Original subtitles

മലയാളം പരിഭാഷകൾക്കായി സന്ദർശിക്കുക. www.moviemirrormalayalamsubtitles.com

മൂവി മിറർ റിലീസ് നമ്പർ - 738 www.facebook.com/movie mirror subtitles

ഗാസ : ജനുവരി 29, 2024.

ഇസ്രായേൽ സൈന്യം തെൽ അൽ-ഹവ പ്രദേശം ഒഴിഞ്ഞുപോകാൻ ഉത്തരവിട്ടു.

ഈ ചലച്ചിത്രം യഥാർത്ഥ സംഭവങ്ങളെ ആസ്പദമാക്കിയുള്ളതാണ്.

കൂടാതെ അന്ന് റെക്കോർഡ് ചെയ്ത എമർജൻസി കോളുകളെ ആസ്പദമാക്കിയുമാണ്.

ഹലോ!

ദി വോയ്‌സ് ഓഫ് ഹിന്ദ് റജബ്.

പാലസ്തീൻ റെഡ് ക്രസന്റ് എമർജൻസി കോൾ സെന്റർ.

രാമള്ള, വെസ്റ്റ് ബാങ്ക്.

ഗാസയിൽ നിന്ന് 84 കിലോമീറ്റർ അകലെ.

പരിഭാഷ ✍️ അനൂപ്.പി.സി, മീനങ്ങാടി.

രക്തം വരുന്നത് നിൽക്കാൻ മുറിവ് അമർത്തിപ്പിടിക്കൂ, എന്നിട്ട് കെട്ടിവെക്കൂ.

പാലസ്തീൻ റെഡ് ക്രസന്റാണ്, പറയൂ.

പാലസ്തീൻ റെഡ് ക്രസന്റ്, എങ്ങനെയാണ് സഹായിക്കേണ്ടത്?

ശരി, ആംബുലൻസ് വരുന്നുണ്ട്.

- അടുത്തുള്ള ആംബുലൻസ് വരുന്നുണ്ട്. - സമാധാനമായിരിക്കൂ.

നിങ്ങൾ പറയുന്നത് വ്യക്തമല്ല.

ശരി, ശരി.

നിങ്ങളിപ്പോൾ നസ്രത്ത് സ്ട്രീറ്റിന്റെ അറ്റത്തല്ലേ?

അവിടെയൊരു റൗണ്ട് എബൗട്ട് കാണുന്നില്ലേ?

അതേ, ആ റൗണ്ട് എബൗട്ടിൽ നിന്ന് നേരെ പോകൂ.

നേരെ പൊയ്ക്കോളൂ, നേരെ...നേരെ...

ഞാൻ നിങ്ങളെ കാണുന്നുണ്ട്, ഞാൻ കാണുന്നുണ്ട്, പേടിക്കേണ്ട.

നേരെ പോയിട്ട് വലത്തോട്ട് തിരിയൂ...

നിങ്ങളെയെനിക്ക് കാണാം, എന്റെ സ്ക്രീനിലൊരു ചുവന്ന പുള്ളിയിൽ കാണുന്നതാണ് നിങ്ങൾ.

- ആംബുലൻസ് ടീം പ്രതികരിക്കുന്നില്ല. - ഇപ്പോ എങ്ങനെയുണ്ട്?

എന്തെങ്കിലും സഹായം വേണോ?

അതേ, ഇതാണ് റിപ്പോർട്ട്, താങ്ക്സ്.

കുഴപ്പമൊന്നുമില്ലല്ലോ?

- കുഴപ്പമൊന്നുമില്ല. - ശരി.

- റാണ. - നിസ്രിൻ.

നീയെന്താ ഇവിടെ? രാവിലെ ഇറങ്ങേണ്ടതായിരുന്നില്ലേ?

ചില കാര്യങ്ങൾ കൂടി തീർക്കാനുണ്ട് ഞാനാകെ തളർന്നു.

വീട്ടിൽ പോകാൻ കൊതിയാവുന്നു.

റോക്ക്, പേപ്പർ, സിസേഴ്സ്.

- റോക്ക്, പേപ്പർ, സിസേഴ്സ്. - അഞ്ചേ- മൂന്ന്.

- അഞ്ച്. - ആറേ -മൂന്ന്.

- അഞ്ചേ -മൂന്ന്. - ഞാൻ നിന്നെ തോൽപ്പിക്കും.

വാ, ഒരു തവണ കൂടി, നിൽക്ക്, ഒരു എമർജൻസി കോൾ.

ഹലോ, റെഡ് ക്രസന്റ് എമർജൻസി രാമള്ള, വെസ്റ്റ് ബാങ്ക്.

ഞാൻ ഒമറാണ്, പറയൂ.

ഹലോ, ഗാസയിൽ ഇപ്പോഴും ഫോൺ കിട്ടുന്നുണ്ടോ?

ഇല്ല, ഗാസയിൽ ഒരു ഫോണും കിട്ടില്ല.

ബോംബ് വെച്ചതിന് ശേഷം കോളുകളെല്ലാം ഇങ്ങോട്ടാണ് വരുന്നത്.

പതിയെ പറയൂ, എവിടെയാണ്?

- വടക്കൻ ഗാസയിൽ. - ഗാസയിലാണോ?

അതേ, പക്ഷേ നിങ്ങൾ വിളിക്കുന്നത് ജർമ്മനിയിൽ നിന്നാണല്ലോ?

ശരി.

ശരി, ഞാനൊരു മെസ്സേജ് അയക്കാം നിങ്ങടെ സഹോദരന്റെ കാർ എവിടെയാണെന്ന് അയക്കൂ.

- ഫോൺ നമ്പറും അയക്കൂ. - ശരി, ഞാൻ മെസ്സേജ് ചെയ്യാം.

ശരി, നന്ദി.

മഹ്ദി.

- എന്താ ഒമർ? - വടക്കൻ ഗാസയിൽ ഒരു ആംബുലൻസ് വേണ്ടി വരും.

- വടക്കൻ ഗാസയിലോ? - അതേ.

അവിടെ ഒരു ഗ്യാസ് സ്റ്റേഷൻ ഉണ്ട് കൃത്യമായി അറിയില്ല, ഒരു മിനിറ്റ്.

അവർ ഫാരെസ് ഗ്യാസ് സ്റ്റേഷനിൽ ഒരു കറുത്ത കാറിലുണ്ട്.

ഫാരെസ് ഗ്യാസ് സ്റ്റേഷനിൽ.

എന്താണ് എമർജൻസി?

ബഷാർ ഹമാദയും കുടുംബവുമാണ്.

- കാറിൽ ടെൽ അൽ-ഹവയിൽ നിന്ന് മാറുകയായിരുന്നു. - ടെൽ അൽ-ഹവ.

വീട്ടിൽ നിന്ന് 400 മീറ്റർ അകലെ.

ഉച്ചയ്ക്ക് ഒരു മണിക്ക് ഗ്യാസ് സ്റ്റേഷന് അടുത്ത് വെച്ച് അവരെ വെടിവെച്ചു.

- ഒരു മണിക്കോ? - അതേ, ഒരു മണിക്ക്.

ഇപ്പോൾ സമയം 2:35 ആയി, അപ്പോഴിത് ഒന്നര മണിക്കൂർ മുമ്പ് നടന്നതാണ്.

അതേ.

ഇപ്പോൾ കാറിൽ ആരെങ്കിലും ജീവനോടെയുണ്ടോ ഒമർ?

അറിയില്ല, അവന്റെ സഹോദരനോട് സംസാരിച്ചു ആള് ജർമ്മനിയിലാണ്, അയാൾക്കൊന്നുമറിയില്ല

അവർ കാറിലുണ്ടോ അതോ നടന്നു രക്ഷപ്പെട്ടോന്നും അറിയില്ല.

ആ മനുഷ്യനാകെ പേടിച്ചിരിക്കുകയാണ് വിവരമൊന്നും കിട്ടുന്നില്ല.

ആ ഗ്യാസ് സ്റ്റേഷൻ പട്ടാളം വളഞ്ഞ ഭാഗത്താണ്.

ഇന്ന് രാവിലെ മുതൽ പട്ടാളം ആ പ്രദേശം അടച്ചിട്ടിരിക്കുകയാണ് ഒമർ.

ഫാരെസ് ഗ്യാസ് സ്റ്റേഷൻ.

അവർ ഫാരെസ് ഗ്യാസ് സ്റ്റേഷനിൽ ഒരു കറുത്ത കാറിലുണ്ട്.

ഈ നമ്പറിൽ ഉറപ്പായും കിട്ടും 0567022508.

ഇപ്പോഴവരുടെ ഫോൺ നമ്പർ കിട്ടി.

ശരി, ഒന്നങ്ങോട്ട് വിളിച്ച് നോക്ക്.

- ഞാൻ വിളിക്കാം, ലൈനിൽ നിൽക്കൂ. - ശരി.

ബെല്ലടിക്കുന്നുണ്ട്.

ഫോണിലെ ശബ്ദം യഥാർത്ഥത്തിലുള്ള റെക്കോർഡുകളാണ്.

ഹലോ?

- ഹലോ മോളെ. - അവർ ഞങ്ങളെ വെടിവെക്കുന്നു.

- ഹലോ? - അവർ വെടിവെക്കുന്നു.

ഒരു ടാങ്ക് തൊട്ടടുത്തുണ്ട്.

- നിങ്ങൾ ഒളിച്ചിരിക്കുകയാണോ? - അതേ, ഞങ്ങൾ കാറിലാണ്.

ടാങ്ക് ദാ തൊട്ടടുത്ത് തന്നെയുണ്ട്.

നിങ്ങൾ കാറിനുള്ളിലാണോ?

ഹലോ?

ഹലോ?

ഹലോ?

ഒമർ.

ഹലോ?

അവളിപ്പോഴും ലൈനിലുണ്ടോ?

ഹലോ?

ഒമർ?

ഒമർ, റാണയോട് സംസാരിക്കൂ അവളാണ് സൂപ്പർവൈസർ.

ഒമർ?

ഒമർ ഗാസയിലുള്ള ഒരു പെൺകുട്ടിയോട് സംസാരിക്കുകയായിരുന്നു.

വെടിയൊച്ച കേട്ടു, ലൈൻ കട്ടായി, പക്ഷേ...

എനിക്ക് മനസ്സിലായി.

ഒമർ?

കുഴപ്പമൊന്നുമില്ലല്ലോ?

സഹായമെന്തെങ്കിലും വേണോ? നിസ്രിനെ വിളിക്കണോ?

വേണ്ട.

അവരവളെ കൊന്നു.

അവളുടെ പേരെന്തായിരുന്നു?

അറിയില്ല, പേര് പറയാൻ പോലും അവൾക്ക് സമയം കിട്ടിയില്ല.

ഒമർ.

ഹലോ ഒമർ?

ഇപ്പോ എങ്ങനെയുണ്ട്?

ഞങ്ങളിതൊക്കെ ഓഫീസിൽ തൂക്കാറുണ്ട്.

ഫോട്ടോയോ, പേരോ പോലും ഇല്ലാത്തപ്പോൾ...

സംസാരിച്ചുകൊണ്ടിരിക്കുമ്പോൾ മരിച്ചവരുടെ ഓർമ്മയ്ക്കായിട്ടാണിത്.

അവരുടെ ഫോട്ടോ കിട്ടുമ്പോൾ അതിവിടെ തൂക്കും.

അവർക്ക് നൽകുന്ന ഒരു ബഹുമാനമാണിത്.

അപ്പൊ നിനക്കും സമാധാനം കിട്ടും.

പുതിയ കോളുകൾ എടുക്കാൻ നീ വീണ്ടും തയ്യാറാകും.

നന്ദി.

ഒമർ, സംസാരിക്കണമെന്നുണ്ടെങ്കിൽ ഞാനിവിടെയുണ്ട്.

നിനക്കെപ്പോൾ വേണമെങ്കിലും വരാം.

മനസ്സിലുള്ളതൊക്കെ തുറന്ന് പറയാം.

പോരെ? മടിക്കണ്ട.

- എനിക്ക് തിരിച്ചു പോകണം. - ശരി.

എനിക്ക് പോകണം എന്തെങ്കിലും വേണോ?

- താങ്ക്സ്. - പോയി റെസ്റ്റ് എടുത്ത് വാ.

ആറ് വയസ്സുള്ള ഒരു കുട്ടി കാറിനുള്ളിൽ ജീവനോടെയുണ്ട്.

അവളെയൊന്ന് വിളിക്കാമോ?

റാണാ, വേഗം ഇങ്ങോട്ട് വായോ.

- എന്താ ഒമർ? - ഇവിടെ...

അവളുടെ അങ്കിൾ മെസ്സേജയച്ചു, ആറ് വയസ്സുള്ള ഒരു കുട്ടി...

...ഇപ്പോഴും കാറിനുള്ളിൽ ഒളിച്ചിരിപ്പുണ്ടെന്ന്.

ശരി, അവളെ വിളിക്ക്.

ഒമർ.

കമോൺ, നിനക്ക് ട്രെയിനിംഗ് കിട്ടിയതാണ് എന്ത് ചെയ്യണമെന്ന് നിനക്കറിയാം.

വിളിക്കൂ.

ശരി, ഞാനിറങ്ങുന്നു.

- ഹലോ അങ്കിൾ. - ഹലോ മോളെ.

ലൈനിൽ നിൽക്കണേ.

നോക്ക് മോളെ, ശ്രദ്ധിക്കൂ, ലൈൻ കട്ട് ചെയ്യരുത്.

അവിടെന്താ ഉണ്ടായതെന്ന് പറയൂ...

- അതേ. - ഹലോ?

അതിന് സമയമില്ല.

എന്താ? ഒളിച്ചിരിക്കുകയാണോ?

- വേഗം. - ഹലോ?

ഹലോ? എന്താ നിന്റെ പേര്?

- ഇവിടെ വേറെയാരുമില്ല. - പേരെന്താ?

ഇവിടെ വേറെയാരുമില്ല.

പേര് വ്യക്തമല്ല ഞാൻ ഒമറാണ്, എന്താ പേര്?

- എന്റെ പേര് ഹനൂദ്. - ഹനൂദ്?

എന്താ പേര്?

- ഹനൂദ്. - ഹനൂദ്?

- നിന്റെ ചേച്ചിയുടെ പേരെന്താ? - എന്നെയിവിടുന്ന് രക്ഷിക്കൂ.

- ശരി, ചേച്ചിയെവിടെ? - എന്നെയിവിടുന്ന് കൊണ്ടുപോകൂ.

ഞാൻ വരാം, പക്ഷേ ചേച്ചി എവിടെയാണെന്ന് പറയൂ?

എനിക്ക് ചേച്ചിയില്ല.

- മഹ്ദി - എന്താ ഒമർ?

ഒരാറ് വയസ്സുകാരി കുട്ടി ഇപ്പോഴുമാ കാറിനുള്ളിലുണ്ട്.

ആറ് വയസ്സുള്ള കുട്ടിയോ? കാറിനുള്ളിൽ ഉണ്ടെന്നോ?

- അതെ. - ബാക്കിയുള്ളവരുടെ കാര്യമോ?

മറ്റുള്ളവരോ? എനിക്കറിയില്ല.

അവളൊറ്റയ്ക്കേ ഉള്ളെന്നാണ് പറഞ്ഞത്, ലൈനിലുണ്ട്.

- ആരാ ലൈനിലുള്ളത്? - ആ കുട്ടി.

അവൾ ഹമാദ കുടുംബത്തിലുള്ളതാണോ ഒമർ?

- അതെ... - അവളോട് ചോദിക്ക്.

- ഹനൂദ്... - എന്താ?

നിന്റെ വീട്ടുപേരെന്താ? മുഴുവൻ പേരൊന്ന് പറയാമോ?

ഹിന്ദ് റജബ് ഹമാദ.

- ഹിന്ദ് റജബ് ഹമാദ? - അതെ.

- ശരി, മോൾ പേടിക്കണ്ട. - റാണാ...

സീറ്റിനടിയിൽ ഒളിച്ചിരുന്നോ. പുറത്തേക്ക് നോക്കരുത് കേട്ടോ.

അവളുമായി സംസാരിച്ചുകൊണ്ടിരിക്കൂ.

- ശരിയല്ലേ? - ഓക്കെ.

ഉപ്പയും, ഉമ്മയും എവിടെയാ?

അവരിവിടെയില്ല.

ശരി, അവിടെത്തന്നെ ഇരുന്നോ.

- ഞാനിപ്പോത്തന്നെ വിളിക്കാം. - വേണ്ട, എന്നെയിവിടുന്ന് കൊണ്ടുപോ.

അവര് വെടി വെക്കുന്നുണ്ട്.

- മഹ്ദി. - എന്താ ഒമർ?

എന്തെങ്കിലും വിവരമുണ്ടോ?

ആംബുലൻസിന്റെ കാര്യം ഞാൻ നോക്കിക്കൊണ്ടിരിക്കുകയാണ്.

അവൾക്കധികം സമയമില്ല, അവരെ വിളിച്ച് വരാൻ പറ പ്ലീസ്.

ഒമർ, നീ ഇടയ്ക്കിടെ വിളിക്കുന്നത് കൊണ്ട് ഒരു കാര്യവുമില്ല.

വിവരങ്ങളൊക്കെ ഒന്ന് കിട്ടട്ടെ, എന്നിട്ടവർ വിളിക്കും.

- ഹനൂദ്... - എന്താ?

മോൾ ലൈനിൽ തന്നെ ഇരിക്കണേ, ഞാനിപ്പോ വരാം.

ശരി.

വടക്ക് ഭാഗത്ത് ആകെയുള്ളത് ഒരൊറ്റ ആംബുലൻസ് മാത്രമാണ്.

അവരെ നേരിട്ട് വിളിക്ക്.

ഒമർ.

നീ പോയി ആ കുട്ടിയോട് സംസാരിക്ക്, എന്റെ ജോലി ഞാൻ ചെയ്തോളാം.

സെയ്‌നോയെ ഇപ്പോത്തന്നെ വിളിക്ക്.

ഗാസയിലെ കാര്യങ്ങൾ നോക്കുന്നത് ഇബ്രാഹിമാണ്.

വിളിക്കണോ വേണ്ടയോ എന്നവൻ തീരുമാനിക്കും, അവനത് നോക്കുന്നുണ്ട്.

അവരവൾക്ക് നേരെ വെടിവെക്കുകയാണ്.

മറ്റേ കുട്ടിയെ പോലെ ഇവളെയും അവർ കൊല്ലും.

റാണയോട് വന്നീ ഒമറിനെ ഇവിടുന്ന് മാറ്റാൻ പറ.

മഹ്ദി, അവര് വെടിവെക്കുകയാണ്.

ദാ, അവൻ വിളിക്കുന്നു.

പറ ഇബ്രാഹിം.

ശരി.

- ഒരു മിനിറ്റ്. - പറ...

ഒന്ന് നിന്നേ...

അതിലുള്ളത് യൂസഫ് സെയ്‌നോ ആണ്.

യൂസഫ് സെയ്‌നോ... അവൻ മിടുക്കനാണ്.

- ഡ്രൈവർ? - മദ്‌ഹൂൻ ആണ്, വേറെയാരുമില്ല.

അഹമ്മദ് അൽ-മദ്‌ഹൂൻ.

- ഏതാ വണ്ടി? - സവാന.

- സവാന. - സവാന.

- മൂന്ന്. - മൂന്ന്.

- ഒന്ന്, പൂജ്യം, ഏഴ്. - ഒന്ന്, പൂജ്യം, ഏഴ്.

- നാല്. - നാല്.

- അഞ്ച്, അഞ്ച്. - അഞ്ച്, അഞ്ച്.

- ശരി. - സെയ്‌നോയെ ഉടൻ വിളിക്ക്.

ശരി, ഞാൻ കാര്യങ്ങൾ നീക്കാം.

കാര്യങ്ങൾ നീക്കാനോ?

അവൾക്കൊട്ടും സമയമില്ല മനുഷ്യാ.

വേറെ വല്ല വഴിയുമുണ്ടോന്ന് നോക്കാൻ സെയ്‌നോയെ ഞാൻ വിളിക്കാം.

വേറെയൊരു വഴിയുമില്ല.

സെയ്‌നോയെ വിളിക്കാൻ നിനക്കാരാ അധികാരം തന്നത്?

നീയെന്തിനാ അവനെ വിളിക്കുന്നത്? നീയാണോ ഇവിടുത്തെ മേധാവി?

ഞാൻ മേധാവിയൊന്നുമല്ല, പക്ഷേ എനിക്കാ കുട്ടിയെ രക്ഷിക്കണം.

- ആ കുട്ടി... - ആ കുട്ടി കാറിൽ കുടുങ്ങിക്കിടക്കുകയാണ്.

കുട്ടിയെ രക്ഷിക്കുന്നത് നിന്റെ പണിയല്ല, അതെന്റെ ജോലിയാണ്.

നിന്റെ പണി അവിടെയിരുന്ന് അവളോട് സംസാരിക്കുക എന്നതാണ്.

ഞങ്ങളവളെ രക്ഷിക്കാൻ നോക്കുമ്പോൾ നീയവളോട് സംസാരിച്ചോണ്ടിരിക്ക്.

റെഡ് ക്രസന്റ് കോട്ട് ഇല്ലാതെ നിന്നെയിനി ഇവിടെ കണ്ടുപോവരുത്.

- എന്താ ഇവിടെ നടക്കുന്നത്? - ഞാൻ കാര്യങ്ങൾ ശരിയാക്കാൻ നോക്കുകയാ.

പക്ഷേ ഒമർ ഒട്ടും സമാധാനപ്പെടുന്നില്ല.

കാര്യങ്ങൾ ശരിയാക്കാനോ? ഇത്തവണയും ഒൻപത് മണിക്കൂർ എടുക്കില്ലെന്ന് കരുതാം.

ഒമർ, എന്റെ കൂടെ വായോ.

ഇൻഷാ അള്ളാഹ്.

- ഹിന്ദ്? - ഇതാരാ സംസാരിക്കുന്നത്?

എന്റെ പേര് റാണ, നീ ഹനൂദ് അല്ലേ?

അതെ...

ഹലോ?

- നിങ്ങൾ വിളിക്കുന്ന നമ്പർ... - സെയ്‌നോ ഫോണെടുക്കുന്നില്ല.

ഒമർ, സെയ്‌നോയെ വിളിക്കുന്നത് എന്റെ ഉത്തരവാദിത്തമാണെന്ന് ഞാൻ പറഞ്ഞതല്ലേ.

അവിടെ റേഞ്ച് ഇല്ലെന്നാണ് ഞാൻ പറഞ്ഞത്.

പിന്നെ റേഞ്ച് ഉണ്ടാവില്ലല്ലോ, ആർമി സിഗ്നലുകൾ ഒക്കെ കട്ട് ചെയ്തിരിക്കുകയല്ലേ.

ഹലോ, റെഡ് ക്രോസ് ആണോ?

വനേസയല്ലേ, യെസ്...

ഞങ്ങളുടെ ആംബുലൻസിന് പോകാൻ സെന്റ് പോർഫിറിയസ് ചർച്ച് മുതൽ ഒരു വഴി വേണം.

ഫാരസ് പെട്രോൾ പമ്പ് വരെയാണ്.

വടക്കൻ ഗാസയിലെ ടെൽ അൽ-ഹവയിൽ.

അത്യാവശ്യമാണോ? രക്ഷാപ്രവർത്തനമാണോ?

- അതെ, ശരി. നന്ദി. - ശരി, ഞാൻ തിരിച്ചങ്ങോട്ട് വിളിക്കാം.

അത് സെയ്‌നോ ആണ്, സെയ്‌നോ?

എങ്ങനെയുണ്ട് സുഹൃത്തേ? നീ ബാപ്റ്റിസ്റ്റ് ഹോസ്പിറ്റലിലാണോ?

- ആ ഫോണിങ്ങ് തന്നേ ഒമർ. - നീ ഹോസ്പിറ്റലിലാണോ ഉള്ളത്?

ഞാൻ നിന്നെ മെയിൻ ഓഫീസറുമായി കണക്ട് ചെയ്യാം.

നമ്മുടെ വലിയ പോരാളി, ധീരനായ നേതാവ്.

മഹ്ദി അൽ-ജമാൽ, സംസാരിച്ചോളൂ.

ഹലോ സെയ്‌നോ, എന്തൊക്കെയാ വിശേഷം?

നീയും മദ്‌ഹൂനും ഹോസ്പിറ്റലിലാണോ? ചർച്ചിൽ അല്ലേ?

ശരി, രക്ഷാപ്രവർത്തനം തുടങ്ങാൻ ഇനി എട്ട് മിനിറ്റ് കൂടിയുണ്ട്.

സെയ്‌നോ, ഞാൻ പറയുന്നത് വരെ ഒന്ന് കാത്തിരിക്കണം.

- മനസ്സിലായോ? - ഇൻഷാ അള്ളാ.

താങ്ക്സ്.

പറ സുഹൃത്തേ.

നിനക്കൊരു കുഴപ്പം പിടിച്ച പണിയുണ്ട്.

ഹലോ ഇബ്രാഹിം, ഞാൻ കാര്യങ്ങൾ തുടങ്ങിയിട്ടുണ്ട്.

പേടിക്കണ്ട, വടക്കൻ ഗാസയിലെ നമ്മുടെ അവസാനത്തെ ആംബുലൻസിനെ ഞാൻ വെറുതെ വിട്ടുകൊടുക്കില്ല.

അവരുടെ വഴി സുരക്ഷിതമാണെന്ന് ഞാൻ ഉറപ്പുവരുത്തും.

അവർക്കൊന്നും സംഭവിക്കില്ലെന്ന് ഉറപ്പാക്കിയിട്ടേ ഞാനവരെ വിടുകയുള്ളൂ.

ഹലോ ഹിന്ദ്.

എട്ട് മിനിറ്റായി ഞങ്ങളിവളോട് സംസാരിക്കുന്നു.

നേരത്തെ ആംബുലൻസ് അയച്ചിരുന്നെങ്കിൽ അവളെ എപ്പോഴേയിവിടുന്ന് മാറ്റാമായിരുന്നു.

ഹിന്ദ്.

മോളേ ഹനൂദ്...

എന്താ...

മോളേ, ഞാൻ ലൈനിൽ തന്നെ ഉണ്ടാവൂട്ടോ.

നിന്നെ കൊണ്ടുപോവാൻ ആരെങ്കിലും വരുന്നത് വരെ, കേട്ടോ?

- ശരി. - നീയിപ്പോ എവിടെയാ ഒളിച്ചിരിക്കുന്നത്?

മോളിപ്പോൾ സുരക്ഷിതയായി എവിടെയാണ് ഇരിക്കുന്നത്?

കാറിനുള്ളിൽ.

കാറിനുള്ളിൽ തന്നെയാണല്ലോ, പുറത്തല്ലല്ലോ?

- അതെ, ഉള്ളിലാണ്. - ശരി.

അടുത്തെങ്ങാനും ആരെങ്കിലും ഉണ്ടോ? നിന്നെ കാണുന്നവരോ നിന്നോട് സംസാരിക്കുന്നവരോ?

- ഇല്ല. - ശരി മോളേ.

നീ ആരുടെ കൂടെയായിരുന്നു?

കുടുംബത്തിലുള്ള എല്ലാവരും ഉണ്ടായിരുന്നു.

ആരൊക്കെയാ? എത്ര പേരുണ്ട്?

അവരുടെ പേരുകൾ അറിയാമോന്ന് പറയാമോ?

ഇല്ല.

- വാപ്പയും,ഉമ്മയും കൂടെ ഉണ്ടായിരുന്നോ? - ഇല്ല.

ആർമി നിനക്ക് നേരെ വെടിവെച്ചു, അല്ലേ മോളേ?

എന്റെ പൊന്നുമോളേ, ഹനൂദ്.

വന്നെന്നെ കൊണ്ടുപോ.

മോളേ, നീ പേടിക്കാതെ ഞാൻ പറയുന്നത് കേൾക്കൂ.

ഞാൻ...

മോളേ, എനിക്ക് നിന്നോട് കുറച്ച് കാര്യങ്ങൾ ചോദിക്കാനുണ്ട്.

ഒന്ന് ശ്രദ്ധിക്കണേ, ഓക്കേ?

- ഹനൂദ്. - എന്താ?

ശരി, ഞാൻ പറയുന്നത് കേൾക്ക്.

അവർ വെടിവെച്ചപ്പോൾ നിന്റെ കൂടെ ആരെല്ലാമുണ്ടായിരുന്നു?

- വാപ്പ... - എല്ലാവരും ഉണ്ടായിരുന്നു.

നിന്റെ വാപ്പയും, ഉമ്മയും കാറിനുള്ളിൽ ഉണ്ടായിരുന്നോ?

- അതോ കാറിന് അടുത്താണോ? - അല്ല.

എന്റെ ഉമ്മ മരിച്ചിട്ടില്ല.

നിനക്കെത്ര സഹോദരങ്ങളുണ്ട്?

എനിക്കൊരു അനിയൻ മാത്രമേയുള്ളൂ.

അവനെത്ര വയസ്സായി?

മൂന്നു വയസ്സ്.

എന്റനിയൻ വീട്ടിലുണ്ട്, ഉമ്മയുടെ കൂടെ.

- അനിയന്റെ പേരെന്താ? - സിയാദ്.

- സിയാദ്? - അതേ.

സിയാദ്.

- നിന്റെ ചേച്ചിയുടെ പേരെന്താ? - എനിക്ക് ചേച്ചിയില്ല.

- നിന്റെ കൂടെ കാറിൽ വേറെ ആരൊക്കെയുണ്ട്? - ആരുമില്ല.

- നീ ഒറ്റയ്ക്കേയുള്ളോ? - അതേ.

നീ ഒറ്റയ്ക്കാണോ? വേറെയാരും കൂടെയില്ലേ?

ഇല്ല.

ഞാനിവിടെ ഉമ്മയില്ലാതെയാണ്...

വാപ്പയും, അനിയനും ഒന്നുമില്ലാതെ.

ഞാനും, സാറയും മാത്രമേയുള്ളൂ.

- സാറയോ? എവിടെയാ സാറ? - സാറ എന്റെ അടുത്തുണ്ട്.

സാറ ഇപ്പോൾ നിന്റെ കൂടെയുണ്ടോ?

ആരായീ സാറ?

ഉണ്ട്.

മോളേ ഹനൂദ്...

സാറയാണോ ആദ്യം ആ അങ്കിളിനോട് സംസാരിച്ചത്?

- ഇതിനുമുമ്പ് നിന്നോട് സംസാരിച്ച ആളോട്? - അല്ല.

സാറയ്ക്ക് സംസാരിക്കാൻ പറ്റുമോ?

പറ്റും.

സാറയ്ക്ക് മുറിവേറ്റിട്ടുണ്ടോ? അവളുടെ മേത്ത് ചോരയുണ്ടോ?

ഉണ്ട്, അവളുടെ മേത്ത് ചോരയുണ്ട്.

അവൾ നിന്റെ തൊട്ടടുത്താണോ, അതോ ഫ്രണ്ട് സീറ്റിലാണോ?

- എന്താ? - സാറ നിന്റെ അടുത്ത് തന്നെയുണ്ടോ?

ഉണ്ട്.

സാറയ്ക്ക് സംസാരിക്കാൻ പറ്റുമോ? അവളോടൊന്ന് സംസാരിക്കാൻ പറ.

പക്ഷേ സാറ ഉറങ്ങുകയാണ്.

- സാറ ഉറങ്ങുകയാണോ? - അതേ.

ആരോ എന്നെ വിളിക്കുന്നുണ്ട്.

ഹനൂദ്?

ഹനൂദ്?

അവളുടെ അങ്കിളാണ് വിളിക്കുന്നത്, ആ ഹെഡ്സെറ്റ് ഞാൻ സംസാരിക്കാം.

നിങ്ങൾ കുറച്ചു പിടിച്ചുനിൽക്കണം, വേറെന്താ ചെയ്ക?

നമ്മളൊരു യുദ്ധത്തിന്റെ നടുവിലാണ്, നമ്മൾ...

- മഹ്ദി... - നമ്മൾ യുദ്ധത്തിലാണ്.

നിങ്ങളല്പം ക്ഷമിക്കണം.

കാര്യങ്ങളിവിടെ വരെയായെന്ന് ഇപ്പോഴെന്നോട് ചോദിക്കരുത്.

എനിക്കൊരു മറുപടി കിട്ടിയാലുടൻ ഞാൻ അറിയിക്കാം, കേട്ടോ?

ശരി, ആ വിഷയം വിട്ടേക്ക്.

- എന്താ? - മതി.

നീ പോയി നിന്റെ സീറ്റിലിരിക്ക്, വേറെ വഴിയില്ല.

- നീ പോയിരിക്ക്. - ശരി, ശരി.

പോയിരിക്ക്, രണ്ട് മാസമായി ഞാനീ ഓഫീസിൽ നിന്ന് പുറത്തിറങ്ങിയിട്ട്.

വീട്ടിൽ പോയിട്ടില്ല, കുട്ടികളെ കണ്ടിട്ടില്ല.

നിനക്ക് ഒരു 24 മണിക്കൂർ പോലും നിൽക്കാൻ പറ്റില്ലേ?

ഞങ്ങൾ ആംബുലൻസ് അയക്കാൻ നോക്കുന്നുണ്ട്.

അതേ, ഞങ്ങൾ ആംബുലൻസ് അയക്കാൻ ശ്രമിക്കുകയാണ്.

എനിക്ക് ചോദിക്കാനുള്ളത്, ആരാണീ സാറ?

ശരി, അവളുടെ ഫോട്ടോ കയ്യിലുണ്ടോ?

ശരി.

ശരി, ഞാൻ വിളിച്ചോളാം.

നന്ദി.

അയാളെന്താ പറഞ്ഞേ?

എനിക്ക് മുമ്പ് ഒരു ബന്ധു ലിയാനും, ഹിന്ദുമായി ഫോണിൽ സംസാരിച്ചിരുന്നു എന്ന്.

ലിയാനും, ഹിന്ദും ഒഴികെ ബാക്കിയെല്ലാവരും കൊല്ലപ്പെട്ടു.

- ആരായീ ലിയാൻ? - ഞാൻ നേരത്തെ ഫോണിൽ സംസാരിച്ച കുട്ടി.

അവൾ ഹിന്ദിന്റെ കസിനാണ്.

കാറിൽ അവളുടെ അങ്കിളും, ഭാര്യയും, നാല് മക്കളും ഉണ്ടായിരുന്നു.

ഇപ്പോൾ ഞാൻ മാത്രമേ ബാക്കിയുള്ളൂ.

ഞാൻ മാത്രമേ ബാക്കിയുള്ളൂ.

നീ മാത്രമേ ഉണർന്നിട്ടുള്ളോ?

വേറെ ആരും അനങ്ങുന്നില്ലേ? എല്ലാവരുടെ മേത്തും ചോരയാണോ?

അതേ, എല്ലാവരും ചോരയിൽ കുളിച്ചിരിക്കുകയാണ്.

അതേ, ആകെ ചോരയാണ്, പ്ലീസ്, എന്നെ തനിച്ചാക്കല്ലേ.

ഞാൻ പറയുന്നത് ശരിയാണെങ്കിൽ, ആ കാറിൽ...

...നിന്റെ അങ്കിളും, ഭാര്യയും, നാല് മക്കളും ഉണ്ടായിരുന്നല്ലേ?

അവർ ഉറങ്ങുകയാണ്.

- അപ്പൊ അവർ നിന്റെ കൂടെയുണ്ടല്ലേ? - ഉണ്ട്.

ഹനൂദ്, അവർ ഉറങ്ങിക്കോട്ടെ കേട്ടോ?

നമ്മൾ വീട്ടിൽ പറയാറില്ലേ...

മറ്റുള്ളവർ ഉറങ്ങുമ്പോൾ ബഹളം വെക്കരുതെന്ന്?

അവർ ഉറങ്ങി വിശ്രമിക്കട്ടെ.

ഈ യാത്ര അവരെ വല്ലാതെ തളർത്തിയിട്ടുണ്ടാവും.

ആ കുട്ടി ആറ് ശവങ്ങൾക്കിടയിലാണ് കുടുങ്ങിക്കിടക്കുന്നത്.

റെഡ് ക്രോസിനെ വിളിച്ച് ഇതൊന്ന് പറയാമോ?

മഹ്ദി, അവർ ഉറങ്ങുകയാണെന്നാണ് അവൾ വിചാരിച്ചിരിക്കുന്നത്.

അവർക്ക് വെടിയേറ്റത് സത്യമാണ്.

ചോര ഒഴുകുന്നതും സത്യമാണ്.

പക്ഷേ കാണാൻ നല്ല സമാധാനമുള്ള പോലെ തോന്നുന്നുണ്ട്, കാരണം അവർ ഉറങ്ങുകയാണല്ലോ.

അവർ ഉറങ്ങുകയാണെന്ന് തന്നെ നമുക്ക് കരുതാം, ശരിയല്ലേ?

അവർ മരിച്ചെന്നാ ഞാൻ പറഞ്ഞത്.

എല്ലാവരും മരിച്ചു.

- നീയെന്താ പറഞ്ഞേ മോളേ? - അവർ മരിച്ചു.

അവർ മരിച്ചെന്നോ?

അതേ.

അവർ മരിച്ചു.

എല്ലാവരും മരിച്ചു പോയി.

എന്റെ കുടുംബം മൊത്തം.

എല്ലാവരും മരിച്ചു.

എന്റെ വീട്ടുകാരെല്ലാം മരിച്ചു പോയി.

ആ രക്ഷാപ്രവർത്തകരെ വിട്, നിങ്ങളുടെ പ്രശ്നമെന്താ?

എന്താ ഉണ്ടാവുക? അവരെ വിളിക്ക്, അവളെ രക്ഷിക്കാൻ വെറും എട്ട് മിനിറ്റ് മതി.

കോർഡിനേഷൻ ഇല്ലാതെ പോയാൽ ആ എട്ട് മിനിറ്റ് അവരുടെ ജീവൻ തന്നെ എടുത്തേക്കാം, ഒമർ.

മഹ്ദി, അവർ നല്ല കഴിവുള്ളവരാണ്.

അവരൊത്തിരി ജീവൻ രക്ഷിച്ചിട്ടുണ്ട്.

പ്ലീസ്, അവരെ വിളിക്ക്, ഇതവരുടെ ആദ്യത്തെ മിഷൻ ഒന്നുമല്ലല്ലോ.

ഒമർ, നീയെന്നെ കൊല്ലും.

- "രക്തസാക്ഷികളായ സേവകർ" - ഈ ആളുകളെ കണ്ടോ നീ?

ഒന്ന് നന്നായി നോക്ക്, കാണുന്നുണ്ടോ ഇവരെ?

ഇയാൾക്ക് രണ്ട് കുട്ടികളുണ്ടായിരുന്നു.

ഇയാൾക്ക് നാല് പേരായിരുന്നു.

മൂന്ന് പെണ്ണും, ഒരാണും.

ഇവളുടെ വിവാഹം ഉറപ്പിച്ചിരിക്കുകയായിരുന്നു.

ഇവരെയൊക്കെ എനിക്കറിയാം, ഇവർക്കും സ്വപ്നങ്ങളും ലക്ഷ്യങ്ങളും കുടുംബവുമൊക്കെ ഉണ്ടായിരുന്നു.

നമ്മളെ പോലെ തന്നെ.

ബോംബ് സ്ഫോടനത്തിൽ നമുക്കവരെ നഷ്ടപ്പെട്ടു.

ഇവിടെയുള്ള ഏറ്റവും മികച്ച പാരാമെഡിക്സ് ആയിരുന്നു അവർ.

ഈ ഭിത്തിയിൽ ഇനി ഒരാളുടെ കൂടെ ഫോട്ടോ വരികയാണെങ്കിൽ...

...ഞാനീ ജോലി രാജി വെക്കും.

ഒമർ, അവർക്ക് പോകാൻ സുരക്ഷിതമായ ഒരു വഴി നോക്കണം.

അതിന് പട്ടാളത്തിന്റെ അനുമതി വേണം, എങ്കിലേ രക്ഷാപ്രവർത്തനം നടക്കൂ.

നിന്റെ സഹപ്രവർത്തകരെയും ഇത്രയും ആളുകളെയും കൊന്ന അതേ...

...പട്ടാളത്തോട് നീയെങ്ങനെ സഹായം ചോദിക്കും?

നീ തമാശ പറയുകയാണോ?

നീ കാര്യമായിട്ടാണോ?

ഞാൻ നേരിട്ട് പട്ടാളവുമായി സംസാരിക്കാറില്ലെന്ന് നിനക്കറിയാലോ.

നമ്മൾ റെഡ് ക്രോസ് വഴിയും ആരോഗ്യ മന്ത്രാലയം വഴിയുമാണ് സംസാരിക്കുന്നത്.

ഇവിടെ വെസ്റ്റ് ബാങ്കിൽ.

- അവരെങ്ങനെയാ നിങ്ങളെ അക്രമിച്ചത്? - അവർ ഞങ്ങളെ വെടിവെച്ചു.

അവരെവിടെ നിന്നാ വെടിവെച്ചത്? വീടിനുള്ളിൽ നിന്നോ, റോഡിൽ നിന്നോ അതോ വിമാനത്തിൽ നിന്നോ?

- അല്ല, ടാങ്കിൽ നിന്ന് - അവർ ടാങ്കിൽ നിന്നാണോ വെടിവെച്ചത്?

അതേ.

നിനക്കെന്താ ഇഷ്ടം? സ്കൂളിലൊക്കെ എങ്ങനെയായിരുന്നു?

ഞാൻ ക്ലാസ്സിൽ ഒന്നാമതായിരുന്നു.

- കാറിൽ വെള്ളമുണ്ടോ കുടിക്കാൻ? - ഇല്ല.

- കഴിക്കാൻ വല്ലതുമുണ്ടോ? - ഇല്ല.

എന്റെ കയ്യിലൊന്നുമില്ല.

അവളോട് വേറെന്തെങ്കിലും സംസാരിക്ക്.

നീ എത്രാം ക്ലാസ്സിലാ പഠിക്കുന്നത്?

- പറ ഹനൂദ്. - ഞാൻ ബട്ടർഫ്ലൈ ക്ലാസ്സിലാ.

- എന്താ? - ഞാൻ ബട്ടർഫ്ലൈ ക്ലാസ്സിലാണെന്ന്.

നീ പ്രീ-സ്കൂളിലാണോ?

- ആണോ ഹനൂദ്? - എനിക്ക് കേൾക്കാൻ പറ്റുന്നില്ല.

- ഞാൻ ചോദിച്ചത്, നീ പ്രീ-സ്കൂളിലാണോ എന്നാണ്? - അതേ.

ഏത് സ്കൂളിലാ? സ്കൂളിന്റെ പേരെന്താ?

ഇസാദ് അൽ-തുഫൗല.

- ഇസാദ് അൽ-തുഫൗല? - അതേ.

നീ നന്നായി പഠിക്കുമോ?

നിനക്ക് ഏറ്റവും ഇഷ്ടപ്പെട്ട നിറം ഏതാ?

- എനിക്കിപ്പോൾ ഒന്നും ഇഷ്ടമല്ല. - നിന്റെ ഇഷ്ടപ്പെട്ട കളർ ഏതാ?

എനിക്കൊന്നും ഇഷ്ടമല്ല.

- നീ ഇട്ടിരിക്കുന്ന ഉടുപ്പിന്റെ നിറമെന്താ? - പറയുന്നത് വ്യക്തമായി കേൾക്കുന്നില്ല.

എനിക്ക് കേൾക്കാം. എനിക്ക് കേൾക്കാം, നീ പറ.

അതിങ്ങ് തന്നേ, അവൾക്കെന്നോട് സംസാരിക്കാനാണ് കൂടുതലെളുപ്പം, ഞാൻ സംസാരിക്കാം.

- ഒന്ന് നിൽക്ക് ഹനൂദ്. - ഞാനിവിടെ തനിച്ചാണ്.

നീ ഒറ്റയ്ക്കാണോ? എനിക്കറിയാം നീ ഒറ്റക്കാണെന്ന്.

പക്ഷേ ഒന്നോർത്തോ, അള്ളാഹ് എപ്പോഴും നമ്മുടെ കൂടെയുണ്ട്.

- എന്റെ കൂടെ നിൽക്കൂ. - ഞാനിവിടുണ്ട്...

...ഞാൻ കൂടെയുണ്ട് മോളെ.

നിന്നെ കൂട്ടിക്കൊണ്ടുപോകാൻ ആരെങ്കിലും വരുന്നത് വരെ ഞാൻ കൂടെയുണ്ടാകും

- നിന്നെ ഒറ്റയ്ക്കാക്കി ഞാൻ പോവില്ല. - ആരെങ്കിലും വരുന്നത് വരെ കൂടെയുണ്ടാവണേ...

- എന്താ? - ആരെങ്കിലും വരുന്നത് വരെ പോകല്ലേ.

ഇല്ല, ഞാൻ കൂടെത്തന്നെയുണ്ടാകും

ഇനി പട്ടാളം വന്നാൽ പോലും, ദൈവം കാക്കട്ടെ, ഞാൻ നിന്നെ വിട്ടുപോവില്ല.

ഫോൺ കട്ട് ചെയ്യണ്ട ഞാൻ കൂടെയുണ്ട്.

ശരി.

- ഹനൂദ് മോളെ - എന്താ?

എനിക്ക് കുറച്ചു സംസാരിക്കാനുണ്ട്, കേട്ടോ? പിന്നെ ഒരു കാര്യം ചോദിക്കട്ടെ?

ഒന്ന് ജനാലയിലൂടെ പുറത്തേക്ക് നോക്കാമോ?

പറ്റുമെങ്കിൽ മാത്രം നോക്കിയാൽ മതി.

പറ്റുന്നില്ലെങ്കിൽ, ഒളിച്ചിരിക്കുകയാണെങ്കിൽ അവിടെത്തന്നെ ഇരുന്നോ, ഓക്കേ?

ഇപ്പോൾ...

...ജനാലയിലൂടെ ചുറ്റും എന്താണെന്ന് കാണാൻ പറ്റുന്നുണ്ടോ?

- എന്റെടുത്തേക്ക് വെടി വെക്കുന്നുണ്ട്. - എന്താ പറഞ്ഞേ മോളെ?

അവരെനിക്ക് നേരെ വെടി വെക്കുന്നു.

അവരവളെ വെടി വെക്കുകയാണ്.

മെഹ്ദി.

ശരി, പറയ് നിനക്കെന്താ ഇഷ്ടം?

ദയവുചെയ്ത്, എന്നെയിവിടുന്ന് കൊണ്ടുപോകൂ.

എനിക്ക് പേടിയാവുന്നു.

- നമുക്ക് ദൈവത്തോട് പ്രാർത്ഥിക്കാം. - എന്റെ ദൈവമേ.

- പടച്ചവനെ, ഞങ്ങളെ രക്ഷിക്കണേ. - പടച്ചവനെ, ഞങ്ങളെ രക്ഷിക്കണേ.

നമുക്കൊന്നിച്ച് ഒരു ഖുർആൻ സൂക്തം ചൊല്ലിയാലോ?

ശരി.

നമുക്ക് കുറച്ചു ഖുർആനും, പ്രാർത്ഥനകളും ചൊല്ലിയാലോ?

- ആവാം. - ശരി.

പരമകാരുണികനും കരുണാനിധിയുമായ അള്ളാഹുവിന്റെ നാമത്തിൽ.

സർവ്വലോക പരിപാലകനായ അല്ലാഹുവിനാകുന്നു സർവ്വ സ്തുതിയും.

സർവ്വലോക പരിപാലകനായ അല്ലാഹുവിനാകുന്നു സർവ്വ സ്തുതിയും.

പരമകാരുണികനും, കരുണാനിധിയുമായവൻ.

പരമകാരുണികനും കരുണാനിധിയുമായവൻ.

പ്രതിഫല ദിവസത്തിന്റെ ഉടമസ്ഥൻ.

പ്രതിഫല ദിവസത്തിന്റെ ഉടമസ്ഥൻ.

നിന്നെ മാത്രം ഞങ്ങൾ ആരാധിക്കുന്നു നിന്നോട് മാത്രം ഞങ്ങൾ സഹായം തേടുന്നു.

നിന്നെ മാത്രം ഞങ്ങൾ ആരാധിക്കുന്നു, നിന്നോട് മാത്രം ഞങ്ങൾ സഹായം തേടുന്നു

ഞങ്ങളെ നീ നേർവഴിയിൽ നയിക്കേണമേ.

ഞങ്ങളെ നീ നേർവഴിയിൽ നയിക്കേണമേ.

നീ അനുഗ്രഹിച്ചവരുടെ വഴിയിൽ...

നീ അനുഗ്രഹിച്ചവരുടെ വഴിയിൽ...

കോപത്തിന് ഇരയായവരുടെ വഴിയിലല്ല.

കോപത്തിന് ഇരയായവരുടെ വഴിയിലല്ല.

പിഴച്ചുപോയവരുടെ വഴിയിലുമല്ല.

പിഴച്ചുപോയവരുടെ വഴിയിലുമല്ല.

- ആമേൻ. - ആമേൻ.

അല്ലാഹു സത്യമാണ് അരുളിയത്.

നന്നായിട്ടുണ്ട്, നിനക്കിത് കാണാപ്പാഠമാണല്ലോ.

ദയവായി എന്നെയിവിടുന്ന് കൊണ്ടുപോകാമോ?

ശരി, കരയല്ലേ നമുക്ക് പ്രാർത്ഥന തുടരാം.

ടാങ്ക് എന്റെ തൊട്ടടുത്തു തന്നെയുണ്ട്.

- എവിടെയാ ടാങ്ക്? - ഇതിന്റെ തൊട്ടടുത്ത് തന്നെ.

- ടാങ്ക് നിന്റെയടുത്താണോ? - അതേ.

അത് ഓടുന്നുണ്ടോ അതോ അവിടെ നിൽക്കുകയാണോ? ആരെങ്കിലും അതിൽ നിന്ന് ഇറങ്ങിയോ?

അത് നീങ്ങുന്നുണ്ട്.

- നീങ്ങുകയാണോ? - അതേ.

കാറിന്റെ അടുത്താണോ അത് നീങ്ങുന്നത്...

അതോ കാറിന്റെ പിന്നിലൂടെയാണോ മുന്നിലൂടെയാണോ വരുന്നത്?

അത് കാറിന്റെ മുന്നിലുണ്ട്.

- അത് മുന്നിൽ നിന്ന് നിന്റെ അടുത്തേക്ക് വരുവാണോ? - അതേ

- തൊട്ടടുത്താണോ? - അതേ, അടുത്താണ്

-അത് നീങ്ങുന്നുണ്ടോ? -ഞാൻ പറഞ്ഞില്ലേ അതെന്റെയടുത്തുണ്ട്.

പ്ലീസ്, എനിക്ക് പേടിയാവുന്നു

എന്നെയിവിടുന്ന് കൊണ്ടുപോകൂ.

ഹനൂദ്.

ഹനൂദ്.

റേഞ്ച് കിട്ടുന്നില്ല ഞാൻ വീണ്ടും വിളിച്ചു നോക്കാം.

ഇല്ല, എന്തെങ്കിലും ഒന്ന് ചെയ്യണം നിങ്ങളവരെ നിർബന്ധിക്കണം.

എനിക്കറിയാം, അറിയാം...

രക്ഷാപ്രവർത്തകരെ വിടാൻ അനുമതിക്കായി കാത്തിരിക്കുകയാണ്.

- വിവരങ്ങൾ ഞങ്ങളറിയിക്കാം. - പ്ലീസ്.

അവർ വരുന്നുണ്ട്.

- തൊട്ടടുത്തുണ്ട്. - അത് നീങ്ങുന്നുണ്ടോ?

ടാങ്കുകൾ എന്റെ തൊട്ടടുത്തുണ്ടെന്ന് പറഞ്ഞില്ലേ.

പ്ലീസ്, എനിക്ക് പേടിയാവുന്നു.

നല്ല പേടിയുണ്ട്.

- അത് നീങ്ങുന്നുണ്ടോ? - ടാങ്കുകൾ അടുത്താണെന്ന് ഞാൻ പറഞ്ഞല്ലോ.

പ്ലീസ്, എനിക്ക് പേടിയാവുന്നു

നല്ല പേടിയുണ്ട്.

എന്ത് പറ്റി?

ഞാനവളെ വീണ്ടും വിളിക്കാൻ നോക്കുവാണ്.

എത്ര നേരമായി?

അവളോട് സംസാരിച്ചിട്ട് ഇപ്പോൾ 60 മിനിറ്റായി.

അവളെ രക്ഷിക്കാൻ വെറും 8 മിനിറ്റ് മതി.

ഒന്ന് കേൾക്കണേ...

മുഹമ്മദ് ഹമദ എന്ന് പറയുന്നൊരാൾ തുടർച്ചയായി വിളിക്കുന്നുണ്ട്.

കോർഡിനേഷൻ ഹെഡിനെ കിട്ടണം പോലും, ഞാൻ രണ്ടാമത്തെ ലൈനിലേക്ക് ഇട്ടിട്ടുണ്ട്

ഒന്ന് സംസാരിക്ക്, അതവളുടെ അമ്മാവനാണ്.

ഹലോ?

ഇതിവിടെ അനുവദനീയമല്ല.

വൈകുന്നുണ്ടെന്ന് എനിക്കറിയാം.

കാരണം ആ കുട്ടിയുടെ അടുത്തെത്താൻ ഞങ്ങളുടെ ആംബുലൻസിന് 8 മിനിറ്റ് വേണം.

നമുക്ക് ആദ്യം റെഡ് ക്രോസുമായി ബന്ധപ്പെടണം.

ജനീവയിലുള്ളവരുമായോ? അല്ല, ജനീവയിലല്ല.

അവർക്ക് ജറുസലേമിൽ ഓഫീസുണ്ട്.

റെഡ് ക്രോസ് COGAT-മായി ബന്ധപ്പെടും.

COGAT എന്ന് പറഞ്ഞാൽ...

ഇസ്രായേൽ പ്രതിരോധ മന്ത്രാലയത്തിന് കീഴിലുള്ള ഒരു മിലിട്ടറി യൂണിറ്റാണ്.

അധിനിവേശ പ്രദേശങ്ങളുടെ ഏകോപന ചുമതലയുള്ള യൂണിറ്റ്.

അല്ല, ഗാസയിലെ യൂണിറ്റല്ല മറ്റൊരു ഏകോപന യൂണിറ്റാണ്.

ആ സ്ഥലത്തെ മിലിട്ടറി യൂണിറ്റ്.

ആക്രമിക്കപ്പെടാത്ത സുരക്ഷിതമായ റൂട്ട് ആംബുലൻസിന് നൽകും.

പക്ഷേ അത് നേരിട്ട് ഞങ്ങൾക്ക് തരില്ല.

അത് COGAT-ന് പോകും, അവർ റെഡ് ക്രോസിന് നൽകും, റെഡ് ക്രോസ് ഞങ്ങൾക്ക് തരും.

അതാണ് വഴി.

റൂട്ട് മാപ്പ് കിട്ടിയെന്ന് കരുതി...

ആംബുലൻസ് അയക്കാൻ അനുമതിയായി എന്നർത്ഥമില്ല.

കാരണം ആ അനുമതിയെന്നത് വേറെ തന്നെ ഒരു കടമ്പയാണ്.

എനിക്കെല്ലാ നിയമങ്ങളും പാലിച്ചേ പറ്റൂ.

കാരണം എന്തെങ്കിലും പിഴവ് പറ്റിയാൽ അല്ലെങ്കിൽ നിയമം ലംഘിച്ചാൽ...

...ഞങ്ങളുടെ ആംബുലൻസുകൾ ആക്രമിക്കപ്പെടും.

പിന്നെ നിയമലംഘനത്തിന് കേസും വരും.

എനിക്കത് മനസ്സിലാകും.

ലോകത്തെവിടെയും ആംബുലൻസിന് പോകാമെന്നൊക്കെ എനിക്കറിയാം.

പക്ഷേ നമുക്കെന്ത് ചെയ്യാൻ പറ്റും?

ഓരോ വീടിന്റെയും ഇടയിലൂടെ പോകുകയേ വഴിയുള്ളൂ.

അതേ, ചുവരുകൾക്കിടയിലൂടെ.

നീ സ്പൈഡർമാനെപ്പോലെയാണെന്ന് വിചാരിക്ക്.

നടക്കുകയാണെങ്കിൽ 40 മിനിറ്റ് മുതൽ ഒരു മണിക്കൂർ വരെ എടുക്കാം.

- എപ്പോഴും ശ്രദ്ധിക്കണം... - നന്ദി മദ്‌ഹൂൻ.

ഒരടി അനങ്ങരുത് മദ്‌ഹൂൻ, ഞാൻ പറയുന്നത് വരെ അവിടെ നിൽക്ക്, ഇതെന്റെ ഓർഡറാണ്.

- നീയിതെന്താ കാണിക്കുന്നത്? - നീയെന്താ ചെയ്യുന്നേ?

- നീയെന്തിനാ ഇത് ചെയ്തേ? - എന്ത് ചെയ്തു എന്ന്?

ആൾക്കാരെ രക്ഷിക്കാൻ നോക്കുന്നവരുടെ ഇടയിൽ നീയെന്തിനാ തടസ്സം നിൽക്കുന്നത്?

ഞാനെന്റെ ഡ്യൂട്ടി ചെയ്യുവാണ് നീയെന്തിനാ ഇവിടെ സീൻ ഉണ്ടാക്കുന്നേ?

നിനക്കെങ്ങനെ ഇത് ചോദിക്കാൻ തോന്നുന്നു?

അവരൊക്കെ ഹീറോകളാണ്, ഡെസ്കിന് പിന്നിൽ എലിയെപ്പോലെ ഒളിച്ചിരിക്കാൻ...

...അവരും നിന്നെപ്പോലെയാണെന്ന് നീ വിചാരിച്ചോ ?

- ഞാൻ പേടിത്തൊണ്ടനാണെന്നാണോ? - നിന്റെ അനുമതിയും ഏകോപനവുമൊക്കെ അങ്ങ് ദൂരെക്കളയ്.

ഇതൊന്നും ശരിയല്ല

- ഇതൊരു വംശഹത്യയാണ്, അല്ലാതൊന്നുമല്ല. - എന്ത്?

- ആളുകൾ മരിക്കുകയാണ് - നിനക്ക് വല്ലാതെ സെൻസിറ്റീവ് ആവാതിരിക്കാൻ പറ്റില്ലേ.

നിന്നെപ്പോലെയുള്ളവരുള്ളത് കൊണ്ടാണ് നമ്മളിന്നും ഇങ്ങനെ കഴിയുന്നത്.

ഇല്ല, ഇല്ല, ഇല്ല...

ഇല്ല, അവൾ മരിച്ചിട്ടില്ല അവൾ ജീവനോടെയുണ്ട്.

നിസ്രീൻ, ഒന്നിങ്ങോട്ട് വരുമോ?

നമുക്കൊന്ന് പുറത്തേക്ക് പോകാം കുറച്ചു ശുദ്ധവായു ശ്വസിക്കാം.

എനിക്കവളെ രക്ഷിക്കാൻ പറ്റിയില്ല നിസ്രീൻ! എനിക്കതിന് കഴിഞ്ഞില്ല.

എനിക്ക് മനസ്സിലാകും, നിന്റെ അവസ്ഥ എനിക്കറിയാം.

ദാ, കുറച്ചു വെള്ളം കുടിക്ക്...കുടിക്ക്.

വെള്ളം കുടിക്ക്.

ഒന്ന് സമാധാനപ്പെടൂ.

എന്നെ നോക്ക്, എന്റെ കണ്ണുകളിലേക്ക് നോക്ക്.

നിനക്ക് ചെയ്യാവുന്നതിന്റെ പരമാവധി നീ ചെയ്തു.

ശ്വാസം വിട്.

റാണാ, റാണാ.

നിന്നെക്കൊണ്ട് പറ്റാവുന്നതൊക്കെ നീ ചെയ്തു.

നമുക്കൊന്ന് പുറത്തേക്ക് പോകാം കുറച്ചു ശുദ്ധവായു ശ്വസിക്കാം.

എന്റെ കൂടെ വാ മോളേ.

- ഒരു സിഗരറ്റ് താ. - ഇവിടെ വലിക്കാൻ പാടില്ല.

ഹലോ?

അതെ.

ഇതുവരെ ആയില്ല.

വിളിച്ചതിന് നന്ദി, പക്ഷേ...

ഇനിയതിന്റെ ആവശ്യമില്ല.

നമുക്കാ കുട്ടിയെ നഷ്ടമായി.

റാണാ.

സമാധാനപ്പെട് മോളേ.

പ്രസവവേദന അടുത്ത ഒരു സ്ത്രീയുമായി ഞാൻ ഫോണിലായിരുന്നു.

പാവം, വീട്ടിൽ ഒറ്റപ്പെട്ടു പോയി.

പുറത്തിറങ്ങാൻ പറ്റാത്ത അവസ്ഥ, കൂടെയവളുടെ ചെറിയ അനിയത്തി മാത്രം.

അവൾക്ക് വെറും പത്ത് വയസ്സേ ഉള്ളൂ.

ഞാനൊരു ഡോക്ടറെ കോൺഫറൻസ് കോളിൽ വിളിച്ചു.

അദ്ദേഹമാ കൊച്ചുപെൺകുട്ടിക്ക് വേണ്ട നിർദ്ദേശങ്ങൾ കൊടുത്തു, ഞാനും കൂടെത്തന്നെയുണ്ടായിരുന്നു.

അഞ്ചു മണിക്കൂർ നേരം!

ആ കുഞ്ഞ് ജനിക്കുന്നത് വരെ.

നിസ്‌റീൻ, ആ കുഞ്ഞിന്റെ കരച്ചിൽ കേട്ടപ്പോൾ...

...എനിക്കൊരു വിലയുണ്ടെന്ന് എനിക്ക് തോന്നി.

ആ ഒരു വികാരം എനിക്ക് പറഞ്ഞു തരാൻ പറ്റുന്നില്ല.

ഞാൻ മുഖത്തെല്ലാം മേക്കപ്പ് ഇട്ടു.

ഞാനെന്താ വിചാരിച്ചത്?

"അവളുടെ ഉമ്മയുടെ നമ്പർ തരാമോ?"

ഹലോ?

- നിങ്ങൾ ഹിന്ദിന്റെ ഉമ്മയാണോ? - അതെ.

റെഡ് ക്രസന്റിൽ നിന്നാണ് വിളിക്കുന്നത്.

ഞാനൊരു കാര്യം ചോദിച്ചോട്ടെ?

ഒന്ന് പറയുന്നതൊന്ന് കേൾക്കാമോ.

ഒരു കാര്യം ചോദിച്ചോട്ടെ, ഒന്ന് സമാധാനമായി കേൾക്കൂ.

എനിക്കറിയണം, എപ്പോഴാണ്...?

അവസാനമായി നിങ്ങൾ ഹിന്ദിനോട് സംസാരിച്ചത് എപ്പോഴാണ്?

ഇപ്പോഴോ? ഞാൻ വിളിക്കുന്നതിന് തൊട്ട് മുൻപോ?

ശരി, വെച്ചോളൂ...

- വേഗം വാ, അവൾക്ക് ജീവനുണ്ട്! - എന്ത്?

- അവൾക്ക് ജീവനുണ്ട്! - അവൾ ജീവനോടെയുണ്ട്!

- ഹലോ?. - ഹലോ, ഹനൂദ്.

അവരെന്റെ നേരെ വെടിവെക്കുകയാണ്.

- ഹലോ? - എന്നെയിവിടുന്ന് കൊണ്ടുപോകൂ.

- ഫോൺ വെക്കരുത്, കൂടെത്തന്നെ ഉണ്ടാവണം. - ഇങ്ങു തന്നേ.

ദാ പിടിച്ചോ, സംസാരിക്ക്.

- ഹലോ? - വനേസ, എന്തുണ്ട്?

ആ കുട്ടിക്കിപ്പോഴും ജീവനുണ്ട്.

കേട്ടതിൽ സന്തോഷം, പക്ഷേ നിർഭാഗ്യവശാൽ....

അരുത്, ദയവായി നമുക്കൊന്നുകൂടി നോക്കാം.

- അവൾ മാപ്പ് ചോദിച്ചോ? എന്തിന്? - പക്ഷേ എന്തിന്?

ഇരുട്ടായി വരുന്നു.

- എന്താ? - ഇരുട്ടായി വരുന്നു, എനിക്ക് പേടിയാവുന്നു.

അല്പം ഉറക്കെ സംസാരിക്കാമോ?

ഇരുട്ടായി...

ഗാസയിൽ എല്ലാവർക്കും സഹായം വേണം, അതറിയാം.

- ഒന്നുകൂടി ആർമിയെ വിളിക്ക്. - ഉമർ.

- മഹ്ദി, ഒന്ന് സംസാരിക്കാൻ സമ്മതിക്ക്. - വിട്.

ഹലോ, വേണ്ട വേണ്ട...

ഒന്ന് കേൾക്ക്, അവരാ കാറിന് നേരെ വെടിവെക്കുകയാണ്.

മൃതദേഹങ്ങൾക്കിടയിൽ ഒരു കൊച്ചു പെൺകുട്ടി ഇരിക്കുന്നു.

അതൊന്ന് സങ്കല്പിച്ച് നോക്ക്.

നീയാണല്ലോ ഇവരോടൊക്കെ സംസാരിക്കുന്നത്?

എന്തെങ്കിലും ചെയ്യ്!

നാശം! നിനക്കൊന്നും ഒരു വിവരവുമില്ലേ!

- ഒരക്ഷരം മിണ്ടരുത്. - ഉമർ.

- എന്റെ നിയന്ത്രണം പോവുകയാണ്. - ഉമർ.

ഉമർ.

എന്താ ഇവിടെ നടക്കുന്നത്?

റെഡ് ക്രോസ് ഇനി സഹകരിക്കില്ലെന്ന് പറയുന്നു.

അപ്പൊ എന്താ തടസ്സം?

ആരോഗ്യ മന്ത്രാലയത്തോട് സംസാരിക്ക്, അവരുടെ കയ്യിൽ സൗകര്യങ്ങളുണ്ടാകും.

ഹലോ ഡോക്ടർ, റെഡ് ക്രസന്റിൽ നിന്ന് മഹ്ദിയാണ്.

ഒരു സഹായം ചോദിക്കാനാണ്...

ആ കുട്ടിയിലേക്കെത്താൻ ഞങ്ങളുടെ ടീമിന് സുരക്ഷിതമായ ഒരു വഴിയൊരുക്കി തരാമോ?

അവൾ ആ കാറിലുണ്ട്, കൂടെ വീട്ടുകാരുടെ മൃതദേഹങ്ങളും...

ചുറ്റും ടാങ്കുകളും, വെടിവെപ്പും നടക്കുകയാണ്.

ആ പ്രദേശം ഉപരോധത്തിലാണെന്ന് നിങ്ങൾക്കറിയാമല്ലോ.

നന്ദി ഡോക്ടർ, ഞാൻ വിളിക്കാനായി കാത്തിരിക്കാം.

ബാക്കി വിവരങ്ങൾ ഞാനയക്കാം, ഞങ്ങളുടെ ടീം തയ്യാറാണ്.

- നന്ദി. - അദ്ദേഹമെന്ത് പറഞ്ഞു?

- എന്താ, നമ്മൾ വീണ്ടും ആദ്യം തൊട്ട് തുടങ്ങുകയാണോ? - എന്ത്?

- എല്ലാം പഴയപടിയായി, വീണ്ടുമതേ അവസ്ഥ. - ശരി.

- കേൾക്കാമോ? - ഉവ്വ് മോളെ, കേൾക്കാം.

- അവർ വെടിവെക്കുകയാണ്. - എനിക്ക് വെടിയൊച്ച കേൾക്കാം.

എന്നെ വന്ന് ഇവിടുന്ന് കൊണ്ടുപോകൂ.

- പ്ലീസ്. - മോളെ...

ഞാൻ തനിച്ചാണ്!

ദൈവത്തിനാണേ സത്യം, പറ്റുമായിരുന്നെങ്കിൽ ഞാൻ വരുമായിരുന്നു.

നിങ്ങടെ ഭർത്താവിനോട് നിങ്ങളെയിങ്ങോട്ട് കൊണ്ടുവിടാൻ പറ.

എന്റെ ഭർത്താവിനോട് കൊണ്ടുവിടാൻ പറയാനോ?

അതെ.

അദ്ദേഹം ജോലിയിലാണ് മോളെ.

അദ്ദേഹത്തിന് വരാൻ പറ്റില്ല.

- ഒന്ന് വിളിക്ക്. - ഞാൻ വിളിക്കണോ?

- അതെ. - ശരി.

ഞാനദ്ദേഹത്തെ വിളിച്ച് എന്നെ അങ്ങോട്ട് കൊണ്ടുപോകാൻ പറയാം.

- വല്ല പുരോഗതിയുമുണ്ടോ? - മന്ത്രാലയവുമായി സംസാരിക്കുകയാണ്.

- വലിയ മാറ്റമൊന്നുമില്ല. - ഞങ്ങൾ കാത്തിരിക്കുകയാണ്.

മോളെ, എന്റെ ഭർത്താവ് കുറേ ദൂരത്താണ്.

നിന്റടുത്ത് എത്താൻ സമയമെടുക്കും.

ഞങ്ങൾ താമസിക്കുന്നത് ദൂരെ ഒരിടത്താണ്.

- ഇപ്പോൾ സമയം എത്രയായി? - എന്ത്?

സമയം എത്രയായി? ഇരുട്ടായി വരികയാണെന്ന് പറഞ്ഞില്ലേ.

ഇരുട്ടാവുകയാണെന്നാണോ നീ പറഞ്ഞത്?

ഇപ്പോഴും കുറച്ച് വെളിച്ചം ബാക്കിയുണ്ട്.

നമുക്ക് കുറച്ച് സമയം കൂടിയുണ്ട്.

എനിക്കറിയാവുന്ന എല്ലാവരെയും ഞാൻ വിളിച്ചു. ഒരു അംബാസഡറോട് വരെ സംസാരിച്ചു.

നിങ്ങളുടെ സഹായം വേണം.

നല്ല സ്വാധീനമുള്ള ആരുടെയെങ്കിലും നമ്പർ വേണം, ഏതെങ്കിലും വലിയ പുള്ളികൾ.

ഓഫീസൊക്കെ അടച്ചെന്ന് എനിക്കറിയാം.

എനിക്ക് ഓഫീസിലെ നമ്പറല്ല വേണ്ടത്, പേഴ്സണൽ നമ്പർ വേണം.

എനിക്ക് മനസ്സിലാകും മാഡം, സത്യമായും...

എനിക്ക് നന്നായി മനസ്സിലാകും.

ശരി മാഡം.

വിശ്വസിക്കൂ, എന്റെ കൂടെയുള്ളയാൾ അവളെ സമാധാനിപ്പിക്കാൻ നോക്കുന്നുണ്ട്.

പക്ഷേ അവൾക്കെങ്ങനെ...?

ഇതാ കുട്ടിയുടെ ഉമ്മയാണ്, ഒന്ന് സംസാരിക്ക്, എനിക്ക് വയ്യ.

ഹലോ?

മകൻ കൂടെയുണ്ടോ?

ദൈവത്തിന് സ്തുതി, ഹിന്ദിനെ നമുക്ക് തിരികെ കിട്ടുമെന്ന് പ്രതീക്ഷിക്കാം.

നിങ്ങൾക്കെല്ലാവർക്കും സന്തോഷമായി ജീവിക്കണം.

ദൈവം അനുഗ്രഹിക്കട്ടെ.

ഇരുട്ടായി, വേഗം വാ.

എന്നെ തനിച്ചാക്കരുത്, പ്ലീസ്.

സമാധാനപ്പെട് റാണാ.

നീ സമാധാനമായി ഇരുന്നാലേ അവൾക്കും ധൈര്യം കിട്ടൂ.

- എന്നെയിവിടുന്ന് കൊണ്ടുപോ. - ഞാൻ ഒരാളെ വിടാം മോളെ.

പക്ഷേ എനിക്ക് നേരിട്ട് വരാൻ പറ്റില്ല.

വാ.

എനിക്ക് വരണമെന്നുണ്ട്, പക്ഷേ അതെന്റെ തീരുമാനമല്ല.

പക്ഷേ, ഞാൻ നേരത്തെ പറഞ്ഞില്ലേ.

ഞങ്ങൾ ശ്രമിക്കുന്നുണ്ട്, എല്ലാം ശരിയാകുമെന്ന് കരുതാം.

എന്താണത്?

- എന്താണീ പറയുന്നതൊക്കെ? - അതെ.

- ഇതൊരു വലിയ കുടുംബം പോലെയാണെന്ന് അവളോട് പറ. - ഹനൂദ്.

ഞാൻ നിന്നോട് പറഞ്ഞില്ലേ, റെഡ് ക്രസന്റിൽ...

ഞങ്ങളെല്ലാം സഹോദരങ്ങളെപ്പോലെയാണെന്ന്?

ഞങ്ങൾക്കൊരു വാപ്പയുണ്ട്.

എങ്കിലേ നിന്നെ രക്ഷിക്കാൻ ഞങ്ങടെ സഹോദരനെ വിടാൻ പറ്റൂ.

ആ ടാങ്കിലുള്ള പട്ടാളക്കാർക്കും...

...അവർക്കുമുണ്ടൊരു വാപ്പ.

അപ്പൊ ഞങ്ങടെ വാപ്പ അവരുടെ വാപ്പയോട് സംസാരിക്കണം.

അപ്പോഴവർ വെടിവെക്കില്ല.

പക്ഷേ അവരിപ്പോഴും വെടിവെക്കുകയാണ്.

ഇപ്പോഴും വെടിവെക്കുന്നുണ്ടോ? അതെ എനിക്കറിയാം.

എനിക്കാ ഒച്ച കേൾക്കാം.

എന്നെ കൊണ്ടുപോകാൻ ആരോടെങ്കിലും വരാൻ പറ.

ആരെയെങ്കിലും വിളിക്ക്, എന്റെ അമ്മാവന്മാരെ വിളിക്ക്.

എന്നെയിവിടുന്ന് കൊണ്ടുപോകാൻ അവരോട് പറ.

ആര് വരണമെന്നാണ് നീ ആഗ്രഹിക്കുന്നത്?

- ഹനൂദ്? - പ്ലീസ് നിസ്‌റീൻ.

നോക്ക് ഈ റെക്കോർഡിംഗുകൾ ഓൺലൈനിൽ പോസ്റ്റ് ചെയ്യാൻ ലൈലക്ക് നൽകൂ.

നമുക്കിത് സോഷ്യൽ മീഡിയയിൽ എത്തിക്കണം.

മീഡിയക്കാരെയും അറിയിക്കണം.

തീർച്ചയായും, ഉറപ്പായും ചെയ്യാം.

എന്റെ കൂടെ വന്നൊന്ന് സമാധാനപ്പെട്.

വേഗം, ലൈലാ... എനിക്കവളെ തിരിച്ചു വിളിക്കണം.

വേറെ ഹെഡ്സെറ്റ് വല്ലതുമുണ്ടോ?

- ഹെഡ്സെറ്റിന് കുഴപ്പമില്ല, വർക്കിംഗാണ്. - ഇത് വർക്ക് ചെയ്യുന്നില്ല.

എനിക്ക് തോന്നുന്നത്, ഫോൺ അവളുടെ കയ്യീന്ന് പോയെന്നാണ്.

- ഞാനൊന്ന് സംസാരിക്കട്ടെ. - വേണ്ട.

- നിസ്രീൻ, ഞാനൊന്ന് സംസാരിക്കട്ടെ. - വേണ്ടെന്ന്.

- എനിക്കൊന്ന് സംസാരിക്കണം. - നിസ്രീൻ, എന്നെ സംസാരിക്കാൻ വിട്.

- നീയിത് പൊട്ടിക്കും, ഇങ്ങു തന്നേ. - ഇല്ല, തരില്ല.

- വേണ്ട റാണാ! - അവിടുന്ന് മാറി നിക്കൂ.

- മതി നിസ്രീൻ. - അവളോടിങ്ങനെ സംസാരിക്കരുത്.

ആ കുട്ടി വല്ലാത്ത അവസ്ഥയിലാണ്, നീ കാര്യങ്ങൾ കൂടുതൽ വഷളാക്കല്ലേ.

എനിക്ക് സമാധാനപ്പെടാനൊന്നും പറ്റില്ല.

- അവളെ രക്ഷിക്കുകയാണ് വേണ്ടത്. - അത് വേണം.

അതൊന്നും വേണ്ട, നിർത്ത്, ഞാൻ മരിച്ചു പോയിരുന്നെങ്കിൽ.

- റാണാ, ഒന്ന് ശാന്തമാകൂ. - എനിക്ക്...

- നീയെന്തിനാ മോളേ കരയുന്നത്? - ശ്രദ്ധിക്ക്.

എന്താ അവിടെ നടക്കുന്നത്?

എന്റെ കണ്ണിൽ വെടിയേറ്റു.

- കണ്ണിലോ? - അതെ, കണ്ണിൽ.

ഹനൂദ്...

- ഹനൂദ്. - എന്താ?

- ഹനൂദ്... - എന്റെ കണ്ണിൽ വെടിയേറ്റു.

ഹനൂദ്, എന്റെ ചക്കരക്കുട്ടി.

പതുക്കെ സംസാരിക്കൂ മോളേ.

എങ്കിലേ എനിക്ക് കേൾക്കാൻ പറ്റൂ.

ഫോൺ വെക്കരുത്, കൂടെത്തന്നെ ഉണ്ടാവണേ.

ശരി.

- മോളേ... - പേടിക്കണ്ട.

മോളേ, എനിക്കൊരു കാര്യം ചോദിക്കാനുണ്ട്.

കണ്ണ് വേദനിക്കുന്നുണ്ടോ?

അവരെന്നെ വെടിവെച്ചു, കണ്ണിലാണ് കൊണ്ടത്.

എന്തുപറ്റി? നിന്റെ ശബ്ദം വ്യക്തമല്ല.

ഹനൂദ്, പതുക്കെ സംസാരിക്കൂ.

- എന്നാലേ എനിക്ക് മനസ്സിലാവൂ. - കണ്ണ് വേദനിക്കുന്നു.

പേരെന്താണെന്ന് മനസ്സിലായില്ല, എന്റെ പേര് ഒമർ, നിന്റെയോ?

ഇംഗ്ലീഷ് സബ്ടൈറ്റിൽ ഇടാൻ മറക്കണ്ട.

- ആ ശരി, ചെയ്തോളാം. - എന്റെ പേര് ഹനൂദ്.

- അവർ വെടിവെക്കുന്നുണ്ട്. - സീറ്റിനടിയിൽ ഒളിച്ചിരിക്കൂ.

എനിക്ക് പേടിയാവുന്നു.

അവരെന്നെ വെടിവെക്കുകയാണ്.

എനിക്ക് നല്ല പേടിയുണ്ട്.

- അവൾക്ക് പേടിയാവുന്നുണ്ടെന്ന്. - ഹനൂദ്.

എനിക്ക് വെടിയേറ്റു.

ആർക്കാ വെടിയേറ്റത്?

- ഹനൂദ്... - വന്നെന്നെ കൊണ്ടുപോകൂ.

അവൾക്ക് വെടി കൊണ്ടെന്നല്ലേ പറഞ്ഞത്?

- വെടിയേറ്റു. - അവൾക്ക് വെടിയേറ്റു.

കുട്ടിക്ക് രക്തം വരുന്നുണ്ട്, വെടിയേറ്റു.

- എന്തെങ്കിലും ചെയ്യ്, പ്ലീസ്. - പോസ്റ്റ് ചെയ്യ്, വേഗം ഇട്.

അവൾക്ക് പരിക്കുണ്ടെന്നും രക്തം വരുന്നുണ്ടെന്നും എഴുത്.

അതെ, അതൊരു നല്ല ബുദ്ധിയാണ്.

ഇംഗ്ലീഷിൽ എഴുതാൻ മറക്കണ്ട.

അവൾക്ക് പരിക്കുണ്ട്... രക്തം വരുന്നുണ്ട്.

എന്താ? ശരിക്കും? നീയെന്തായീ പറയുന്നേ, സോഷ്യൽ മീഡിയ നോക്ക്.

ഇവിടെ നോക്ക്, ഇത് കാണ്.

കുട്ടികളുടെ മൃതദേഹങ്ങൾ ചിന്നിച്ചിതറി വഴിയരികിൽ കിടക്കുകയാണ്.

പേടിച്ചുവിറച്ച ഒരു കുട്ടിയുടെ ശബ്ദം...

...ആരെയെങ്കിലും സ്വാധീനിക്കുമെന്നോ എന്തെങ്കിലും മാറ്റമുണ്ടാക്കുമെന്നോ കരുതുന്നുണ്ടോ?

അവൾക്കൊരു ആംബുലൻസ് വേണം.

ഒരു ആംബുലൻസ്.

പ്ലീസ് ഒമർ, ഞങ്ങളെല്ലാം ആകെ തകർന്നിരിക്കുകയാണ്.

ദയവുചെയ്ത്.

ഹനൂദ്, പറയൂ മോളേ.

- നിനക്ക് പരിക്കേറ്റോ? - പ്ലീസ്, സ്പീക്കറിൽ ഇടൂ.

എന്നെ കൊണ്ടുപോകൂ.

ഹനൂദ്?

ഹനൂദ്?

ഒരു ഡോക്ടറെ അയക്കാൻ ഞാനുമ്മയെ വിളിച്ചിരുന്നു.

ഡോക്ടറെയോ? നിനക്ക് ഡോക്ടറെ വേണോ?

അതെ, ഞങ്ങളെയിവിടുന്ന് രക്ഷിക്കാനൊരു ഡോക്ടർ വേണം.

മോളേ, നിന്നെ രക്ഷിക്കാൻ ഞാൻ ഡോക്ടറോട് സംസാരിച്ചിട്ടുണ്ട്.

പക്ഷേ നീ അവിടെത്തന്നെ ഇരിക്കണം, കേട്ടോ?

- അവൾക്ക് പരിക്കുണ്ട്. - കേട്ടിട്ടങ്ങനെ തോന്നുന്നില്ലല്ലോ.

കാറിലുള്ള ബാക്കിയുള്ളവരുടെ രക്തമാവാം അവളുടെ മേത്തുള്ളത്.

ഹനൂദ്.

വീട്ടിലേക്കുള്ള വഴി നിനക്കറിയാമോ?

- ഒമർ. - വീടെവിടെയാണെന്ന് എനിക്കറിയാം.

എന്താ?

വീടെവിടെയാണെന്ന് അറിയാം, എന്നെ കൊണ്ടുപോകൂ.

അവിടുന്ന് മാറരുത്, അവിടെത്തന്നെ ഇരിക്കൂ.

കാറിനുള്ളിൽത്തന്നെ ഇരിക്ക്.

എനിക്ക് പറ്റുന്നില്ല...

നീയെന്താ പറഞ്ഞത് മോളേ?

എനിക്ക് പുറത്തിറങ്ങാൻ പറ്റുന്നില്ല, എന്നെ രക്ഷിക്കൂ.

ചുറ്റും അവരുണ്ട്, നീ പുറത്തിറങ്ങിയാൽ എന്താ സംഭവിക്കുകയെന്ന് ആർക്കറിയാം?

ലൈൻ കട്ടായി, ഒന്നെഴുന്നേൽക്ക് ഒമർ.

ഹലോ?

ഡോക്ടർ, എന്തെങ്കിലും വിവരമുണ്ടോ?

ഇത് ആരോഗ്യ മന്ത്രാലയത്തിൽ നിന്നാണോ?

അതെ, അതെ, ഞാൻ അംബാസഡറോട് സംസാരിച്ചു.

നിയമങ്ങളൊക്കെ എനിക്കറിയാം.

പക്ഷേ അതൊരു ഒഫീഷ്യൽ സംസാരമായിരുന്നില്ല.

കുട്ടിക്ക് പരിക്കേറ്റ് രക്തം പോവുകയാണ്, ഞങ്ങളെന്ത് ചെയ്യണമെന്നറിയാതെ ഇരിക്കുകയാണ്.

അനുമതി കിട്ടിയോ?

- പക്ഷേ... - ഫോണിങ്ങു തന്നേ.

അതിങ്ങു തരാൻ. ഹലോ, ഡോക്ടർ.

ഡോക്ടർ, ഈ നടപടികൾ തീരാൻ രാത്രി മുഴുവൻ എടുക്കുമല്ലോ.

അതുകൊണ്ട് ഞാനൊരു നല്ല വഴി പറയാം.

നിങ്ങൾക്ക് ആർമിയെ വിളിക്കാൻ പറ്റുമോ?

ഒരു കുട്ടിക്ക് സഹായം വേണമെന്ന് അവരോട് പറ, അവർ പോയി അവളെ രക്ഷിക്കട്ടെ.

അവർക്ക് ചെയ്യാനുള്ളത് അവിടം വരെ പോയി ആ കുട്ടിയെ പുറത്തെത്തിക്കുകയെന്നത് മാത്രമാണ്.

അവർക്ക് പരസ്യത്തിന് വേണ്ടി കുറച്ച് ഫോട്ടോസും എടുത്തോട്ടെ.

ആ കുട്ടി ജീവനോടെ ഇരിക്കട്ടെ.

അവൾക്ക് വീട്ടിലേക്കുള്ള വഴി അറിയാം.

ഞാനൊരു ഇസ്രായേലി പട്ടാളക്കാരനായിരുന്നെങ്കിൽ ഇത് തന്നെ ചെയ്തേനെ.

നീയേത് ലോകത്താണ് ജീവിക്കുന്നത്?

അവളാ കാറിലുണ്ടെന്ന് അവർക്കറിയില്ലെന്നാണോ നീ വിചാരിക്കുന്നത്?

അവരുടെ ടാങ്കുകളിൽ ഇൻഫ്രാറെഡ് സെൻസറുകൾ ഉണ്ടെന്ന് നിനക്കറിയില്ലേ?

തെർമൽ ഇമേജിംഗിൽ മരിച്ചവരുടെ ശരീരം കാണാൻ പറ്റില്ല.

പക്ഷേ അവളൊരു ചുവന്ന രൂപമായി കാണപ്പെടും.

അവർക്കവളുടെ ശബ്ദം കേൾക്കാൻ പറ്റുന്നുണ്ടെങ്കിൽ പിന്നെ പറയുകയും വേണ്ട.

ശബ്ദമൊന്നും കേൾക്കുന്നില്ല.

- ശബ്ദമില്ല. - ഇല്ല.

നിൽക്ക്.

- അവൾ ശ്വസിക്കുന്നുണ്ട്, കേൾക്കാം. - ശരി.

ശരി.

ഞാൻ നിന്നെ വിളിക്കാൻ ശ്രമിച്ചിരുന്നെന്ന് അറിയാമോ...

ഫോണിലൂടെ...

നിന്റെ വിവരങ്ങളറിയാൻ വേണ്ടിയായിരുന്നു, പക്ഷേ ഒമർ തന്നെ നിന്നോട് സംസാരിച്ചല്ലോ.

പറയാൻ വന്നത്, ഒമറെപ്പോഴും എന്നെക്കാൾ മുന്നിലാണ്.

അവനെന്തിനും റെഡിയാണ്.

അവളെ നമുക്ക് നഷ്ടമായോ?

അതെ, നിനക്കതാണല്ലോ എളുപ്പം?

വായടയ്ക്ക്.

ഹനൂദ്?

എനിക്കൊരു മകളുണ്ടായാൽ ഞാനവൾക്ക് ഹനൂദ് എന്ന് പേരിടും.

കേൾക്കുന്നുണ്ടെങ്കിൽ ഒന്ന് സംസാരിക്കൂ.

- അവൾക്ക് കേൾക്കാം. - ഹനൂദ്, നീ മ്യൂട്ട് ചെയ്തതാണോ?

- മാറിക്കേ. - നിനക്കെന്താ വേണ്ടത്?

നീയെന്താ ഒളിക്കുന്നത്? മാറ്! അവിടുന്ന് മാറി നിക്കൂ!

- ലാപ്ടോപ്പ് ഓൺ ചെയ്യൂ. - എനിക്ക് ഓൺ ചെയ്യണ്ട.

- ലാപ്ടോപ്പിന്റെ അടുത്തുനിന്ന് മാറ്. - ഞാൻ മാറില്ല, ഓൺ ചെയ്യുകയുമില്ല.

നീ നിന്റെ കാര്യം നോക്ക്.

ഹലോ?

ഹലോ, ഡോക്ടർ.

അതെ, എനിക്ക് കിട്ടി.

നന്ദി, നന്ദി.

ലാപ്ടോപ്പ് ഓൺ ചെയ്തിട്ട് മാറ്.

- മതി ഒമർ! - മാറ്!

- എനിക്ക് മാറാൻ സൗകര്യമില്ല. - നീ മാറും.

- ഞാൻ മാറില്ല, മാറില്ല. - നീ മാറും.

- ലാപ്ടോപ്പ് ഓൺ ചെയ്യ്. - എനിക്ക് വയ്യ.

നീയെന്താണ് ഞങ്ങളിൽ നിന്ന് ഒളിക്കുന്നത്?

ലാപ്ടോപ് ഓൺ ചെയ്യ്.

അവസാനം!

- ദയവായി ആംബുലൻസ് അയക്ക്. - ഇല്ല, ആ കുട്ടിയൊന്നും മിണ്ടുന്നില്ല.

മോൾക്കിപ്പോഴും ജീവനുണ്ട്.

അവൾക്ക് നല്ലോണം രക്തം പോയിരുന്നു, ഇപ്പോഴവൾ മിണ്ടുന്നില്ല.

എല്ലാവരും കേൾക്ക്, മോൾക്ക് നമ്മൾ പറയുന്നത് കേൾക്കാം, പക്ഷെ നമ്മൾ കുറെ വാഗ്ദാനങ്ങൾ കൊടുത്തു...

അതുകൊണ്ട് അവൾക്കിപ്പോ നമ്മളെ വിശ്വാസമില്ലാതായി.

അവൾ ശ്വസിക്കുന്നുണ്ട്, ജീവനുണ്ട്.

ദയവായി അവരോടൊന്ന് സംസാരിക്കൂ.

ജീവനോടെയുണ്ടെങ്കിലും എനിക്ക് ആംബുലൻസയക്കാൻ പറ്റില്ല.

- എനിക്ക് അനുമതി കിട്ടണം. - ശരി, അനുമതി ഞാൻ കാണിച്ചുതരാം.

- ആ ഫോണിങ്ങു തന്നേ, താ. - ഇതിലിടപെടണ്ട, ഇത് നിന്റെ കാര്യമല്ല.

- എനിക്ക് വേണ്ടാഞ്ഞിട്ടല്ല... - മഹ്ദി, ആ ഫോണിങ്ങു തന്നേ.

ഞാൻ ഫോൺ തരില്ല. നീയെന്ത് ചെയ്യും?

- എനിക്കവരോട് സംസാരിക്കണം. - കൈ താഴ്ത്ത്.

- ഫോൺ തരാൻ! - കൈ താഴ്ത്തി മാറി നിൽക്ക്!

ഞാൻ പറഞ്ഞില്ലേ, റെഡ് ക്രസന്റിലെ എന്റെ സഹോദരങ്ങൾ...

...കാര്യങ്ങൾ ശരിയാക്കുന്നുണ്ടെന്ന്?

- വേഗം നോക്ക്. - ഞങ്ങൾ പരമാവധി ശ്രമിക്കുന്നുണ്ട്.

- സമാധാനപ്പെട്. - നിന്റെയടുത്തേക്ക് എത്താൻ ഞങ്ങൾക്ക് അനുമതി വേണം.

റാണാ?

റാണാ മോളേ, ഞാനൊന്ന് സംസാരിക്കട്ടെ.

ഞാനൊന്ന് സംസാരിച്ചോട്ടെ.

ഞാനൊന്ന് നോക്കട്ടെ, കുഴപ്പമില്ല.

നീയൊന്ന് വിശ്രമിക്ക്.

ആ ഫോണിങ്ങു തന്നേ.

ഓക്കേ.

നിന്റെ മനസ്സിന് നല്ല ധൈര്യമുണ്ടെന്ന് എനിക്കറിയാം.

ഒരു പോരാളിയുടെ മനസ്സ്.

ജീവിതത്തെ സ്നേഹിക്കുന്ന മനസ്സ്.

മോളൊന്ന് ശ്വാസമെടുക്ക്.

നല്ല ആഴത്തിലൊരു ശ്വാസമെടുക്ക്.

മോളൊന്ന് സങ്കൽപ്പിച്ചു നോക്കിയേ...

...ഒരു റോസാപ്പൂവിന്റെ മണം ആസ്വദിക്കുന്നത് പോലെ.

നമ്മളാ പൂ മണത്തു.

ശ്വാസം ഉള്ളിൽ പിടിച്ചു വെക്ക്...

ശ്വാസം ഉള്ളിലേക്ക് തന്നെ പിടിച്ചു വെക്ക്.

ഇപ്പോ നമ്മൾ ശ്വാസം പിടിച്ചു നിർത്തി.

ഇനി, ഒരു മെഴുകുതിരി ഊതി കെടുത്തുന്നത് പോലെ സങ്കൽപ്പിക്കൂ.

ദാ ഇതുപോലെ...

നമ്മൾ ശ്വാസം ഉള്ളിലേക്ക് എടുക്കുന്നു...

എന്നിട്ട് പുറത്തേക്ക് വിടുന്നു.

ശ്വാസമെടുക്ക്.

പുറത്തേക്ക് വിട്.

നല്ല ആഴത്തിൽ ശ്വാസമെടുക്കൂ.

ഞാൻ പറഞ്ഞ പോലെ, ശ്വാസമെടുക്കൂ...

പൂവിന്റെ മണം ആസ്വദിക്കൂ.

എന്നിട്ടാ മെഴുകുതിരി ഊതി കെടുത്ത്.

കണ്ണുകളടക്കൂ.

കടലിനെക്കുറിച്ച് ഓർക്കൂ.

കടൽപരപ്പിൽ സൂര്യപ്രകാശം തട്ടിത്തിളങ്ങുന്നത് ഓർത്തുനോക്കൂ.

മോളെക്കുറിച്ച് തന്നെ ഓർക്കൂ.

നീ പണ്ട് കടലിൽ നീന്തി കളിച്ചിരുന്നില്ലേ...

തീരത്തെ മണലിലും വെള്ളത്തിലും കളിച്ചിരുന്നത് ഓർത്തുനോക്കൂ.

അതൊന്ന് ഓർത്തേ.

ഒരു നിമിഷം കണ്ണടച്ച് അതൊന്ന് സങ്കൽപ്പിച്ചു നോക്കൂ മോളേ.

ഗാസയിലെ ആ കടൽതീരത്തെക്കുറിച്ച് ഓർക്കൂ.

അവിടുത്തെ മണൽത്തരികളെക്കുറിച്ച്.

എന്ത് ഭംഗിയും, മൃദുത്വവുമാണ് ആ മണലിന്.

ആ മണലിലൂടെ നടക്കുമ്പോൾ കിട്ടുന്ന ഒരു സമാധാനം.

വെറുംകാലോടെ മണലിലൂടെ നടക്കുന്നത്.

ഹലോ?

- എന്താ മോളേ? - ഇതവളാണ്, അവൾ തന്നെ!

അതെ ഹനൂദ്, ഞാൻ കേൾക്കുന്നുണ്ട് മോളേ.

- ഹനൂദ്? - ഹലോ.

അതെ.

പറയൂ ഹനൂദ്.

- ഇതാരാ സംസാരിക്കുന്നത്? - ഇത് ഞാനാണ് നിസ്രിൻ, മോളേ.

ഞാൻ റാണയുടെ സഹോദരിയാണ്.

എന്റെ പേര് നിസ്രിൻ എന്നാണ്.

അവരോട് വരാൻ പറ, വരാൻ പറ!

നീയെന്താ പറഞ്ഞത് ഹനൂദ്?

എന്നെ രക്ഷിക്കൂ.

ശരി മോളേ, റെഡ് ക്രസന്റ് വരുന്നത് വരെ ഞാൻ കൂടെത്തന്നെയുണ്ട്.

അവർ വരുന്നത് വരെ ഞാൻ ലൈനിലുണ്ട്, കേട്ടോ?

ഞങ്ങൾ നിന്നെ രക്ഷിക്കും മോളേ.

- കേൾക്കുന്നുണ്ടോ മോളേ? - ശരി.

ഹലോ, ഡോക്ടർ?

ഞങ്ങളിപ്പോഴും ആ കുട്ടിയോട് സംസാരിക്കുന്നുണ്ട്, അവൾ കരഞ്ഞപേക്ഷിക്കുകയാണ്.

അനുമതി കിട്ടുന്ന കാര്യത്തിൽ വല്ല തീരുമാനമായോ?

വന്നെന്നെ ഇവിടുന്ന് കൊണ്ടുപോകൂ.

നിന്റെ ശബ്ദം കേൾക്കുന്നതിൽ എനിക്കൊരുപാട് സന്തോഷമുണ്ട് മോളേ.

എന്താ?

ഞങ്ങളിപ്പോഴും അനുമതിക്കായി കാത്തിരിക്കുകയാണ്.

എന്താ അവർക്കെല്ലാം കൂടി ഒന്നിച്ച് അയച്ചൂടെ?

ഞാനിപ്പോ എന്താ ചെയ്യേണ്ടത്? നിയമങ്ങളുണ്ടാക്കുന്നത് ഞാനാണോ?

അല്ലല്ലോ.

ഞാൻ നിന്നോട് പലതവണ പറഞ്ഞു, അനുമതി കിട്ടാതെ ഒരൊറ്റ ആംബുലൻസും അനങ്ങില്ല.

മഹ്ദി, ആ കുട്ടിയുടെ ഉമ്മ ഫോണിൽ കിടന്നു കരയുകയാണ്.

- ഞാനാ കോൾ എടുക്കട്ടെ? - മഹ്ദി, നമ്മളവളെ രക്ഷിക്കണം, പ്ലീസ്!

മൂന്ന് മണിക്കൂറായി നമ്മളവളോട് പറയുന്നു, രക്ഷിക്കാൻ വെറും എട്ടു മിനിറ്റ് മതിയെന്ന്.

- വേഗം എന്തെങ്കിലും ചെയ്യ്. - മഹ്ദി!

- ദയവായി ഫോണിങ്ങു തരൂ. - മതി, നിർത്ത് ഇനി.

- ഞാനവരോട് സംസാരിക്കാം, ഫോൺ താ. - ഇത് മതി, ഫോണെടുത്തോ.

മഹ്ദി എന്റെ ഫോൺ താ, ഞാൻ നിന്റെ പുറകെ കുട്ടികളെ പോലെ നടക്കുകയാണ്, തരൂ!

മഹ്ദി!

അനുമതി കിട്ടാതെ ഞാനിവിടുന്ന് ഒരടി മുന്നോട്ട് നീങ്ങില്ല.

ആ ഫോണൊന്ന് തരൂ, പ്ലീസ്.

മഹ്ദി.

വാ മഹ്ദി.

ഈ ഗെയ്മിൽ എന്നോടൊപ്പം കൂട്.

വാ മഹ്ദി.

കൊള്ളാം!

അസ്സലായിട്ടുണ്ട്.

വേഗം വന്നെന്നെ രക്ഷിക്കൂ.

ഞങ്ങൾ വരുന്നുണ്ട്, മോൾടെ അടുത്തേക്ക് ഞങ്ങൾ വേഗം വരുന്നുണ്ട്.

വന്നെന്നെ രക്ഷിക്കൂ.

ശരി മോളേ, പേടിക്കണ്ട. ഞങ്ങൾ വരുന്നുണ്ട്.

മോളേ, പേടിക്കണ്ട.

ഞാൻ വാക്ക് തന്നതല്ലേ.

പ്ലീസ്, ഞാൻ മരിക്കുന്നത് പോലെ തോന്നുന്നു.

മോളേ.

നിനക്ക് കുഴപ്പമൊന്നുമില്ല, നീ ജീവനോടെയുണ്ട്.

നീ ശ്വസിക്കുന്നുണ്ട്, എന്നോട് സംസാരിക്കുന്നുണ്ട്.

ഞാൻ മരിക്കുകയാണ്, എനിക്കങ്ങനെയാണ് തോന്നുന്നത്.

- റാണാ, റാണാ! - റാണാ!

റാണാ!

നിനക്ക് കുഴപ്പമൊന്നുമില്ലല്ലോ? നിനക്ക് കുഴപ്പമില്ല.

- റാണാ! - ശ്വാസമെടുക്ക്, ശ്വാസമെടുക്ക്!

കുഴപ്പമില്ല.

- നിൽക്ക്... - ദയവായി ആ ഫോണിങ്ങു തരൂ.

ശരി, ശരി.

നമുക്ക് അനുമതി കിട്ടി!

മഹ്ദി, നമുക്ക് അനുമതി കിട്ടി.

നമുക്ക് അനുമതി കിട്ടി.

ഹിന്ദ്, ഹനൂദ്!

- എന്താ? - ഞങ്ങൾ നിന്നെ കൂട്ടിക്കൊണ്ടുപോകാൻ വരികയാണ്.

അതെ സൈനോ, ഞാൻ കേൾക്കുന്നുണ്ട്.

ശരി മോളേ...

ഞാനാ തെരുവിൽ...

ഗമാൽ അബ്ദുൽ നാസർ സ്ട്രീറ്റ്, അത് തന്നെ.

എന്നിട്ട് ഇടത്തോട്ട് തിരിയുക.

- അവരിപ്പോ പുറപ്പെടും... - മിനിറ്റുകൾക്കുള്ളിൽ മോളെ ഇവിടുന്ന് മാറ്റാം.

- നിനക്കിത് സാധിക്കും. - ശരി മാഡം, ശ്രദ്ധിക്കൂ.

- ആംബുലൻസ് പുറപ്പെട്ടു കഴിഞ്ഞു. - നന്നായി ശ്രദ്ധിക്ക്.

ഞാൻ നിങ്ങളെ സ്പീക്കറിൽ ഇടുകയാണ്, അവൾക്ക് കേൾക്കാം.

- ഹിന്ദ്? - ഉമ്മാ.

മോളേ, ഉമ്മക്ക് ഒത്തിരി ഇഷ്ടമാണ്.

ഞങ്ങളുടെ പ്രാർത്ഥന നിന്റെ കൂടെയുണ്ട്, നിനക്ക് കുഴപ്പമൊന്നുമില്ലല്ലോ മോളേ?

- ഇല്ല. - സുരക്ഷിതയായിരിക്കൂ മോളേ.

ശരി.

ശരി, അവിടെത്തന്നെ ഇരിക്കൂ.

ഓക്കേ.

എല്ലാം ഇപ്പോ തീരും മോളേ. അവരിതാ വരുന്നുണ്ട്.

ഞങ്ങൾ വരികയാണ്, നിന്റടുത്തേക്ക് വരികയാണ്.

ഞങ്ങളെത്താറായി, എല്ലാം ഇപ്പോ കഴിയും, ഇനി കുറച്ചു ദൂരം കൂടി മാത്രം.

അവരിതാ ഇപ്പോ എത്തും.

- ഓക്കേ. - ശരി.

കണക്ഷൻ പോയി.

എന്ത് പറ്റി?

മെഹ്ദി, അവരവിടെ അനങ്ങാതെ നിൽക്കുവാ.

അവൻ വണ്ടി നിർത്തി.

സിഗ്നലില്ല... നെറ്റ്‌വർക്ക് ഡൗണാ.

ആരെയെങ്കിലുമൊന്ന് വിളിക്ക്.

- സൈനോക്ക് പകരം മദ്‌ഹൂനെ വിളിക്ക്. - ഞാൻ വിളിക്കുന്നുണ്ട്.

ഹലോ, നിങ്ങൾ വിളിക്കുന്ന നമ്പർ...

ഹിന്ദിന്റെ ഉമ്മാ, അവൾക്ക് കേൾക്കാം, നിങ്ങൾക്ക് സംസാരിക്കാം.

മദ്‌ഹൂനും ഫോൺ എടുക്കുന്നില്ല, നെറ്റ്‌വർക്ക് ഡൗൺ ആണ്.

- ഇനി വല്ലതും...? - ഏയ്, ഇല്ലില്ല.

സൈനോ, നീയെന്താ വണ്ടി എടുക്കാത്തെ?

ശരി, അവിടെത്തന്നെ നിൽക്ക്, ഞാൻ തിരിച്ചു വിളിക്കുന്നത് വരെ വണ്ടി എടുക്കരുത്, കേട്ടോ?

ശരി, ശരി, എന്റെ മറുപടിക്കായി കാത്തിരിക്ക്.

- അവനെന്താ പറഞ്ഞേ? - വഴി അടഞ്ഞു കിടക്കുവാണെന്ന്.

ബോംബ് വീണ് തകർന്ന കെട്ടിടം റോഡിലേക്ക് വീണു കിടക്കുകയാ.

- വഴി മാറ്റേണ്ടി വരും. - അപ്പോ അവരിവിടെ എത്തിയോ.

ഈ മാപ്പ് കണ്ടിട്ട് സ്ഥലം മനസ്സിലാവില്ല, നഗരം പാടെ മാറിപ്പോയി.

ഇത് പഴയ മാപ്പാണ്, നഗരം ഇപ്പൊ കാണാൻ ഇങ്ങനെയല്ല.

- ഹനൂദ് മോളേ... - എന്താ?

ഞങ്ങൾ വരുന്നുണ്ട്. കുറച്ച് സമയം കൂടി വേണം.

പത്ത് മിനിറ്റ് മതിയായിരുന്നു, പക്ഷേ ഈ റോഡ്...

- ഹലോ, ഡോക്ടർ. - ആകെ തകർന്നു കിടക്കുവാ.

വണ്ടി പോകാൻ നല്ല കഷ്ടപ്പാടാണ്.

ഡോക്ടർ, ആംബുലൻസ് ദഹ്ഷാൻ-അൽ സന ജംഗ്ഷനിൽ പെട്ടുപോയി.

അവിടെ വഴിയില്ല.

നമുക്ക്... റൂട്ട് മാറ്റിയേ പറ്റൂ.

- ഹലോ ഡോക്ടർ, ആ... - ശരിയാകും.

ഹനൂദ്, ഹനൂദ്...

അവര് ആർമിയുടെ അനുമതിക്കായി കാത്തു നിൽക്കുവാ, അത് കിട്ടാതെ വണ്ടി അനങ്ങില്ല.

- കേൾക്കുന്നുണ്ടോ? - ഫോൺ കട്ട് ചെയ്യല്ലേ.

ആ, കേൾക്കാം. ഫോൺ കട്ട് ചെയ്യരുത് കേട്ടോ.

മോളേ, ചക്കരേ...

സൈനോ?

കേൾക്ക്, പോകുന്ന വഴിയിൽ ചെറിയൊരു മാറ്റമുണ്ട്.

ആ അതെ... ആർമി പറഞ്ഞതാ.

നിന്ന നിൽപ്പിന് അഞ്ച് മീറ്റർ ഇടത്തോട്ട് തിരിക്കൂ.

അത്ര മതി, കൂടുതൽ വേണ്ട. അവിടെ വണ്ടി നിർത്ത്.

എന്നിട്ട് ഇടത്തോട്ട് തിരിച്ചാൽ പഴയ വഴിയിൽത്തന്നെ എത്തും.

ഭാഗ്യം, അവരെത്തി.

- തുടങ്ങാം. - ഹനൂദ് മോളേ...

വണ്ടി ഒരു മിനിറ്റിനുള്ളിൽ എത്തും, വളരെ പതുക്കെയാണ് വരുന്നത്.

- ഉമർ സർ നല്ലൊരു വാർത്ത പറഞ്ഞിരിക്കുന്നു.. - എന്ത്?

പെട്ടുപോയ അവസ്ഥയാ, എന്നാലും ഞങ്ങളങ്ങോട്ട് വരും...

ഞാനിപ്പോ ഈ സ്ട്രീറ്റിലാണ്. വലത്തോട്ട് തിരിയാൻ പോകുന്നു.

ഹനൂദ്...

അറബ് ലീഗ് സ്ട്രീറ്റിന്റെ കാര്യമാണോ?

- അതേ. - വലത്തോട്ട് തിരിക്ക്, വേഗം.

ഏറിയാൽ ഒരു 400-500 മീറ്റർ മാത്രം.

ഹിന്ദ്, ഹിന്ദ്... അവരവളുടെ തൊട്ടുപിന്നിലുണ്ട്.

ഒരു അര കിലോമീറ്റർ... അല്ലെങ്കിൽ 400 മീറ്റർ, അവരുടനെ അവിടെത്തും.

ഹനൂദ് പേടിക്കണ്ട, അവരിപ്പൊ എത്തും കേട്ടോ.

നിനക്ക് നേരെ പച്ച ലൈറ്റ് കാണിച്ചോ?

- കൊള്ളാം, അവര് നിന്നെ തിരിച്ചറിഞ്ഞു. - ദൈവത്തിന് നന്ദി.

സെക്യൂരിറ്റി ടീമുമായി സംസാരിച്ചോ?

എല്ലാം ദൈവത്തിന്റെ കയ്യിലാണ് മോളേ, ആ, സംസാരിക്കുന്നുണ്ട്.

- നീയെന്താ പറഞ്ഞേ? - ഇല്ല, ഞങ്ങൾ വീട്ടുകാരുമായി സംസാരിക്കുവാ.

എല്ലാം ശരിയാക്കുന്നുണ്ട് ഹിന്ദ്, കഴിഞ്ഞ മൂന്ന് മണിക്കൂറായി ഞങ്ങളിതിന്റെ പുറകെയാ.

- പേടിക്കണ്ട മോളേ. - ഇത് ഫാരിസ് സ്റ്റേഷൻ തന്നെയല്ലേ?

ആ, ഫാരിസ് സ്റ്റേഷൻ തന്നെ, നിങ്ങളിപ്പൊ എവിടെയാ?

ഏതാണ്ട് എത്താറായി. സ്റ്റേഷന്റെ അടുത്തുണ്ട്.

കുട്ടി അവിടെത്തന്നെയുണ്ടല്ലോ, അല്ലേ?

ആ വെടിവെപ്പ് നടന്ന വണ്ടിക്കകത്ത് തന്നെ പെൺകുട്ടിയുണ്ട്.

മോളേ, ആംബുലൻസിന്റെ ശബ്ദം കേൾക്കുന്നുണ്ടോ? അവരെത്തി.

അവളെ നോക്കാൻ ഞാൻ താഴെ ഇറങ്ങണോ?

ഫോൺ വെക്കല്ലേ, നിനക്ക് വണ്ടി കാണാൻ പറ്റുന്നുണ്ടോ?

ഇല്ല, എനിക്കൊന്നും കാണാൻ പറ്റുന്നില്ല.

സൈറണും, ലൈറ്റും ഇട്ടിട്ടുണ്ടോ?

സൈറൺ...

ഒന്നുകിൽ ലൈറ്റ് അല്ലെങ്കിൽ സൈറൺ.

അതാ അവിടെയുണ്ട്.

ഹലോ?

ഹലോ, നിങ്ങൾ വിളിക്കുന്ന നമ്പറുമായി ഇപ്പോൾ ബന്ധപ്പെടാൻ കഴിയില്ല.

- അവര് പോയി, എല്ലാം കഴിഞ്ഞു. - ഏയ്, ഇല്ല.

ഇല്ല, ഇല്ല.

ഒന്ന് കൂടി വിളിച്ചു നോക്ക്, വെറുതെ കണക്ഷൻ കട്ടായതാവും.

വെടിയൊച്ച കേട്ടോ എന്നവളോട് ചോദിക്ക്.

ഹിന്ദ്, നീ വെടിയൊച്ച കേട്ടോ?

അടുത്തെവിടെയെങ്കിലും വെടിവെപ്പ് നടക്കുന്നുണ്ടോ?

ഉണ്ട്.

പേടിക്കണ്ട.

വെടിയൊച്ച കേട്ടോ ഇല്ലയോ? അതാണ് അറിയേണ്ടത്.

ഉണ്ടെന്നാണ് അവൾ പറയുന്നത്.

ചോദിക്കുന്നതിനെല്ലാം അവൾ ചുമ്മാ 'ഉണ്ട്' എന്ന് പറയുന്നതാ.

ദയവായി ഒന്നുകൂടി ഉറപ്പിക്ക്.

- ഇത് വളരെ പ്രധാനപ്പെട്ട കാര്യമാണ്. - വെടിയൊച്ച കേട്ടിരുന്നോ?

- വെടി വെക്കുന്നുണ്ടോ? - ഉണ്ട്.

- ഹിന്ദ് മോളേ... - പേടിക്കണ്ട കേട്ടോ.

- മോളേ, ഇത് ഉമറാണ് സംസാരിക്കുന്നത്. - ഹലോ.

- മോളേ, ഹനൂദ്... - ആ?

രാവിലെ ചെയ്തത് പോലെ, ഇപ്പൊ ഒന്ന് ശ്രദ്ധിച്ചു കേൾക്ക്.

- ഓക്കേ. - പറയൂ.

രാവിലെ കേട്ടത് പോലെയുള്ള വെടിയൊച്ച ഇപ്പൊ കേട്ടോ?

- കേട്ടു. - ഉറപ്പാണോ?

ഉറപ്പാണ്.

വെടിവെപ്പ് ഉണ്ടായോ?

കേട്ടു എന്നാണല്ലോ അവൾ പറഞ്ഞത്.

അവൾ വെടിയൊച്ച കേട്ടോ?

അതെ, കേട്ടു.

ആരെങ്കിലും അവളുടെയടുത്ത് എത്തിയോന്ന് ചോദിക്ക്.

ഹിന്ദ്, എനിക്കൊരു കാര്യം ചോദിക്കണം.

ചോദിക്ക്...

ഹനൂദിനോട് ചോദിക്ക്.

ആരെങ്കിലും അവളുടെ അടുത്തെത്തിയോ?

- ആരെങ്കിലുമവിടെ വന്നോ? - ഇല്ല.

- ആരും നിന്റടുത്തേക്ക് വന്നില്ലേ? - ഇല്ല.

മോളേ, പേടിക്കണ്ട കേട്ടോ.

എന്റെ മോളേ...

വിഷമിക്കണ്ട മോളേ.

- ആരെങ്കിലും നിന്നോട് സംസാരിച്ചോ? - ഇല്ല.

ആരെങ്കിലും എന്തെങ്കിലും പറഞ്ഞോ?

- ഞങ്ങൾക്ക് തോന്നുന്നത്... - അവരവളുടെ തൊട്ടടുത്തുണ്ട്.

ആംബുലൻസ് അവളുടെ തൊട്ടടുത്ത് എത്തിയിട്ടുണ്ട്.

- അവർക്ക് പെർമിഷൻ കിട്ടിയില്ലെന്ന് തോന്നുന്നു. - ഫോൺ കട്ടായി.

അവർക്ക് പോകാൻ അനുവാദം വേണം, അവളുടെ തൊട്ടടുത്ത വളവിൽ അവരുണ്ട്.

ഞങ്ങൾക്ക് ലാപ്ടോപ്പിൽ കാണാം.

പക്ഷേ ഞങ്ങളവരെ തിരിച്ചു വിളിക്കാൻ നോക്കുന്നുണ്ട്.

- ആ കണക്ഷൻ... - നിങ്ങൾ വിളിക്കുന്ന നമ്പർ...

ദൈവം സഹായിച്ചാൽ ഒന്നോ രണ്ടോ മിനിറ്റിനുള്ളിൽ...

-...അവളവരെ കാണും, ഉറപ്പാ. - ഇൻഷാ അള്ളാ.

എന്തെങ്കിലും അപ്‌ഡേറ്റ് ഉണ്ടോ ഡോക്ടർ?

ആ പെൺകുട്ടി ഇപ്പോഴും കാത്തിരിക്കുകയാണ്.

അവരവളുടെ തൊട്ടടുത്തുണ്ടാ...

ലീഗ് ഓഫ് അറബ് സ്റ്റേറ്റ്സ് സ്ട്രീറ്റിൽ.

നമുക്കവിടെ എത്താൻ പറ്റുമെന്ന് കരുതുന്നു.

വിഷമിക്കണ്ട, പേടിക്കണ്ട, എല്ലാം ഇപ്പൊ തീരും.

എല്ലാം ഉടനെ കഴിയും, പക്ഷേ ഉമർ പറയുന്നത് പോലെ അവൾ ചെയ്യണം.

- സീറ്റുകൾക്കിടയിൽ ഒളിച്ചിരിക്കാൻ പറ. - ഒളിച്ചിരിക്കൂ, തല കുനിച്ചു വെക്ക്.

തല താഴ്ത്തി ഇരിക്കണം.

അവൾ സമർത്ഥയാ, അവൾക്കറിയാം.

എന്റെ പൊന്നുമോളേ...

എന്റെ ചക്കര മോളേ...

എന്റെ പുന്നാരമോളേ...

"7.30 - ന് ശേഷം ഹിന്ദിന്റെ ശബ്ദം നിലച്ചു.

ആ നിമിഷം മുതൽ ഹിന്ദുമായുള്ള എല്ലാ ബന്ധവും നഷ്ടപ്പെട്ടു.

എല്ലാ ദിവസവും...

...ഞാൻ ബാപ്റ്റിസ്റ്റ് ഹോസ്പിറ്റലിൽ പോയി മകൾക്കായി നെഞ്ചിടിപ്പോടെ കാത്തിരിക്കും.

ആ വണ്ടിക്കുള്ളിൽ എന്റെ മകൾ ജീവനോടെയുണ്ടെന്ന് എനിക്കുറപ്പായിരുന്നു.

പാരാമെഡിക്കൽ ടീം കൂടെ കാണും, അല്ലെങ്കിൽ സൈന്യം അവളെ കൊണ്ടുപോയിട്ടുണ്ടാവും.

ആളുകൾ പല കഥകളാണ് പറഞ്ഞത്, അതിനൊനിന്നും തീർച്ചയില്ലായിരുന്നു.

എന്റെ മകൾ സുരക്ഷിതയായി ഇരിക്കുകയാണെന്ന് ഞാൻ വിശ്വസിച്ചു.

"12 ദിവസത്തോളം ഇസ്രായേൽ സൈന്യം ഉപരോധത്തിൽ നിന്ന് പിന്മാറുന്നത് വരെ..."

...ഹിന്ദ്, സൈനോ, മഹ്ദൂൻ എന്നിവരുടെ വിവരങ്ങൾ 12 ദിവസത്തോളം അജ്ഞാതമായി തുടർന്നു.

"അഹമ്മദ് മദ്‌ഹൂൻ"

"യൂസഫ് സൈനോ."

"ഹമദ ഫാമിലി."

ഹിന്ദിന് കടപ്പുറത്ത് പോകാൻ വലിയ ഇഷ്ടമായിരുന്നു, കടലിനെ അവൾ കൂട്ടുകാരനെപ്പോലെ കണ്ടു.

അവളെപ്പോഴും പറയുമായിരുന്നു, "യുദ്ധം കഴിഞ്ഞാൽ നമുക്ക് കടപ്പുറത്ത് പോകണം" എന്ന്.

എനിക്കൊന്നും വേണ്ട, എന്നെ മണലിൽ കളിക്കാൻ കൊണ്ടുപോയാൽ മതിയെന്ന്."

പരിഭാഷ ✍️ അനൂപ്.പി.സി, മീനങ്ങാടി.

പരിഭാഷയെക്കുറിച്ച് നിങ്ങളുടെ അഭിപ്രായങ്ങൾ മൂവി മിറർ ഫേസ്ബുക്ക്‌ ഗ്രൂപ്പിലൂടെ അറിയിക്കുക