n'yong gagawin n'yo 'yon.

Sinabi namin sa asawa n'yo na hinahanap namin siya.

Tumakas siya.

Katulad ng sinabi ng asawa ko!

Nasa bansa pa siya.

Sinabi ko sa asawa n'yo na maghintay pa

dahil naglabas na kami ng travel ban para sa kaniya...

Gusto ng mga tao...

Gusto ng mga tao...

na maibalik ang mga pera nila...

Wala ako...

Wala na ako sa tamang pag-iisip...

'Wag n'yo pong sisihin ang sarili ninyo.

- Kasalanan ko 'to. - Huhulihin po namin si No Sang-cheon.

Oo. Kasalanan mo 'to, Mama!

Sinabi ko na sa inyong kahina-hinala 'yon.

Hindi n'yo na dapat dinamay ang ibang tao sa gulo na ito.

- Si Papa... - Patawarin mo 'ko, Na-yeon.

Naloko ako.

Oo! Ikaw dapat ang namatay.

Bakit mo 'yon ginawa?

Papa...

Hindi ko maisip kung gaano kasakit...

Sandali lang po.

EMERGENCY MEDICAL CENTER

Mahuhuli n'yo po ba siya?

'Yong taong nanloko sa mga magulang ko.

Ginagawa namin ang lahat.

May mga ibang sinali sa negosyo ang nanay ko.

Hindi lang 'yon pera ng pamilya namin.

Sobrang nahirapan ang tatay ko dahil doon.

Pero sinabi rin niya

na parang hindi iniimbestigahan ng mga pulis ang kaso.

At hindi n'yo makulong ang mga suspek dahil walang sapat na ebidensiya.

Hahanapin muna namin siya. At susunod na lang 'yong iba.

Narinig ko na may mga ibang tao rin na namatay.

Hindi ba sila maituturing na mga mamamatay-tao rin?

Kapag umayos na ang pakiramdam ng nanay mo,

kumain kayo ng masarap.

Kailangan mong magpakatatag.

'Pag nahuli namin ang lalaking 'yon, kailangan mo ng lakas para duraan siya.

Kapag dumating ang oras na 'yon...

hindi lang 'yon ang gagawin ko.

Sisiguraduhin kong magdurusa sila katulad ng nangyari sa tatay ko.

Mahuhuli n'yo siya, 'di ba? Pangako?

Pangako.

Naloko sila dahil gusto nila ng mabilisang pera.

Ano 'yon?

Alam mo 'yon,

wala namang mangyayari kung 'di sila naging sobrang sakim.

Imposible naman kasi.

'Di ka magkakaroon ng maraming pera sa maliit na halaga.

Mahihiya akong patayin man lang ang sarili ko.

Buwisit ka.

Ang sakit no'n!

- Nagmamaneho ako rito! - Hindi ganiyan magsalita ang detective.

May mga taong namatay dahil sa manlolokong 'yon.

Sa totoo lang,

wala na akong gana sa kasong ito.

Bantayan mo 'yang bibig mo!

Puwede ka nang tumigil kung gano'n.

Sinasabi ko lang. Ayaw ko namang mawala talaga sa kaso.

'Yong batang babae na nakausap natin?

Hindi ba dapat natin sabihin sa kaniya kung ano talaga ang nangyayari?

Kahit na mahuli ang lalaking 'yon, mahirap siya ikulong.

Namuhunan ang mga tao,

kaya hindi talaga 'yon panloloko.

At kung ibalik niya ang pera, hindi natin siya makakasuhan ng panloloko.

Pero kahit na, kailangan natin hulihin si No Sang-cheon.

At nang maibalik niya ang pera o mapaparusahan siya sa ginawa niya.

Kinontak ka na ba ng lalaking 'yon?

Tatawagan niya dapat ako bukas ng umaga.

Bukas?

- Chief. - Ano 'yon?

Chief, gising!

Hindi biro ang pinsala nito.

Mas malaki pa sa inaasahan natin ang pinsala nito.

Bakit? Ipaliwanag mo nga.

Tumaas ang bilang ng mga biktima at pinsala pagkalipas lang nang magdamag.

Sa Seoul, Busan, Daegu, Yeosu...

Malaking kaguluhan sa buong bansa.

Nasa sampung bilyon ang pinsala sa alam pa lang natin.

Pambihira.

Mukhang walang kakulangan sa mga tanga.

Hindi ako makapaniwalang maraming nahulog sa ganoong panloloko.

May tsismis sa mga biktima na tatakas ng bansa ang lalaki...

Ano'ng ginagawa ng mga lokal na estasyon tungkol dito?

Hindi sila interesado.

Alam mo naman ang mga kaso ng fraud.

Walang tulong sa merit rating.

'Di pa nag-iimbestiga ang karamihan.

Naiintindihan ko.

Kahit na mahuli natin sila, kailangan natin makausap ang mga biktima.

Grabe, ang hirap no'n.

Chief.

Tapusin na natin. Ano'ng masasabi mo?

Tapusin na natin ang kasong 'to hangga't kaya pa natin.

GEONBU PORT HATINGGABI

Maghanda kayo.

May tip tungkol kay No Sang-cheon.

- Ano? - Sige. Kumilos na kayo.

Oo nga pala, Yoon-bae.

Ano ba'ng mali diyan sa utak mo?

Hindi ikaw ang magpapasiya kung tatapusin na 'to!

Ako ang magpapasiya.

Bakit wala ka sa lugar magsalita?

- Umalis na kayo. - Sige.

Sobrang lamig.

Lagpas alas-tres na ng umaga. May mali.

Baka nagkamali tayo sa lugar o oras.

Kaunting pasensiya lang.

May ibang mga detective din na nakaabang sa iba pang mga pantalan.

Ano?

Sige. Tara na.

'Yon 'yong sasakyan, 'di ba?

Harangan n'yo ang daan.

Ano'ng nangyayari?

- Hulihin n'yo siya! - Lumabas kayo riyan!

- Labas sa kotse! - Bilis.

- Buksan n'yo ang pinto! - Hoy!

Magsilabas na kayo!

- Buksan n'yo ang pinto! - Buksan mo 'to, ungas!

Buksan mo na!

- Babasagin ko 'tong bintana. - Buksan mo 'to!

Lumabas kayo riyan!

Ano 'yon?

Boss.

Ano'ng nangyayari?

JANG SUN-WON OPISINA NG PROSECUTOR

Si Gang Jong-hun 'to.

Si Park Sang-do 'to, District Prosecutor.

Iniimbestigahan namin ngayon si No Sang-cheon.

- Ano? - Sa ngayon,

naaabala n'yo ang imbestigasyon. Tumigil kayo.

- Pero nandito... - Naiintindihan n'yo ba?

Naiintindihan ko.

O...

Naloko tayo.

Paanong naloko?

Hindi ba 'yan si No Sang-cheon?

Sigurado akong siya 'yan!

Buksan natin ang pinto at tingnan ang mukha niya.

Uy!

Bumalik ka na sa kotse.

Aatras ka na lang nang gano'n lang?

Sino 'yong kausap mo?

Hindi tayo aatras.

Sigurado ka bang ayos lang 'to?

Hulihin muna natin siya.

Saka na natin pag-isipan.

Gusto ko 'yan.

Ano'ng kailangan ikatakot?

- Natatakot ka ba, bata? - Hindi, 'no.

Ayos.

'Yon ang sasakyan.

- Humawak kayo nang mabuti. - Oo, sir.

Kaunti pa.

- Sir! - Humawak kayo!

'Yan 'yong kotse.

No Sang-cheon!

Ano'ng...

AHENSIYA NG PULISYA NG MAGANG NAMBU

Ano'ng kalokohan 'to?

Tatawagan kita ulit.

Bakit nakikialam ang prosecution?

Ano'ng ibig mong sabihin?

Bakit may mga mga prosecutor no'ng nahanap namin si No Sang-cheon?

Mga hangal!

Kaso lang 'to ng panloloko! Tumigil kayo sa pag-astang anghel!

Sinabi ko nang tapusin n'yo na!

Ano, gusto mo talagang pagtakpan ko 'to?

Hindi dapat 'yon ginagawa ng mga pulis!

PULISYA PARA SA BANSA AT SA MAMAMAYAN NITO

TAONG 2023

Ano'ng nangyari sa arrest warrant?

Kinausap ko ang prosecutor na nakatalaga,

pero hindi tinuloy ang aplikasyon.

Oo. May kaunting problema lang kaya hindi tinuloy.

May problema ba kay Captain Gu Do-han?

Si Captain Gu...

Nag-aalala ako sa kaniya dahil galing siya sa labas ng pulisya.

Ilang taon ko na siyang kilala.

Makatarungan siya.

Makatarungan...

Maraming ibig sabihin 'yon.

Matiyaga siya kapag kinakailangan

at 'di tinatantanan ang mga bagay kung kailangan. Matalino siya.

Alam mo naman...

kakaiba ang mga abogado.

Sa tingin ko walang kailangan ipag-alala.

Pinakamainam na...

isara ang kasong 'to

at bumalik sa normal.

Mayroon tayong perpektong suspek para diyan.

Mahina rin ang ebidensiya na hawak natin.

May galit siya kay Song Young-jin

pero tanging ilang litrato lang ang ebidensiya natin.

Halukayin mo pa.

Karamihan sa mga krimen ay mula sa paghihiganti. Alam mo 'yon.

Ang suspek na 'yon... siya pa rin sa tingin ko.

Talaga ba? Bakit ba siya nandoon?

CAPTAIN GU

Sandali lang.

Ano 'yon?

May pinatay na konsehal.

Kailangan ko ba 'yong malaman sa oras na 'to?

May emergency na tawag na sinabing papatayin siya ni No Sang-cheon.

Ano?

May nahuli kaming matibay na suspek at ikinulong siya.

Si Lee Byeong-jun.

Akala ko pinasusundan n'yo siya.

Natakasan niya kami.

Pambihira.

Ano'ng pangalan ng konsehal?

Park Gwang-sin.

Kilala mo ba siya?

Tatawagan kita mamaya.

Sino'ng biktima?

Si Park Gwang-sin.

Dati siyang tauhan ni Konsehal Kim Seong-dae.

Baka dapat kang pumunta sa lugar ng krimen.

Si Lee Byeong-jun ang may sala, tama?

At kasabwat siya.

Kailangan natin 'tong pag-isipan.

May itinatago sa 'tin ang dalawang 'yon. Mas marami pa sa alam natin.

Nahuli siya sa akto. Ni hindi pa tuyo ang dugo.

Nahuli rin siya sa pinangyarihan sa pagpatay kay Song Young-jin,

at wala tayong nahanap na ebidensiya para idiin siya.

Alam kong ginawa niya 'to ngayon. Pupusta ako.

'Di magandang ugali sa detective ang pagbuo ng mga pagpapalagay.

Kailangan natin ng matibay na ebidensiya na walang duda.

Kung gusto natin siyang litisin.

Ano'ng plano mo?

Huwag kang mag-alala. Hindi ka nila ikukulong nang matagal.

Hindi ko inaalala ang sarili ko.

Wala ka rin dapat ipag-alala sa akin.

Sir! Doon po ang daan, sir.

- Sir. - Sir. Hello.

May nahanap ba kayo?

Nag-iimbestiga pa rin po kami.

Sige, "nag-iimbestiga pa rin."

Nawala n'yo siya habang sinusundan n'yo?

Ano ba'ng ginagawa n'yo?

Umiinom ba kayo?

Huwag mo akong husgahan. Hindi ako nagtatrabaho.

Baka naapektuhan ang pang-amoy mo.

Anong pang-amoy?

Ano'ng pakiramdam na muling makaamoy ng isang krimen?

Hindi ba bumilis ang tibok ng puso mo?

Ano sa tingin mo?

Ginawa ba 'to ni Lee Byeong-jun?

Mukhang 'di na natin kailangan makiusap para sa arrest warrant.

Sir.

- Ano? - May dapat ba akong malaman?

May hawak tayong serial killer.

Alam ko 'yan.

Ito na ang pangalawang pagpatay.

Pangatlo.

Ito na ang pangatlong tawag...

na natanggap natin tungkol sa pagpatay ni No Sang-cheon.

ISANG BUWAN ANG NAKARARAAN ISANG APARTMENT SA GYEONGCHEON

ANG UNANG PAGPATAY

TULONG PAPATAYIN AKO NI NO SANG-CHEON

Ang pagsasalin ng subtitle ay ginawa ni Cathrea Joy Fernandez