Original subtitles

എല്ലായ്പ്പോഴും ഓര്‍ത്തിരിക്കാന്‍ പറ്റുന്ന സന്തോഷം നിറഞ്ഞ ചില ദിവസങ്ങളുണ്ട്.

കാര്യങ്ങള്‍ കൂടുതല്‍ ബുദ്ധിമുട്ടാകുന്തോറും,

ആ ദിവസങ്ങളുടെ സന്തോഷം കൂടും.

നെയ്റോബിയുടെ ജീവന്‍ രക്ഷിക്കുന്ന അത്ഭുത സന്ദേശങ്ങള്‍ക്കായി കാത്തിരിക്കവേ,

ഞാന്‍ അങ്ങനെയുള്ള ഒരു ദിവസത്തെക്കുറിച്ചോര്‍ത്തു.

മൊണാസ്ട്രിയില്‍ വച്ച് നടന്ന ഫുട്ബോള്‍ മല്‍സരം.

- ഡിഫന്‍സ് പൊട്ടല്ലേ! ഒരു മിനിറ്റ് കൂടിയുള്ളൂ! - കേറി വാ!

- പോ! - ഹേയ്, നെയ്റോബി!

ഞാന്‍ ഫ്രീയാ! കിട്ടി!

ഹേയ്! പിടിച്ചോ!

ഒരു ത്രോ ഇന്നിന് മുന്‍പുള്ള സെക്കന്‍റുകള്‍ ഇത്രയധികം രസകമാകുമെന്ന്

ഒരിക്കലും ഞാന്‍ കരുതിയിരുന്നില്ല.

ഹേയ്! വേണ്ട!

- ഹേയ്? - റഫറി, അവനെന്‍റെ അണ്ടിക്ക് പിടിച്ചു!

ഞാന്‍ ഗേ ആയത് കൊണ്ട് എന്റെ അണ്ടിക്ക് പിടിക്കാന്ന് വിചാരിച്ചോ?

ദൈവത്തെയോര്‍ത്ത്! ഒന്ന് നിര്‍ത്താമോ? ആകെ ഒരു മിനിറ്റ് കൂടി ഉള്ളൂ,

- ആ സമയത്ത് തര്‍ക്കിക്കാന്‍ വന്നിരിക്കുന്നോ? - ഞാന്‍ ഡിഫന്‍റ് ചെയ്യുവാ, അവനെന്‍റെ പിന്നീന്ന് മാറുന്നില്ല.

നീ അവന്റെ അണ്ടിക്ക് പിടിക്കുന്നത് ഞാന്‍ കണ്ടെടാ പന്നീ.

മതി, നിര്‍ത്തിക്കോ! ഇനി ആരും, ആരുടേയും എങ്ങും തൊടാന്‍ പാടില്ല, മനസ്സിലായോ?

- കമോണ്‍! നമുക്ക് ജയിക്കാം! - കമോണ്‍! നോക്കി കളിക്ക്!

ഹേയ്!

ഓഹ്! ഇപ്പോ പണി പാളിയേനെ, മച്ചാ.

പെനാല്‍റ്റി!

ഹേയ്, അത്രക്കൊന്നും ഉണ്ടായില്ല!

അവരിപ്പോ ഇടി വീഴും!

ഓഹ്! അവന്‍ തുടങ്ങി!

എഴുന്നേല്‍ക്ക്. വാ, നമുക്കിവിടന്ന് പോകാം.

- ഗോളാക്കിയേക്കണേ. - കമോണ്‍.

നമുക്ക് ജയിക്കാം!

ഇനിയൊരു തിരിച്ചു പോക്കില്ല.

- അവരെല്ലാം എടുത്ത് മാറ്റി. - നമ്മളിനി എന്ത് ചെയ്യും?

- നമുക്കവളെ നഷ്ടപ്പെട്ടേക്കും. - ഇല്ല, ഇല്ല, ഇല്ല! കോപ്പ്!

സൂക്ഷിച്ച്.

പതിയെ.

ഓക്കെ. എനിക്ക് മനസ്സിലായി.

കുറച്ച് കൂടെ മുകളില്‍.

നിനക്ക് പറ്റും.

ഇനി ബുള്ളറ്റ് പുറത്തെടുക്ക്.

എടുക്ക്.

അതേ, അങ്ങനെ തന്നെ.

കൊള്ളാം, കൊള്ളാം.

സൂക്ഷിച്ച്. അങ്ങനെ തന്നെ.

യെസ്! സംഗതി അത് തന്നെ.

അത് പക്ഷേ നോസ്റ്റാള്‍ജിയ ആണെന്ന് തോന്നുന്നു.

അന്നേരം തിരിച്ചറിയപ്പെടാതെ പോയ,

പഴയ കാലത്തെ ഓര്‍മകളെ കണ്ടെത്തുന്നതാണ് യഥാര്‍ത്ഥ സന്തോഷം.

- പോയി പണി നോക്കിനെടാ!

ആദ്യ പകുതിപോലും അവസാനിച്ചിരുന്നില്ലെങ്കിലും,

ലിസ്ബൺ ജേഴ്സി മാറാൻ നിർബന്ധിതയായി കൂടാരത്തിൽ നിന്ന്,

മൂന്ന് കിലോമീറ്റർ അകലെ എത്തിയിരുന്നു.

ഗ്രൌണ്ടിന്റെ അരികിൽ നിന്ന് സിയറ നേടിയ ഒരു ഗോൾ.

അതേസമയം, റോബോട്ടുകളെപ്പോലെ,

ഞങ്ങൾ നെയ്‌റോബിയുടെ ശ്വാസകോശത്തിന്റെ ഒരു ഭാഗം നീക്കംചെയ്‌തു.

ഞങ്ങള്‍ അവളുടെ ജീവന്‍ എടുക്കുകയാണോ രക്ഷിക്കുകയാണോ എന്നുപോലും ഞങ്ങള്‍ക്കറിയില്ലായിരുന്നു.

ഞങ്ങളുടെ സംഘത്തിനുണ്ടായ രണ്ടാമത്തെ നഷ്ടം.

ഞങ്ങള്‍ക്കെതിരെ നേടിയ രണ്ടാമത്തെ ഗോള്‍.

മൂന്നാമത്തെ ഗോൾ വരുന്നുണ്ടായിരുന്നു. പലേർമോ അത് സ്കോർ ചെയ്യാൻ പോവുകയായിരുന്നു,

അതും ഞങ്ങള്‍ക്കെതിരെ ആയിരിക്കും.

അവനൊരു നല്ല കാപ്റ്റനായിരുന്നെങ്കിലും,

ടീമിന് വേണ്ടി കളിക്കുന്നതില്‍ വന്‍ പരാജയമായിരുന്നു.

മാഡ്രിഡിലേക്കുള്ള പ്രൊഫസറുടെ വരവ് മാത്രമാണ്

പദ്ധതി പ്രകാരം നടന്ന ഒരേയൊരു കാര്യം.

പക്ഷേ അതില്‍ പോലും പ്രശ്നങ്ങളുണ്ടായിരുന്നു.

കാരണം ഒരു റൈഡറെ നഷ്ടമായിരുന്നു.

പ്രൊഫസ്സര്‍, നമുക്ക് പോകണം.

വന പാതകളിലൂടെയും അഴുക്കുചാലുകളിലൂടെയും കന്നുകാലി ഫാമുകളിലൂടെയും,

ഒരു മോട്ടോർ ബൈക്കിൽ അവർ ആരും കാണാതെ ലാ മഞ്ച കടന്നു.

യോദ്ധാവും അവന്റെ അനുയായികളും, തോൽവികള്‍ക്ക് പിന്നാലേ തോൽവികളുമായി,

ഈ ഭ്രാന്തന്‍ യുദ്ധത്തിലെ ആവേശകരമായ ഒരു പോരാട്ടത്തിലേക്ക് മുന്നേറുന്നു.

അതേസമയം, എല്ലാം ഒരു പൊട്ടിത്തെറിയുടെ വക്കിലായിരുന്നു.

ഞാന്‍ ഗര്‍ഭിണിയാണെന്ന് നിനക്ക്,

നിനക്ക് വിശ്വസിക്കാന്‍ പറ്റുന്നുണ്ടോ?

ആരാ കരുതിയിരുന്നത്, അല്ലേ?

വളരെ നന്നായിരിക്കുന്നു.

താങ്ക്യു.

എംസോണ്‍ റിലീസ് - 1484 www.malayalamsubtitles.org www.facebook.com/msonepage

പരിഭാഷ: ഷിഹാബ് എ ഹസ്സന്‍

ഓക്കെ. കുറച്ചൂടെ.

നിങ്ങള്‍ വലിയ ധൈര്യശാലിയാണ്, അല്ലേ?

ഞാനെന്റെ കടമ മാത്രേ ചെയ്തുള്ളൂ.

നമ്മള്‍ അവരെ പ്രതിരോധിച്ചില്ലെങ്കില്‍, ഓഷ്വിറ്റ്സിലെ പോലെ അവര്‍ നമ്മളെ കടന്നു പോകും.

- വേദന കൂടുതലാണെങ്കിൽ, എന്നോട് പറയണേ. - ആവശ്യമുള്ളത്ര ആല്‍ക്കഹോള്‍ എടുത്തോ.

വേദന സഹിക്കുന്നത് എനിക്ക് പുത്തരിയല്ല.

എവിടെ, നോക്കട്ടെ.

ഊഹ്!

നിനക്കിത്ര ബോധമില്ലേ?

നീയിപ്പോ അവനെ കൊന്നേനേല്ലോ.

- ഇങ്ങനെ നിയന്ത്രണം നഷ്ടപ്പെടാന്‍ പാടില്ല! - അല്ലാതെ പിന്നെ?

- നമ്മളൊരു വലിയ പ്രശ്നത്തിലാണ്. - അതു തന്നെ!

അത് തന്നെ. അങ്ങനെയുള്ളപ്പോ ഒരു കൌമാരക്കാരനെപ്പോലെ തല്ല് കൂടാന്‍ പോകരുത്.

- നിന്‍റെ ടീഷര്‍ട്ടില്‍ മൊത്തം ചോര. - ഓഹ്!

ഞാന്‍ ഒന്നും കാണുന്നില്ലെന്ന് കരുതിയാ മതി. അല്ലെങ്കിലും ഈ കണ്ണും വച്ച് എന്ത് കാണാനാ.

നോക്കൂ, അമാന്‍ഡ...

നോക്ക്, അമാന്‍ഡ, ഇവിടെ നടക്കുന്ന കാര്യങ്ങള്‍ കാരണം നിനക്ക് ഉത്കണ്ഠയോ മറ്റോ ഉണ്ടോ?

ഉം, ഉണ്ടെന്നാ തോന്നുന്നത്.

തീര്‍ച്ചയായും.

തുടര്‍ച്ചയായി അര മണിക്കൂറിലധികം എനിക്ക് ഉറങ്ങാനേ പറ്റുന്നില്ല, അറിയാമോ?

- ഇല്ല. - ഇവിടെയെന്തൊ കെട്ടി നില്‍ക്കുന്ന പോലെ ഒരു തോന്നലാ...

അത്...

ഇത്തരം സന്ദർഭങ്ങളിൽ ഇത് സാധാരണമാണ്,

കാരണം, ഇവിടെ അത്രക്കും പിരിമുറുക്കമുണ്ട്.

ഒരുപാട് പിരിമുറുക്കം, പക്ഷേ വിഷമിക്കേണ്ട കാര്യമില്ല.

ഈ ഉത്കണ്ഠ കുറക്കാന്‍ ഞാന്‍ നിന്നെ സഹായിക്കാം.

നീ ആഘാതം നിമിത്തം ഉണ്ടാകുന്ന മാനസികപിരിമുറുക്കം,

അനുഭവിക്കുന്നത് എനിക്കിഷ്ടമല്ല, കാരണം അത് വന്നുകഴിഞ്ഞാല്‍ മാറാന്‍ പ്രയാസമാണ്.

പിന്നെ, ചിലരില്‍,

അതൊരിക്കലും വിട്ടു മാറുകയുമില്ല.

ഹേയ്.

ഇങ്ങ് വാ, ഞാന്‍ നിന്നെ സഹായിക്കാം. നിന്‍റെ ദേഹത്ത് രക്തം ആയിട്ടുണ്ട്.

വിഷമിക്കേണ്ട ചക്കരേ, ഞാന്‍ ഇവിടെയുള്ളിടത്തോളം കാലം,

നിനക്കൊന്നിനും ഒരു കുറവും ഉണ്ടാകില്ല.

ഓക്കെ?

നിന്‍റെ കാര്യങ്ങള്‍ ഞാന്‍ നേരിട്ട് തന്നെ ചെയ്ത് തരും.

നമ്മള്‍ സ്പെയിനിനുള്ളില്‍ ഒരു ബാങ്ക് കൊള്ളയടിക്കുകയാണ്.

ഇതില്‍ എങ്ങനെയാ പ്രവര്‍ത്തിക്കേണ്ടതെന്ന് ചിലപ്പോ നീ മറന്നു പോയിരിക്കാം, പക്ഷേ ഞാന്‍ മറന്നിട്ടില്ല.

- ഇങ്ങനെ പൊട്ടന്‍മാരെപ്പോലെ നമ്മള്‍ ഇതുവരെ പെരുമാറിയിട്ടില്ല. - എന്റെ പിരിമുറുക്കം കൊണ്ട് പറ്റിപ്പോയതാവും.

അത് തന്നെയാണ് നടന്നത്. നമുക്കെല്ലാം പിരിമുറുക്കമുണ്ട്.

എന്താ നീയീ പറയുന്നത്? എനിക്കൊരു പ്രശ്നവും ഇല്ലല്ലോ?

- ചിലപ്പോ ഞാനത് പറയാന്‍ പാടില്ലായിരിക്കും. - പറയെടാ...

നീ ടോക്കിയോയുമായി വേര്‍പിരിഞ്ഞു.

നീയല്ലാതെ ആരെങ്കിലും ടോക്കിയോയെ പോലൊരു പെണ്ണിനെ വിട്ടു കളയുമോ?

ആരും ചെയ്യില്ല. ആരും അവളെപ്പോലെ ഒരു പെണ്ണിനെ വിട്ടുകളയില്ല.

ടോക്കിയോയെക്കുറിച്ച് നിനക്കെന്തറിയാം?

ടോക്കിയോ ഒരു മസെരാട്ടിയാണ്, ആരും കൊതിച്ചു പോകുന്ന ഒരു മസെരാട്ടി. (മസൊരാട്ടി-ഇറ്റാലിയന്‍ ആഡംബരകാര്‍)

നീയൊരു മാസെരാട്ടി വാങ്ങി വാതിലുകളും തുറന്നിട്ടേച്ച്,

താക്കോലും അകത്ത് വച്ചിട്ട്, തെരുവില്‍ ഇട്ടേച്ച് പോയാല്‍,

നിനക്ക് എപ്പോ പണി കിട്ടിയെന്ന് ചോദിച്ചാ മതി.

നോക്ക്, റിയോ...

ഒരുകാര്യം ഞാന്‍ വ്യക്തമായി പറയാം.

നീ ചിലപ്പോ, അവര് നിന്‍റെ പൌരുഷത്തെ ചോദ്യം ചെയ്തതിന്റെ പിരിമുറുക്കത്തില്‍ ആയിരിക്കാം.

ചിലപ്പോ അവര് നിന്നെ പീഡിപ്പിച്ച് മാറ്റിയെടുത്തിട്ടുണ്ടാകാം.

പക്ഷേ നീയതൊക്കെ മറന്നു കളയണം.

അതുകൊണ്ടാണ് നീ ടോക്കിയോയുമായി പിരിഞ്ഞത്, അല്ലേ?

ഒരു വ്യക്തിയായാലും, ഒരു സംഘമായാലും,

പീഡനം, പീഡനം തന്നെയാണ്! അത്കൊണ്ട് അത് വിട്ടു കളഞ്ഞേക്ക്!

എന്നെ നിനക്ക് വിശ്വസിക്കാം. ഇവിടെ നിനക്കെന്ത് ആവശ്യമുണ്ടായാലും സഹായിക്കാന്‍ ഞാനുണ്ടാകും.

എന്ത് കാര്യത്തിനായാലും.

അപ്പോ, ലേഡീസ് ആന്‍റ് ജെന്റില്‍മെന്‍...

ഞാന്‍ സങ്കടത്തോടെ നിങ്ങളോട് വീണ്ടും കാണും വരെ വിട പറയുകയാണ്.

ഞാന്‍ പോകുന്നു.

നിങ്ങള്‍ ചെയ്തു കൊണ്ടിരിക്കുന്ന പണിയൊക്കെ കൊള്ളാം. ഇനീം ഇതുപോലെ തന്നെ തുടരണം.

താനെന്ത് കോപ്പാ ഈ ചെയ്യണേ?

മത്യാസ്...

ഞാന്‍ പോകുവാ.

എപ്പോഴേത്തെയും പോലെ, നിങ്ങളോടൊപ്പം ജോലി ചെയ്യാന്‍ കഴിഞ്ഞത് ഒരു സന്തോഷമായിരുന്നു.

മത്യാസ്, നിന്നെ...

സ്നേഹിക്കുന്നുവെന്ന് വരെ ഞാന്‍ പറയും.

നിങ്ങൾക്കെല്ലാവർക്കും,

എന്റെ നേതൃത്വം ഒരു ആഘാതകരമായിരുന്നില്ലെന്ന് ഞാൻ വിശ്വസിക്കുന്നു.

പക്ഷേ, കുറഞ്ഞത് നിങ്ങളുടെ പ്രിയപ്പെട്ടവർക്കും, കുട്ടികൾക്കും, ,

പേരക്കുട്ടികൾക്കുമെങ്കിലും ഇതൊരു രസകരമായ കഥയായിരിക്കും.

ലേഡീസ് ആന്‍റ് ജെന്റില്‍മെന്‍,

വളരെ സന്തോഷം നിറഞ്ഞ ഒരനുഭവമായിരുന്നു.

ഇതെന്ത് കോപ്പ്?

അടങ്ങ്.

പാലെര്‍മോ, നീയൊന്നടങ്ങ്.

നമുക്ക് ശാന്തമായി സംസാരിക്കാം.

പക്ഷേ നീ പോകുന്നില്ല.

പണ്ടാരടങ്ങാന്‍!

തേവിടിശ്ശി, നീയെന്നെ സ്ഥാനഭൃഷ്ടനാക്കിയില്ലേ! പിന്നെ നീയെന്താ പ്രതീക്ഷിക്കുന്നത്?

സായുധവിഭാഗത്തിന്റെ ചുമതല എനിക്കാണ്, നീ ടെക്നിക്കല്‍ സൈഡിന്റെ ഇന്‍ചാര്‍ജ് ആണ്.

ടെക്നിക്കല്‍ സൈഡോ?

എന്നെക്കണ്ടാല്‍ കണ്ണടയൊക്കെ വച്ച ബുജി എഞ്ചിനിയര്‍ ആണെന്ന് തോന്നുന്നുണ്ടോ?

എന്ത് നിര്‍ദ്ദേശങ്ങളാണ് ഞാന്‍ നല്‍കുക?

ആ ഉരുക്കിക്കൊ, ആ നിര്‍ത്തിക്കോ, അതാണോ!

ബാതിസ്കഫേ പുറത്തേക്ക്! അകത്തേക്ക്! മുക്കുക! പൊക്കുക!

ഞാന്‍ ആരാണെന്നാ നീ കരുതിയിരിക്കുന്നത്?

ഞാന്‍ ഇവിടെ വന്നത് ഈ കോപ്പിനൊന്നും അല്ല! ഇതിന് എന്റെ ആവശ്യമൊന്നും ഇല്ല. ഞാന്‍ പോകുന്നു.

ഞാന്‍ വാതില്‍ തുറക്കാന്‍ പോകുവാണ്, ഇതെന്‍റെ ഒരു ഔദാര്യമായി കൂട്ടിക്കൊ.

കാരണം ഞാന്‍ ഇനീം ഇവിടെ നിന്നാ, നിന്നേം,

ബാക്കിയുള്ളവന്‍മാരുടെം പത വരുത്തിക്കും.

ഇനി ഞാന്‍ നിന്റെ കൂടെയില്ല.

ഞാന്‍ നിനക്കാണ് ഔദാര്യം ചെയ്യുന്നത്. സത്യമായിട്ടും, ഇനി ഞാന്‍ ചെയ്യാന്‍ പോകുന്ന അടുത്ത കാര്യം...

നിന്നെ കൊല്ലുകയായിരിക്കും.

എനിക്കങ്ങനെ തോന്നുന്നില്ല.

എനിക്ക് തോന്നുന്നുണ്ട്.

ക്ലെയ്മോര്‍ മൈനുകള്‍...

അത് ആര്‍ക്ക് നേരെയാ...

തിരിഞ്ഞിരിക്കുന്നതെന്ന് നീ കണ്ടില്ലേ.

എനിക്കൊന്നും സംഭവിക്കില്ല.

നിന്നെ കൊല്ലാന്‍ എനിക്കൊരു മനസ്‌താപവും ഇല്ലെന്നറിയാല്ലോ.

അടങ്ങ്.

ഇങ്ങനെ ഞങ്ങളെ ചതിക്കാന്‍ നിന്നെ അനുവദിക്കില്ല.

നീ ബെറ്റ് വെക്കുന്നോ?

പലെര്‍മോ! അനങ്ങരുത്!

ഓഹ്, കൊള്ളാം.

രാജകുമാരന് യാത്രാമൊഴി ചൊല്ലാന്‍ പ്രാന്ത് പിടിച്ച രാജകുമാരിയും എത്തിയല്ലോ.

അന്തസ്സുണ്ടോടാ!

എങ്ങോട്ടാ നീ പോകുന്നേ, ജയിലിലേക്കാണോ?

അതോ നെറ്റിക്ക് വെടി കൊണ്ട് ചാകാനോ?

ഞങ്ങളെ പുറത്തുള്ളവര്‍ക്ക് വില്‍ക്കാനോ?

ഞാന്‍ ആരെയും വില്‍ക്കാനൊന്നും പോകുന്നില്ല.

എനിക്ക് രക്ഷപ്പെടാന്‍ ഒരു വഴിയുണ്ട്: രഹസ്യ രേഖകള്‍.

ഞാന്‍ നിങ്ങളെ വഞ്ചിക്കില്ല.

ഇങ്ങനെ പോകുന്നത് ചതിയാണ്.

ഞങ്ങളെ ഇവിടെ തനിച്ചാക്കി പോകുന്നത് ചതിയാണ്.

മുന്നോട്ട് വരരുത്,

എനിക്ക് നിന്നെ കൊല്ലാന്‍ ആഗ്രഹമില്ല, തടിയാ.

നിനക്കെന്നെ കൊല്ലാന്‍ ആഗ്രഹമില്ലേ?

നിനക്കെന്നെ കൊല്ലേണ്ടി വരും.

പ്രാന്തന്‍ ഹെയ്സിങ്കി, നീയെന്തായീ ചെയ്യണേ.

പലെര്‍മോ, നീ പോയാല്‍...

സത്യമായിട്ടും...

ഞാന്‍ ബൂം...

ബൂം... വിട.

കാര്യമായിട്ടാണ് പലെര്‍മോ. ഞാനത് ചെയ്യും.

കാര്യമായിട്ടാണ്.

നിന്നെ കിട്ടിയെടാ.

റിയോയോട് നീ എന്ത് തേങ്ങയാണ് പറഞ്ഞത്?

-എന്തിനെക്കുറിച്ച്? -അവന്‍ ആഘാതത്തിലാണെന്ന് പറഞ്ഞോ.

നീയെന്ത് പേരിട്ട് വിളിച്ചാലും, എന്തോ സംഭവിച്ചിട്ടുണ്ട്.

കാര്യമുണ്ടെന്നോ? അവന്‍ ടോക്കിയോയുമായി പിരിഞ്ഞത്...

-അവളൊരു... മസെരാട്ടി ആയത് കൊണ്ടാണെന്നോ. -നോക്ക്...

മസെരാട്ടി എന്നൊക്കെ പൊതുവേ ആണുങ്ങള്‍ സംസാരിക്കുമ്പോ പറയുന്നതാ.

പീഡനത്തിന്‍റെ സമയത്ത് എന്തോ സംഭവിച്ചിട്ടുണ്ടെന്നാ ഞാന്‍ പറയുന്നത്.

-അവരവനെ മാറ്റിയെടുത്ത് കാണും. -അവര്‍ എന്ത് ചെയ്തെന്ന്?

നാല്പതോളം കര്‍മ്മോല്‍സുകരായ ആളുകള്‍ മനസ്സ് തുറന്നകത്ത് കയറി.

അവരവനെ അടിമുടി മാറ്റിയെടുത്തു.

റിയോ ടോര്‍ച്ചര്‍ ചെയ്യപ്പെട്ടതാണ്, ഇനി നീ കൂടി അവനെ ഇങ്ങനെ പീഡിപ്പിക്ക്.

സത്യമാണ്. അവര് അതിര് വിട്ടോയെന്ന് ചോദിച്ചപ്പോ,

എന്താ ഉണ്ടായതെന്നറിയാമോ? അവന്‍ മൌനം പാലിച്ചു. കാരണം അവനാ ചോദ്യം നേരിടാന്‍ പറ്റില്ല. ഒരു സംശയവുമില്ല.

ഇല്ല.

എനിക്ക് പറ്റില്ല.

നിനക്കെന്ത് പറ്റില്ലെന്നാ?

പൊടുന്നനെ ഒരു നീര്‍ക്കുമിള...

-പൊട്ടിപ്പോയത് പോലെ എനിക്ക് തോന്നുന്നു. -എന്ത് കുമിള?

എന്ത് കുമിളയെന്നാ?

അല്ല, നമ്മള്‍ ഏത് കുമിളേടെ കാര്യമാ സംസാരിക്കുന്നതെന്ന് എനിക്കറിയണം.

എന്ത് കുമിളയാ?

എന്റെ മറഞ്ഞു പോയ കാഴ്ച തിരികെ കിട്ടിയത് പോലെ.

ഞാന്‍ നിന്നെ മനസ്സിലാക്കിയിരുന്നില്ല.

നീ ആരാണെന്നോ, നമ്മള്‍ ഒരുമിച്ച് എന്ത് ചെയ്യുന്നുവെന്നോ എനിക്കറിയേണ്ട.

മോണിക്ക...നീയെന്നെ തെറ്റിദ്ധരിക്കല്ലേ.

ടോക്കിയോ മസൊരാട്ടി ആയിരിക്കാം, എന്നുവച്ച് നീ 600 ആണെന്നര്‍ഥമില്ല

സോറി, ഡെന്‍വര്‍.

എനിക്ക് നിന്നോടൊപ്പം കഴിയാന്‍ പറ്റില്ല.

ശരി.

അവളൊരു സര്‍പ്പത്തെപ്പോലെ ചീറ്റിക്കൊണ്ട് വരുമ്പോ, നീ മിണ്ടാതിരിക്കണം.

സര്‍പ്പം...ആ...അതെന്തേലുമാകട്ടെ. നീ നിന്റെ വായടച്ച് വെക്കണം.

-അപ്പോ എനിക്ക് പറയാനുള്ള കാര്യങ്ങളോ? -പാടില്ല.

കാരണം എന്തിനാ അവള്‍ ദേഷ്യപ്പെടുന്നത് എന്ന് പോലും നിനക്കറിയില്ല.

നീ, മിണ്ടരുത്.

അവള്‍ സംസാരിക്കുന്ന വിഷയം എത്ര കുറച്ച് നീ മനസ്സിലാക്കുന്നോ,

അത്രയും കുറച്ച് നിനക്ക് വിഷമിച്ചാല്‍ മതി.

എല്ലാത്തിനും നീ പറയേണ്ടത് ഇത്രമാത്രം, "ശരിയാ, സോറി, ഡാര്‍ലിംഗ്".

ഇത്, നല്ലൊരു ഉദാഹരണമാണ്.

-പെണ്ണുങ്ങള്‍ തേച്ചൊട്ടിക്കുന്നവന്‍മാര്‍ക്കുള്ള മികച്ച ഉദാഹരണം. -അല്ല, അതിജീവിക്കുന്നവര്‍ക്ക്.

കൊടുങ്കാറ്റ് അടങ്ങുന്നത് വരെ നീ കാത്തിരിക്കണം.

കാറ്റിന്റെ ദിശ മനസ്സിലാക്കിയ ശേഷം,

അവള്‍ അടങ്ങിയെന്ന് ഉറപ്പ് വരുമ്പോള്‍,

അപ്പോള്‍ മാത്രമേ...

നീ നിന്റെ നീക്കം നടത്താന്‍ പാടുള്ളൂ.

നിനക്ക് ഞാന്‍ പറയുന്നത് മനസ്സിലാകുന്നുണ്ടോ?

മൊണാസ്ട്രി മുതല്‍ക്കേ ഞങ്ങള്‍ക്കിടയില്‍ പ്രശ്നങ്ങള്‍ ഉണ്ടായിരുന്നു. ഇതതിന്റെ ബാക്കിയാ.

-ആണോ... -അതിങ്ങനെ പുകഞ്ഞു കൊണ്ടിരിക്കുകയായിരുന്നു.

ഇപ്പോ ഈ സമ്മര്‍ദ്ദങ്ങളെല്ലാം ആയപ്പോ അതങ്ങ് പുറത്ത് വന്നു.

അതാണ് ഈ കാണുന്നത്.

പ്രൊഫസര്‍.

ഇത് ടോക്കിയോ ആണ്.

-നീ കാര്യങ്ങള്‍ അട്ടിമറിച്ചു. -പലെര്‍മോക്ക് വട്ടായി.

അവന്‍ ലോബി മുഴുവന്‍ തകര്‍ത്തേനെ.

-പക്ഷേ ഇപ്പോ എല്ലാം നിയന്ത്രണവിധേയമാണ്. -അല്ല.

നിനക്കവനെ നിയന്ത്രിക്കാന്‍ കഴിയില്ല. അവന്റെ സ്വഭാവം പ്രവചനാതീതമാണ്.

അവനെ കെട്ടിയിട്ടിരിക്കുകയാണ്, 24 മണിക്കൂറും നിരീക്ഷിക്കുന്നുമുണ്ട്.

ടോക്കിയോ, പദ്ധതികള്‍ ചിന്നഭിന്നമാവുകയാണ്!

ഞാന്‍ ഇവിടെയുണ്ടല്ലോ, പ്രൊഫസര്‍.

അതുകൊണ്ടെന്താ?

പലെര്‍മോയെ കൂടാതെ, നമുക്ക് സ്വര്‍ണ്ണം പുറത്തെത്തിക്കാന്‍ കഴിയില്ല.

അതെങ്ങനെ പുറത്തെത്തിക്കുമെന്ന് നിനക്കറിയാമോ?

നെയ്റോബി ഇല്ലാതെ?

ലിസ്ബണ്‍ ഇല്ലാതെ!

പോകുന്നതായിരുന്നു പലേര്‍മോക്ക് ചെയ്യാന്‍ പറ്റുന്ന ഏറ്റവും മികച്ച കാര്യം.

പ്രൊഫസര്‍...

ഇത്രയും കാലം നിങ്ങളെന്‍റെ കാവല്‍ മാലാഖയായിരുന്നു.

ഇനി എന്റെ ഊഴമാണ്.

എങ്ങനെയാണത് സംഭവിച്ചത്?

എന്നെ സംരക്ഷിക്കാന്‍ ശ്രമിച്ച് അവള്‍ കൊല്ലപ്പെട്ടു.

എനിക്ക് വളരെ വിഷമമുണ്ട്.

ഞാന്‍...

വേഷം മാറി മരത്തില്‍ ഒളിച്ചിരിക്കുകയായിരുന്നു...

എല്ലായിടത്തും സൈനികരും പോലീസുകാരുമായിരുന്നു.

അവളൊരു ഫാമിൽ ആയിരുന്നു. അവിടെ വച്ചാണ് അവർ അവളെ കണ്ടെത്തിയത്.

നിരായുധയാക്കി മുട്ടിന്മേൽ നിർത്തി അവർ അവളോട് എന്നെക്കുറിച്ച് ചോദിച്ചു.

ഞാൻ ഓടിക്കൊണ്ടേയിരുന്നു.

അവർ അവളോട് ചോദിച്ചു, "എവിടെയാണ് പ്രൊഫസർ?"

ഞാൻ പറഞ്ഞു, "പറഞ്ഞോളൂ, റാക്കേൽ.

ഞാൻ എവിടെയാണെന്ന് പറഞ്ഞോളൂ, ഞാൻ കീഴടങ്ങാമെന്ന് അവരോട് പറയു, പ്ലീസ്."

"എനിക്കറിയില്ല."

"എനിക്കറിയില്ല", അതവൾ ആവർത്തിച്ചു കൊണ്ടേയിരുന്നു.

അവരവളെ രണ്ടു തവണ വെടി വച്ചു.

നിരായുധയായിരുന്നിട്ടും, അവരവളെ രണ്ടു തവണ വെടി വച്ചു.

ഞാന്‍ എത്താന്‍ വൈകിപ്പോയി.

മലയാളം പരിഭാഷകൾക്ക് സന്ദർശിക്കുക www.malayalamsubtitles.org www.facebook.com/groups/MSONEsubs

നിങ്ങളത് കണ്ടോ?

കേട്ടതല്ലേ ഉള്ളൂ?

അവർ അവളുടെ ബോഡി കൊണ്ട് പോകുന്നത് നിങ്ങൾ കണ്ടിരുന്നോ, പ്രൊഫസർ?

എനിക്കോടി പോകേണ്ടി വന്നു.

ഞാൻ പറയുന്നത് കേൾക്കൂ.

ഞാൻ അവിടെ സുരക്ഷിതയായിരിക്കും എന്ന് പറഞ്ഞ് എന്റെ അമ്മ എന്നെ

വീട്ടിലേക്ക് വിളിക്കുന്നത് ഞാനും കേട്ടതാണ്.

പക്ഷെ അടുക്കളയിൽ, 20 പൊലീസുകാർ കാത്തുനിൽക്കുന്നുണ്ടായിരുന്നു.

കൂടാതെ ടെന്‍റിനുള്ളില്‍, നമ്മള്‍ ബാങ്കില്‍ നിന്നും ഓടിപ്പോകുന്നെന്ന് അവരും കേട്ടതാണ്,

പക്ഷെ നമ്മളിപ്പോഴും ഇവിടെയുണ്ട്.

ആകെ അവശേഷിക്കുന്നത് ജമ്പ്സ്യുട്ടിട്ട ഒരു വളര്‍ത്തുമൃഗം മാത്രം.

വാർത്തയിൽ എന്തെങ്കിലും പറഞ്ഞിരുന്നോ?

ഇല്ല.

റിയോയുടെ കാര്യം പോലെ തന്നെ ഇതും.

അവർ അവളെ കൊന്നിരുന്നെങ്കിൽ നമ്മൾ അറിയുമായിരുന്നു.

അവരവളെ ചോദ്യം ചെയ്യുന്നുണ്ടാകും.

-എങ്ങോട്ട് പോകുന്നു പ്രൊഫസര്‍? -ബാങ്ക് ഓഫ് സ്‌പെയിൻ.

അത് നല്ല ഐഡിയയല്ല. വളരെ അപകടം പിടിച്ചതാണ്.

താങ്കളുടെ ജാഗ്രതക്ക് നന്ദി,

പക്ഷേ എന്റെ പങ്കാളി ജീവനോടെ ഉണ്ടോ എന്നറിയാൻ കഴിയുന്ന ഒരേയൊരു സ്ഥലം അതാണ്. നീങ്ങൂ.

-വേണ്ട. -ഇതെന്റെ നിർദ്ദേശമാണ്.

-വേണ്ട, പ്രൊഫസർ. -നീങ്ങാന്‍.

നിങ്ങളെ മോട്ടോർബൈക്കിൽ പോകാൻ ഞാൻ സമ്മതിക്കില്ല.

70.

ഈ റിപ്പോർട്ടുകളിൽ ഉള്ള വിവരങ്ങൾ പ്രകാരം ആണെങ്കില്‍, നീ മോചിതയാകുമ്പോൾ നിനക്ക് 70 വയസ്സാകും.

പൗളക്ക് 40 വയസാകും.

നിന്റെ അമ്മ മരിച്ചു പോയിട്ടുണ്ടാകും, ശവക്കുഴിയിൽ അവരുടെ അസ്ഥികള്‍ മാത്രേ കാണൂ.

മതി, നീ ബാക്കി പറയേണ്ട കാര്യമില്ല.

പ്രോസിക്യൂട്ടറുടെ വാദം അനുസരിച്ചാണ് വിധി പറയുക, അല്ലാതെ നിന്റേതല്ല.

പിന്നെ, അന്തിമവിധി ജഡ്ജിയുടേയും.

പക്ഷെ പ്രോസിക്യൂട്ടറും, ജഡ്ജിയും,

ഒക്കെ വർക്ക് ചെയ്യുന്നത് ഞാനീ എഴുതുന്ന,

റിപ്പോർട്ട് അനുസരിച്ചാണെന്ന് നിനക്കറിയാല്ലോ.

ഇതില്‍ എന്തെഴുതണം എന്നത് എന്റെ ഇഷ്ടമാണ്.

ഞാൻ അപ്പോ എന്താ എഴുതേണ്ടത്?

നീയെന്നെ സംഘർഷത്തിന് പ്രേരിപ്പിക്കുകയാണ്.

ഞാൻ പ്ലാൻ അനുസരിച്ച് പ്രവര്‍ത്തിക്കുക മാത്രമാണ്. ഇതെന്റെയും പ്ലാന്‍ ആണ്.

ഇത് പ്ലാനില്‍ ഇല്ലാത്തതാണ്. ഇത് സ്വന്തം രീതിയിലുള്ള മാറ്റം വരുത്തലാണ്.

സ്വന്തം രീതിയിൽ മാറ്റങ്ങൾ വരുത്തരുതെന്നല്ലേ നീയെപ്പോഴും പറയാറ്.

ഞാൻ വിട്ടു തരില്ല.

എനിക്ക് ഉത്തരങ്ങൾ കിട്ടുന്ന,

ഒരേയൊരിടം അതാണെന്ന് നീ മനസ്സിലാക്കണം.

ബാങ്ക് ഓഫ് സ്പെയിനി--

അത് കൊള്ളാം.

കാര്യമായിട്ടാണോ, പ്രൊഫസർ?

പ്രൊഫസർ എവിടെയുണ്ടെന്നോ, അവന്‍ എന്ത് ചെയ്യുമെന്നോ എനിക്കറിയില്ല.

നിനക്ക് ആലോചിക്കാൻ പറ്റില്ലേ?

സ്നേഹം നിന്റെ മനസ്സിനെയും മൂടിക്കെട്ടിക്കളഞ്ഞോ?

പ്ലാന്‍ ഇത്തരം നുഴഞ്ഞുകയറ്റങ്ങളെ ചെറുക്കാനും കൂടിയുള്ളതാണ്.

ഇതിൽ സ്നേഹത്തിന് ഒരു റോളും ഇല്ല.

തീർച്ചയായും ഉണ്ട്.

പക്ഷേ ഒന്നോർത്തോ, ജയിലിനുള്ളിൽ സ്നേഹം, വെള്ളം പോലെ ചോർന്നൊലിച്ചു പോകും.

അത് പെട്ടെന്ന് അപ്രത്യക്ഷമാകും. രണ്ടു മാസം കൊണ്ട് എല്ലാം മറക്കും.

രണ്ട് മാസത്തെ മനപ്രയാസമോ, അതോ ജയിലിനുള്ളിൽ ജീവിതകാലം മുഴുവനുള്ള യാതനയോ?

നീ ഏഴ് ജന്മം ജനിച്ചാലും,

നിനക്ക് ഞങ്ങളുടെ സ്നേഹം മനസ്സിലാക്കാൻ കഴിയില്ല.

പ്ലാൻ മുന്നോട്ട് കൊണ്ട് പോകണമെങ്കില്‍,

അവളെ അവിടെ ചോദ്യം ചെയ്യുന്നുണ്ടോ എന്നറിയേണ്ടതുണ്ട്.

ഉണ്ടെങ്കിൽ, അത് ചെയ്യുന്നത് അലീഷ്യ സിയേറ ആയിരിക്കും.

അവൾ ബാങ്ക് ഓഫ് സ്‌പെയിനിൽ ഉണ്ടായിരിക്കും.

പക്ഷേ നിന്നെ പോകാൻ വിടില്ല!

നിന്റെ സ്നേഹത്തിന്റെ സ്വഭാവത്തെക്കുറിച്ച് ഞാൻ പറയാം.

ഒരുത്തൻ സോടോ ഡെൽ റിയലിലെ ജയിലിൽ, മറ്റൊരുത്തൻ കാഡിസിൽ,

ഒരു വാർ‌ഷിക കൂടിച്ചേരല്‍ സന്ദർശനത്തിനായി കാത്തിരിക്കുന്നു.

അതും നിനക്ക് ഭാഗ്യം ഉണ്ടെങ്കിൽ മാത്രം. കാരണം ഞങ്ങൾ നിന്റെ കാമുകനെ പിടിച്ചില്ലെങ്കിൽ,

നീ ഒരിക്കലും അവനെ കാണാൻ പോകുന്നില്ല.

അത് വേണോ, അതോ നേരത്തെ പുറത്തിറങ്ങി നിന്റെ കൊച്ചിനൊരു നല്ല അമ്മയാകണോ.

നീയെന്നെ മാനസികമായി സ്വാധീനിക്കാൻ ശ്രമിക്കുകയാണ്.

ഞാൻ സത്യം പറയാൻ ശ്രമിക്കുകയാണ്.

എപ്പോഴത്തെയും പോലെ.

പ്ലാൻ മുന്നോട്ട് പോകണമെങ്കിൽ, നമുക്ക് പോയേ തീരൂ.

നിന്റെ മുഖം വാർത്തകളിൽ നിറഞ്ഞ് നിൽക്കുമ്പോൾ നീയെങ്ങനെ ടെന്റിലേക്ക് പോകും.

എല്ലാവരേയും പോലെ.

ചുവന്ന വസ്ത്രം ധരിച്ച്, ഡാലിയുടെ മുഖം മൂടിയില്‍.

ഓഹ്, കൊള്ളാം.

അവൾ നമ്മെ വഞ്ചിക്കില്ല.

നിന്റെ കയ്യിങ്ങ് താ.

നിന്റെ കൈ തരാന്‍.

സ്നേഹത്തിൽ നീ പെട്ടു പോകുമെന്ന് ഇതിന് മുന്‍പ് എത്ര തവണ നിനക്ക് തോന്നിയിട്ടുണ്ട്?

അത് തന്നെ ഇക്കുറിയും നടക്കും, അത് നിനക്കറിയുകയും ചെയ്യാം.

വഞ്ചിക്കാൻ എല്ലാവർക്കും കഴിയും, മാർസെ.

നീയത് മനസ്സിലാക്കിയിരുന്നാല്‍-

എന്തൊരു ഇടിയാടേ ഇത്? നമ്മള്‍ ഒത്തുതീര്‍പ്പില്‍ എത്തിയെന്നാ ഞാന്‍ കരുതിയേ.

ഉവ്വോ?

ഞാന്‍ അറിഞ്ഞില്ലല്ലോ.

-കുറച്ചൂടേ കഴിക്ക്. -ഞാന്‍ രണ്ടെണ്ണം കഴിഞ്ഞു.

നീ വലിയ ഗൌരവത്തിലാണല്ലോ.

ഈ വിവാഹം എന്നെ ഞെട്ടിച്ചു, ആൻഡ്രെസ്.

കിടിലന്‍ പാർട്ടി തന്നെ!

-ബ്രദർ. -അവളുടെ കാര്യമോർത്തിട്ടാണ്. അവൾ ചെറുപ്പമാണ്.

അവൾ നിന്നെ ഒരുപാട് സ്നേഹിക്കുന്നു, പക്ഷേ നീയൊരു രോഗിയാണ്.

അച്ചൻ പറഞ്ഞത് നീ കേട്ടില്ലേ? "മരണത്തിനേ നിങ്ങളെ പിരിക്കാനാകൂ"

നിന്നെ സംബന്ധിച്ച് ഇത് ഗ്രാൻഡ് ഫിനാലെ ആയിരിക്കും,

പക്ഷെ അവൾക്കിത് തുടക്കമാണ്, അതും അത്ര നല്ലതല്ലാത്ത ഒന്ന്.

ഞാനൊരു രോഗിയാണെന്ന് അവൾക്കറിയാം.

അതെല്ലാവർക്കും അറിയാം.

നീ അവളുടെ പ്രതീക്ഷകളെ വഞ്ചിക്കുകയാണ്.

അവളുടെ ജീവിതത്തിലെ ഏറ്റവും നല്ല രണ്ടോ മൂന്നോ വർഷങ്ങൾ ഞാൻ അവൾക്ക് കൊടുക്കും.

അതേ, പിന്നെ അതിന് ശേഷം... ഒരർത്ഥത്തിൽ, ഞാൻ അവളെ വഞ്ചിക്കുകയാണ്.

അതെന്തായാലും.

വഞ്ചന പ്രണയത്തിൽ ഒഴിച്ചു കൂടാനാവാത്ത കാര്യമാണ്.

നമ്മളീ വിഷയം സംസാരിക്കുന്നത് കൊണ്ട്, അത് നോക്ക്.

മാർട്ടിൻ.

അവനൊരു സംഭവമാണ്! എന്റെ ബെസ്റ്റ് ഫ്രണ്ട്. അവൻ ഹാപ്പിയാണ്.

അവനെന്നെ വഞ്ചിക്കുമോ?

തീർച്ചയായും,

ചില പ്രത്യേക സാഹചര്യങ്ങളില്‍. തത്യാനയോ?

തത്യാനയും.

നീ സ്നേഹം തിരിച്ചറിയുന്നുണ്ടെന്ന് പറയുന്നു, പക്ഷേ എവിടെയും നീ വഞ്ചകരെ മാത്രമേ കാണുന്നുള്ളൂ.

അല്ല, ഞാൻ അങ്ങനെയല്ല പറഞ്ഞത്.

ഞാൻ പറയുന്നത്, നിങ്ങൾ എങ്ങനെ അല്ലെങ്കിൽ എത്ര മാത്രം ആരെയെങ്കിലും സ്നേഹിക്കുന്നു എന്നതിന് വഞ്ചനയുമായി ബന്ധമൊന്നും ഇല്ല.

അത്, നിന്റെ ആശയക്കുഴപ്പം എത്രത്തോളം സങ്കീർണ്ണമാണെന്നതിന് അനുസരിച്ചിരിക്കും.

നിന്റെ പ്രിയപ്പെട്ടവരെ നീ വഞ്ചിക്കുമോ? തത്വത്തിൽ, ഇല്ല.

പക്ഷെ അങ്ങനെ ചെയ്താൽ, നിന്റെ സഹോദരന്റെ ജീവന്‍...

...രക്ഷിക്കാനുള്ള ഒരു മരുന്ന് ഞാന്‍ നിനക്ക് തരാമെന്ന് പറഞ്ഞാലോ?

അതാണ് ശരിയായ ആശയക്കുഴപ്പം.

സെർജിയോ മാർക്വിന. വൈകാരിക മരവിപ്പ്.

ആത്മാരാധനക്ക് നിര്‍ബന്ധിതന്‍.

വികാരശാസ്ത്രപരമായ സങ്കോചം.

മാനസികാരോഗ്യപരമായ പ്രത്യേകതകള്‍...

-ചുരുക്കിപ്പറഞ്ഞാൽ ഒരു മുത്ത്. -കൊള്ളാം.

ബന്ധപ്പെട്ട ആളുമായി കൂടിക്കാഴ്ച നടത്താതെ ഒരു വ്യാജ വിദഗ്ധ എഴുതിയ റിപ്പോർട്ട്.

ഇതിൽ പറയുന്നതിനേക്കാളൊക്കെ രസകരമാണ് ശരിക്കും അവന്റെ കാര്യം.

കൊള്ളാം.

അതേ, ഒരു സൈക്കോപ്പാത്തിന്റെ കാര്യം ബഹുരസമാണ്.

അടുത്തത് നിന്റെ പ്രൊഫൈലാണ്.

അതില്‍ എന്താ പറയുന്നത്?

ഇമ്മാതിരി അലവലാതികളോട് ബന്ധം സ്ഥാപിക്കുന്ന കരുതലുള്ള ടൈപ്പാണ് നീയെന്ന്.

നീ അവരെ മാതൃകയാക്കും.

ക്രമേണ, നീ ചെറുതായി അവരിലേക്ക് ചായും. തുടർന്ന്, അവർ നിന്നെ ഉപയോഗിക്കുകയും മാറ്റിയെടുക്കുകയും ചെയ്യും.

എപ്പോഴാണ് ഇന്‍സ്പെക്ടര്‍, നിന്റെ ജന്മസിദ്ധമായ മനക്കരുത്ത് നിനക്ക് കൈമോശം വന്നു പോയത്?

പ്രൊഫസർ നിന്റെ ജീവിതത്തിലേക്ക് വരുന്നതിന് മുൻപാണോ?

ആൽബെർട്ടോ നിന്നെ തല്ലുമായിരുന്നു. ഇവൻ നിന്നെ എങ്ങനെയാ അവഹേളിക്കാറ്?

ആദ്യം നീയെന്റെ അമ്മയുടെ അല്ഷിമേഴ്‌സ് ഉപയോഗിച്ചു, ഇപ്പോൾ ഗാർഹിക പീഢനം ഉപയോഗിക്കുന്നു.

ഒരേ കഥ തന്നെ ആവർത്തിക്കുകയല്ലല്ലോ. ഒരു ഘട്ടത്തില്‍ അത് തോന്നാതിരുന്നില്ലല്ലോ.

പിന്നെ നീ കരുതി, "സൂക്ഷിക്കണം, ഇവനൊരു തന്തയില്ലാത്തവൻ ആയിരിക്കാം."

അങ്ങനെ അല്ലെന്ന് പറയാമോ.

പ്രോട്ടോക്കോളുകളെയും, കൂടിയാലോചനകളെയും കുറിച്ച് നിനക്കറിയാമോ, പക്ഷേ എനിക്കറിയാം.

ഞാൻ നിന്നെ തോൽപ്പിച്ചു, റാക്കേൽ.

ഞാൻ ഒരു വിഡ്ഢിയായിരുന്നു, കാരണം നമ്മൾ പ്രണയത്തിലായെന്ന് ഞാൻ വിശ്വസിച്ചു.

നിന്നോട് വരാൻ ഞാൻ ആവശ്യപ്പെട്ടില്ല.

ഞാൻ ഒന്നെറിഞ്ഞു നോക്കിയതാ.

അവളതിൽ വീണു, നമ്മൾ നമ്മുടെ കൈ കളിച്ചത് പോലുമില്ല

ഏറ്റവും ദുർബലമായ കണ്ണി നീയായത് കൊണ്ടാണ്, അവൾ നിന്റെ പിന്നാലെ വന്നത്.

അവൻ നിനക്ക് വേണ്ടി എന്താ ചെയ്തത്?

നിനക്ക് വേണ്ടി അവൻ അവന്റെ കുടുംബത്തെയും കൂട്ടി ഒരു ദ്വീപിലേക്ക് പോകുമോ?

നിന്റെ ഒരു പദ്ധതി അവൻ പിന്തുടരുമോ?

നീ എപ്പോഴെങ്കിലും മുഖ്യ കഥാപാത്രമായിട്ടുണ്ടോ? എന്നെങ്കിലും?

അതോ ഒരു പട്ടിക്കുട്ടിയെപ്പോലെ എല്ലായ്പ്പോഴും നീയവനെ പിന്തുടരുകയാണോ?

ആൽബർട്ടോയെക്കുറിച്ച് ഞാൻ നിനക്ക് മുന്നറിയിപ്പ് തന്നിരുന്നു. അവനൊരു നായിന്റെ മോനാണ്.

പക്ഷേ, ഇവനും വ്യത്യസ്തനല്ല.

ചോദ്യം വളരെ ലളിതമാണ് റാക്കേൽ:

മുഖംമൂടി വച്ച ഒരു വിഡ്ഢിക്ക് വേണ്ടി 30 വർഷം,

ജയിലിൽ കഴിയാൻ നീ തയ്യാറാണോ?

കേണൽ...

ഞാൻ റിപ്പോർട്ടുകൾ പരിശോധിക്കുകയായിരുന്നു, എനിക്ക് തെറ്റ് പറ്റിയതായിരിക്കാം,

പക്ഷെ മുരിള്ളോയുടെ അറസ്റ്റിന്റെ രേഖകളൊന്നും ഞാൻ കണ്ടില്ല.

-നീ എന്ത് നോക്കുകയായിരുന്നെന്ന്? -ഒരു സാങ്കേതികത്വം ഒന്നും എനിക്കാവശ്യമില്ല...

ഇത് മനുഷ്യാവകാശവുമായി ബന്ധപ്പെട്ട ഒരു ചോദ്യമാണ്.

നിനക്കെന്താ പറ്റിയത്? നീ വല്ല NGO യിലും ചേർന്നോ?

ആംനെസ്റ്റി ഇന്റർനാഷണൽ? പോയ് പണി നോക്കാൻ പറ.

എന്നാലും നിയമപ്രകാരം-

നമ്മളിവിടെ എപ്പോൾ മുതലാണ് നിയമം നടപ്പിലാക്കാൻ പോകുന്നതെന്നറിയാമോ?

നിനക്ക് ഊഹിക്കാൻ പറ്റുമോ?

മറുപടി പറ.

-നിങ്ങള്‍ എപ്പോഴാണ്-- ...അങ്ങനെ പറ.

എനിക്കെപ്പോഴാണ് തോന്നുന്നത്, അപ്പോൾ.

അറസ്റ്റ് റിപ്പോർട്ടോ, നടപടി ക്രമങ്ങൾ ഉറപ്പ് വരുത്തലോ ഒന്നും എനിക്ക് പ്രശ്നമല്ല.

നിനക്ക് മനസ്സിലായോ?

ഉവ്വ്, മനസ്സിലായി.

അതുകൊണ്ട് അതുവരെ...

അതുവരെ ആ പട്ടിച്ചി ബക്കറ്റിൽ മുള്ളി ശനിയാഴ്ച വരെ ഉറക്കമിളച്ച് കാത്തിരിക്കും,

അത്കൊണ്ട് എന്തെങ്കിലും പ്രശ്നമുണ്ടോ?

ഏയ്... ഒന്നുമില്ല.

കൊള്ളാം, അന്റോണൻസാസ്. കൊള്ളാം.

സുതാര്യത

എന്നെ ഉണര്‍ത്തൂ

മുതലാളിത്തം എന്ന സാത്താന്‍ നീണാള്‍ വാഴട്ടെ

ഈ വ്യവസ്ഥിതി ഞങ്ങളെ പ്രതിനിധാനം ചെയ്യുന്നില്ല!

ലിസ്ബൻ കാൻവാസിന് പിന്നിൽ ഉണ്ടോയെന്നറിയാൻ എക്‌സ്റേ വിഷൻ ഉണ്ടായിരുന്നെങ്കിൽ എന്ന് പ്രൊഫസർ ആഗ്രഹിച്ചിരിക്കണം.

പക്ഷെ അയാള്‍ സൂപ്പർമാൻ ആയിരുന്നില്ല.

അതുകൊണ്ട് അയാൾക്ക് ഷെർലക്ക് ഹോംസായി തൃപ്തിപ്പെടേണ്ടി വന്നു.

ഒരു പിടിവള്ളി തേടി അയാൾ ബാങ്കിലെത്തുന്നു.

പക്ഷെ അയാൾ മൂന്നെണ്ണം കണ്ടെത്തുന്നു.

ആ വാൻ അവിടെ എന്തായിരുന്നു ചെയ്ത് കൊണ്ടിരുന്നത്?

അതിൽ ചളി പറ്റിയിരിക്കുന്നത് എന്തുകൊണ്ടാണ്?

CNP85600N.

പാകിസ്ഥാൻ ഉത്തരം കണ്ടെത്തി.

വാൻ, ഹുയേൽവ പോലീസിന്റെതായിരുന്നു,

ലിസ്ബൻ കൊല്ലപ്പെട്ടതിന് അടുത്തെവിടെയോ നിന്നുള്ളത്.

ഏഞ്ചൽ.

ആരെങ്കിലും ഹാമെലിൻ പദ്ധതി നടപ്പാക്കേണ്ടതുണ്ടെങ്കിൽ, അത് ഇയാളായിരിക്കും.

അയാൾക്കിവിടെ അതിനേക്കാൾ പ്രധാനപ്പെട്ട എന്തോ ചെയ്യാനുണ്ടെന്നര്‍ത്ഥം.

ലിസ്ബനെ മാഡ്രിഡിലേക്ക് ട്രാൻസ്ഫർ ചെയ്യുന്നത് പോലെ എന്തോ.

അടുത്ത സുഹൃത്തിന്റെ മരണത്തിൽ അനുശോചിക്കുന്നതായൊന്നും തോന്നുന്നില്ല.

പിന്നെ അലീഷ്യ സിയേറയും. സന്ധി പ്രഖ്യാപിച്ചിട്ട് ഏതാനും മണിക്കൂറുകളെ ആയിട്ടേയുള്ളൂ.

എന്നിട്ടും അവളിവിടെയുണ്ട്.

ജോലിക്കായി ജീവിതം ഉഴിഞ്ഞു വച്ചവൾ,

ചൂടുവെള്ളത്തിൽ കാല് മുക്കി വീട്ടിൽ ഇരിക്കേണ്ടവളാണ്.

രാജ്യം ഏറ്റവും അന്വേഷിക്കുന്ന കുറ്റവാളിയെ,

ചോദ്യം ചെയ്യേണ്ടതുള്ളത് കൊണ്ട് മാത്രമാണ് അവളിവിടെയുള്ളത്.

ലിസ്ബൻ ജീവനോടെ ഉണ്ടായിരിക്കാം.

പക്ഷേ അവനത് കണ്ടെത്തേണ്ടതുണ്ട്,

അവളെ ഉപേക്ഷിക്കില്ലെന്ന് അവളെ അറിയിക്കാൻ.

നീ കമ്മ്യുണിക്കേഷൻ സെന്റർ ആയി ഉപയോഗിച്ച ആംബുലൻസ് എത്തിയിട്ടുണ്ട്.

അതാരാ പരിശോധിക്കുന്നതെന്നറിയാമോ?

നിന്റെ മുൻ ഭർത്താവ്, ആൽബെർട്ടോ.

CSI യിലെ ഏറ്റവും മികച്ചയാൾ എന്നതിലുപരി,

നിനക്ക് പണി തരാൻ മുട്ടിയിരിക്കുകയാണ് അവൻ.

മറ്റൊരു ഓപ്‌ഷൻ കൂടിയുണ്ട്.

മറ്റാരും കയറും മുന്നേ...എനിക്ക് അതിനകത്ത് കയറി തെളിവുകൾ നശിപ്പിക്കാം.

നിനക്കൊന്നും കണ്ടെത്താൻ കഴിയില്ല.

ഒന്ന് പോ, റാക്കേൽ.

നിനക്ക് അറിയാവുന്നതല്ലേ.

നമ്മൾ എല്ലായ്പ്പോഴും എന്തെങ്കിലും കണ്ടെത്തും.

നിന്റെ അമ്മയിലേക്കും മകളിലേക്കും എത്തിച്ചേരുന്ന എന്തെങ്കിലും ഒരു സൂചന ഞങ്ങൾ കണ്ടെത്തും.

നീ നോക്കിക്കോ.

അടുത്ത അഞ്ച് പേർ, എന്റെ സഹപ്രവർത്തകനൊപ്പം ബാത്റൂമിലേക്ക് പോകാൻ തയ്യാറായിക്കോ.

ഹേയ്, ഗാൻഡിയ, നമ്മളിപ്പോ ഒരേ ടീമിലാണല്ലോ, ഒരു കാര്യം ചോദിക്കട്ടെ?

ഞാനാകെ ആശയക്കുഴപ്പത്തിലാണ്. നമ്മൾ നല്ലവരോ ചീത്തയാളുകളോ?

ഞാൻ നിന്റെ സഞ്ചി കീറി,

ഉണ്ടകൾ വെളിയിലെടുത്ത്, നിന്റെ അണ്ണാക്കിലേക്ക് കുത്തിക്കയറ്റും.

അത് നല്ല രസമായിരിക്കും.

പക്ഷേ നിന്റെ കൈ കെട്ടിയിരിക്കുകയാണല്ലോ, ബഡി.

കൈവിലങ്ങ് ഊരിപ്പോരാതിരിക്കുന്ന ശാരീരികമായ പ്രത്യേകത എന്താണെന്ന് നിനക്കറിയാമോ?

മെറ്റാകാർപ്പൽ ആണ് അവയെ അവിടെ നിലനിർത്തുന്നത്.

പക്ഷേ അതിനെ ഡിസ് ലൊക്കേറ്റ് ചെയ്യിക്കാൻ വളരെ എളുപ്പമാണ്.

-അതെയോ? -അതേ...

അവ സ്വാതന്ത്ര്യത്തിലേക്കുള്ള ആശയമാണ്.

സ്വാതന്ത്ര്യം

ഉദയ സൂര്യനെപ്പോലെ

ഞാൻ സ്വതന്ത്രനാണ്

കടലിനെപ്പോലെ

സ്വതന്ത്രൻ

തടവില്‍ നിന്ന് രക്ഷപ്പെട്ട കിളിയെപ്പോലെ

അവസാനം എനിക്ക് പറക്കാം

സ്വാതന്ത്ര്യം

ഒരുമിച്ച് ചേരുന്ന കാറ്റുകളെപ്പോലെ

എന്റെ വിലാപവും എന്റെ ഖേദവും

ഞാൻ അനന്തമായി നടക്കുന്നു

സത്യം തേടി, അവസാനം അത് ഞാൻ കണ്ടെത്തും

എന്താണ് സ്വാതന്ത്ര്യമെന്ന്

പോയി ഉറങ്ങൂ.

എന്റെ കിടക്കക്ക് നാല് മൂലകൾ

എന്റെ തലക്ക് ചുറ്റും നാല് മാലാഖമാർ.

ലൂക്ക്, മാത്യു, പിന്നെ ജോസഫ്,

നമ്മുടെ കർത്താവും കന്യാ മറിയവും,

അന്റോണൻസാസ്.

നീ, ഇവിടെ?

നിന്നെ...

അറസ്റ്റ് ചെയ്തിരിക്കുന്നു!

മുട്ടുകുത്തി നിൽക്കൂ.

നീ എങ്ങനെ പ്രതികരിക്കുമെന്ന് നോക്കുകയായിരുന്നു.

മുട്ടിന്മേൽ നിൽക്ക്.

പ്ലീസ്, എന്റെ ഭാര്യയും മക്കളും ഉറങ്ങുകയാണ്.

അവർക്ക് ഒന്നും സംഭവിക്കില്ല.

നീ നിർദ്ദേശങ്ങൾ അനുസരിക്കുകയും ചില ചോദ്യങ്ങൾക്ക് ഉത്തരം പറയുകയും വേണം.

തലക്ക് നേരെ തോക്ക് ചൂണ്ടിയ ഒരാളോട് ഞാൻ സംസാരിക്കില്ല.

നീ സംസാരിക്കും.

നമുക്ക് മുന്നിലുള്ളത്, ഒന്ന്:

ആംബുലൻസ്

രണ്ട്:

ഭ്രാന്തി മുത്തശ്ശി.

ഞാൻ എവിടെയാണ്?

ഞാനിത് ചെയ്യില്ല.

മൂന്ന്: അമ്മയില്ലാത്ത കുഞ്ഞ്.

മമ്മി.

മമ്മി.

നാല്:

പ്രഫസറുടെ സ്നേഹം,

നീ ജയിലിൽ ആയിക്കഴിഞ്ഞാൽ വെറും 2 ദിവസം മാത്രം നീണ്ടു നിൽക്കുന്നത്.

ഇനി അവസാന രംഗം.

നീ ഒരു ഉദ്യോഗസ്ഥനെയാണ് ആക്രമിക്കുന്നത്. ഇതിന്റെ ഭവിഷ്യത്ത് നിനക്കറിയില്ല.

നമ്മള്‍ സന്ധി പ്രഖ്യാപിച്ചതാണ്.

സന്ധി ഒരു യുദ്ധത്തിന്റെ ഏറ്റവും പ്രധാനപ്പെട്ട ഭാഗമായേക്കാം.

എനിക്ക്...

എനിക്ക് ശ്വാസം മുട്ടുന്നു.

ശാന്തനായി ആലോചിക്ക്.

ശാന്തനാക്.

എനിക്ക് ശ്വാസ്സം മുട്ടുന്നു.

മാർസേ.

ഇപ്പോ എങ്ങനെയുണ്ട്?

നീ സഹകരിച്ചാൽ,

പ്രോസിക്യൂഷൻ 12 കൊല്ലം ആവശ്യപ്പെടും, നിനക്ക് 10 കൊല്ലം കിട്ടും.

5 കൊല്ലത്തിനുള്ളിൽ നിനക്ക് പുറത്തിറങ്ങാം.

നിന്റെ ജീവിതം അങ്ങനെയാണ് ആയിത്തീരേണ്ടത്.

സഹകരിച്ചില്ലെങ്കിൽ, നിനക്ക് 30 വർഷം കിട്ടും.

നിന്റെ ജീവിതം അങ്ങനെയായിത്തീരും.

തീരുമാനിക്കേണ്ടത് നീയാണ്, ഇൻസ്‌പെക്ടർ.

പരിഭാഷ: ഷിഹാബ് എ ഹസ്സന്‍

മലയാളം പരിഭാഷകൾക്ക് സന്ദർശിക്കുക www.malayalamsubtitles.org www.facebook.com/groups/MSONEsubs

Info: 6E864BA1A28C90B2F28483A0463E3925D06A8B1A