Original subtitles

Jakina, Lord 0.

Ulertuta.

Barkatu zain eduki izana.

Hari-mutur gogaikarri batzuk lotzen ari gara.

Bat ondo ezagutzen duzula uste dut.

Alabastako Vivi printzesa?

Cobraren ume kakatsu ileurdina.

Desagertua omen dago.

Eta Lord 0k hala jarraitzea nahi du.

Esan, zertan lagunduko dizut?

A, nagusiarekin hitz egitera etorri naiz,

ez idazkari batekin.

Oso ederra izan arren.

Zoritxarrez, Lord 0 lanpetuta dabil.

Irain larria! Erakutsi begirunea erregeari.

Erbesteratua izan den erregea,

erreinua berreskuratzeko gure laguntza behar duena.

Marra Handian piratetan jolasten jarraitu nahi ez badu, tira.

Oso eskuzabala izan naiz

Barroko Taldeari egindako finantza-ekarpenekin.

Esaiozu zure liderrari inork ez duela musu-truk bazkaltzen.

Eskatzen dudana…

zor zaidana da!

Jauna, zure tentsioa.

Bazkariaz ari zarenez…

Drumgo errege-familiaren ikurra hipopotamo iletsu bat da, ez?

Animalia jatuna oso.

Ez kezkatu,

ez zaitugu gosez joaten utziko.

Bizarbeltzek Drumetik alde egin du.

Lord 0ren ustez, lurra berreskuratu behar zenuke.

Pentsatu du errege bat

aliatu bikaina izango litzatekeela.

Ez da ba izango…?

Opari bat.

Zure kontribuzioengatik, gure esker ona adierazteko.

Zer oparitu

dena daukan erregeari?

Deabruaren fruitu bat!

Zer ahalmen ematen du?

Hori da dibertigarriena, ez?

Egin hozka eta jakingo duzu.

On egin.

Sanji?

Zer…

Nola…

Lasai. Jatekorik nahi?

Kontsomea egin dizut. Ez zait oilasko saldarik geratzen,

baina dinosauroa erabilera askoko osagaia da.

Ez naiz gose.

Bueno…

zerbait jan behar duzu.

- Saiatu gara, baina… - Ongi nago.

Bart afarian zorabiatu nintzen. Uste baino nekatuagoa nengoen.

Nami, lau egun pasa dira.

Zer?

Konortea erdi-galduta ibili zara.

Zure alboan egon naiz denbora guztian.

Bero-kolpe bat izan behar du.

Ez.

Uste dut…

Uste dut zerbait gertatu zela

Lorategi Txikin.

Ez dakit zer, baina…

ez kezkatu.

Laguntza aurkituko dugu.

Ongi.

Eskerrik asko.

Nitaz arduratzeagatik.

Beti arduratzen naiz zutaz.

Ez duzu hotzik?

Hobeto egon naiteke,

baina bueno.

Denok kamiseta daramagu.

Tematzen bazara…

Eta Nami?

Lo hartu du berriz, baina okerrago dabil.

Sukar handia dauka.

- Mediku bat behar dugu. - Ez dakigu non gauden.

Nola aurkituko dugu bat?

Eta Alabasta? Baduzue medikurik?

Hara iristeko egunak edo asteak beharko ditugu.

Namik ez dauka hainbeste denbora.

Merezi du saiatzeak.

Lehenbailehen itzuli nahi duzu, ezta?

Etxera lehenbailehen itzuli behar dut.

Horregatik, lehen uhartean gelditu eta Nami sendatuko dugu.

Gero Alabastarako bidea hartuko dugu.

Bai, hori da. Eskerrik asko, Vivi.

Arrazoi duzu.

Bide azkarrena hori da.

Ondo deritzot.

RENAISSE UHARTEA

ITSAS ARMADAREN KOMUNIKAZIO POSTUA

Hau al da komunikazio postua?

Hobe diskretua izatea helburua deiak atzeman eta kokatzea denean.

Ea dutxarik baduten.

Zer?

Ondo etorriko litzaiguke.

Tira, amai dezagun azkar.

Hartu barraskilo bat eta deitu gotorlekura.

Esaiezu ez dugula aurkitu Barroko Taldearen aztarnarik.

Ezin agenterik atzeman, bat bera ere topatu gabe.

Eta Garpek ondo hartuko du?

Nahikoa denbora daramagu txatxukeria honetan.

- Lastotxapelen atzetik joango gara. - Auskalo non egongo diren.

Berriro? Bastoia erosiko dizut?

Kapitaina?

Ezpata zauriak.

Piratak.

Ez dira pirata arruntak. Ezpatari trebe batek eginak dira.

Lastotxapelak.

Zergatik erasoko lukete komunikazio postu bat?

Aurkitu komandantearen bulegoa eta eman abisua.

Errefortzuak beharko dituzu.

Ez horixe.

Luffy, uharte bat aurkitu dugu!

A zer elur mordoa.

Zuri-zuria da!

Drumgo Erresuma.

Ezagutzen duzu?

Marra Handian ezaguna da medikuntzan jakituria handia dutelako.

Ederki. Mediku asko izango dituzte, ez?

Edo elur munstroak.

Posibilitate bat da!

Iristean, hobe da nire identitatea ezkutuan gordetzea.

Hiltzailea ala printzesa zarelako?

Entzun dudanez, Drumgo herria atsegina eta abegikorra da.

Baina tirabirak egon ziren.

Drum eta Alabastaren arteko harreman politikoa makala da.

Zer esan nahi duzu?

Uhartean baten batek Vivi gorroto duela.

Esango nork?

Erregeak.

Wapol.

Ez dugu astirik errege batekin istiluetan sartzeko.

Ez dugu beste aukerarik.

Nami salbatzeko modu bakarra da.

Goazen mediku baten bila.

MARY GEOISEN LUR SANTUA

DUELA 10 URTE

Ordena, mesedez.

MUNDUKO GOBERNUA

Ongi etorri, lagun nobleok.

Nik, Thalassa Lucasek,

Ilisiako erregeak, ordena eskatzen dut reveriean.

Hasi aurretik, gure eskerrak erakutsi nahi nizkioke Itsas Armadari

bere babesagatik gure bidaietan eta prozesu honetan.

Eta non daude itsas gerlariak?

Gogora iezadazue zergatik uzten ditugun aske kriminal horiek

ez bagaituzte babesten ez gu

ezta gure erreinuak ere.

Beste piraten aurkako disuasio-neurri dira.

Itsasoetako botere-orekaren pieza garrantzitsua.

Eta gizarrainei zer moduz joan zitzaien?

Erregina erail zuten

eta gizarrain gerlariak ezin izan zuen eragotzi.

Itsas gerlarien eraginkortasuna zalantzan jarri nahi badu baten batek,

presidentegai aurkeztu dadila eta gai-zerrendan ipini dezala.

Gaur badugu mehatxu are premiazkoagoa.

Dragon izenez ezaguna da.

Bere aldeko babesa txikia bada ere,

bere armada iraultzailea azkar handitzen ari da.

Ez dago mehatxu handiagorik Munduko Gobernuarentzat,

gure oparotasun edota egonkortasunarentzat,

gizon hau baino.

Ezin diogu arrisku honi ezikusia egin.

Arazo larria…

Zerbait gehitzerik nahi, Wapol erregea?

Nik?

Beti.

Lasai.

Zer matxinada eta zer piperrada.

Drumgo Erresuman jendea zoriontsu da.

Janaria eta ura ematen diet,

babesten dituen armada bat

eta munduko osasun zerbitzu onena.

Nire mendekoren bat esker txarrekoa bada nire eskuzabaltasunarekin,

dohainak kentzea daukat.

Hitz egin nahiko nuke.

Presidenteak hitza ematen dio Alabastako Cobra erregeari.

Erreboltak giza emozioen adierazpena dira.

Bere ahotsa entzuna ez bada,

jendeak ezin du zoriontsu izan.

Garai batean zure erreinuan barre-algarak entzuten ziren.

Hara, ipuinak gogoko ditugu.

Drumek bazuen bere jendeari entzuten zion erregea.

Ez nuen nire aita jasaten.

Ez zekien gobernatzen.

Eta orain neu naiz errege.

Erregea gizon hutsa da eta koroa kapela bat baino ez.

Erreinua da irauten duena.

Erreinua neu naiz!

Politika boterea da,

ez sentimenduak.

Eta nahiago nuke entzutea zure ahatetxo erraldoi baten aholkua,

beste segundo bakar batez

mendietan entzuten ziren barreei buruz darabilzun kalaka entzutea baino.

- Aski da! - Badakizu zer egiten dudan…?

Nahikoa da!

- Nik esango dut noiz den nahikoa. - Ordena!

ITSAS ARMADA

Badoa jaurtitzera.

Ez dago batere gaizki, batelari.

Nor arraio zara zu?

Muinora irten da

Lady Ostegun.

LADY OSTEGUN

- Barroko Taldea. - Ezagutzen gaituzu.

Hau da hau nahi gabeko falta.

Denak ez gara liga handietarako eginak.

Akabo beisbol esaeratxoak.

Aulkira.

Hitz egiteko modua kutsatu dit.

Eskerrak bizirik behar genuela.

DRUMGO ERRESUMA

Non gaude?

Laguntza bila gabiltza. Eutsi.

Zer izan da hori?

Jaurtiko duten azken oharpen tiroa.

Geldi, piratak!

Alde edo larrutik ordainduko duzue.

Ontzia ikusi dugu. Ez diguzue ziria sartuko.

Laguntza behar duen gaixo bat daukagu!

Ospa gure herrialdetik, pirata zikinak!

Mediku bat behar dugu!

Vivi!

Ergel alaenak!

Ez! Geldi denok!

Ausarkeriak ez du konponduko.

Hiltzen bagaituzte, Nami zer? Kapitaina zara, pentsatu!

Asko sentitzen dugu.

Herrian sartzerik ez badugu,

bidali mediku bat, mesedez.

Oso gaixo dago gure laguna.

Mesedez, lagundu.

Sentitzen dut.

Hanka sartu dut!

Mesedez!

Lagundu iezaiozue.

Oso argia, Vivi.

Ondo zaude?

Ez kezkatu.

Zatozte nirekin.

Ongietorri batzordea.

Tiro egingo digu berriz?

Barka iezaiozue Mariari.

Zera gabiltza denok…

urduri samar.

Barkatu, Dalton.

Barkatu, piratak.

Herrian ez dago soldadurik.

Zibilak besterik ez.

Behatz arineko zibilak.

Baina bizi izan dutenarekin,

ulertzekoa da.

Erregea zara?

Dalton dut izena,

Zibilen Guardiaren kapitaina.

Ez dut ulertzen.

Zer gertatu da? Non da Wapol erregea?

Bizarbeltz izeneko pirata batek setiatu zuen herria.

Triskantza eta sarraskia atsegin zituen.

Bere bandera pirata agertu zenean,

babesgabe utzi gintuzten.

Ezin izan genion aurre egin.

Eutsi egin genuen nekatu eta joan zen arte.

Wapolen indarrek ezin izan zuten Bizarbeltz menderatu?

Erregea eta soldaduak ez ziren saiatu ere egin.

Wapolek Bizarbeltzen ahalmena ikusi zuenean…

abandonatu egin gintuen.

Eta bere buruari errege deitzeko ausardia du!

Vivi.

Nolatan egin zion hori bere herriari?

Eta medikuak? Baten bat bizirik aterako zen.

Wapolek denak eraman zituen.

Ederki. Alferrik entretenitu gara.

Mediku bat salbu.

Kureha du izena.

Sorgina.

"Sorgina" esan du?

Drumgo gazteluaz jabetu da, mendi tontorrean.

Lagun diezaiokeen bakarra da.

Bere sendabideak arriskutsuak dira. Naturaz kanpokoak.

Ilargi betean hegan egiten ikusi dut basoko piztiarekin batera.

Piztia ere badago?

- Banekien nik. - Sorgin batek ez nau beldurtzen.

Piztiak ere ez.

Nami salbatu ahal badu,

mendira igo beharko dugu.

Nola igoko gara?

Jasogailu bat zegoen,

baina Wapolek suntsitu zuen Bizarbeltzen aurka babesteko.

Mendi atzean dagoen bidea hartu beharko duzue, baina…

ez zarete ilundu baino lehen helduko.

Bihar arte tabernan gera zaitezkete.

Ezin dizuet besterik eskaini.

Bizirik ateratzea espero dut.

Zelatatzera itzuli behar dut.

Ez dago gaizki.

Ez da bikaina, baina ez dago gaizki.

Kashu daukazu.

Ez dut hitz hori ezagutzen. Nik "estiloa" diotsot.

Zure ezpata, baboa.

Kashu. Goi-mailako 50 ezpatetako bat.

Ez zait inoiz bururatu izena jartzea.

Ea ba… Walter!

Ez luke egon behar hiltzaile baten eskuetan.

Orduan, maitea, kendu iezadazu.

LORD 11

Garaitzen zaitudanean,

zure ezpata hartuko dut.

Ez duzu Kashu berriro ukituko.

Bueno.

Nola zekiten hona gentozela?

Ez zekiten.

Komunikazio gela suntsitu dute. Zerbaiten bila ari ziren.

Zer?

Laster jakingo dugu.

Luffy, ezin dugu itxaron.

Zer egin nahi duzu?

Ezin badugu mendia inguratu…

zuzenean igoko dugu.

Eskalatu nahi duzu?

Namik ezin du. Gutako inork ezin du.

Nami.

Mediku bakarra mendi tontorrean bizi da.

Mendira igo beharko dugu.

Arrekonko eramango zaitut.

Ondo iruditzen?

Laster ilunduko du. Ezinezkoa da.

Heriotza.

Heriotza ziur eta saihetsezina.

Zutaz fio naiz, kapitaina.

Utzi nire kontu.

Ongi. Ni ere banoa.

Ni ere bai.

Ez. Vivik ezin du eskalatu beso horrekin

eta hiltzaileak atzetik ditugu. Norbait geratu beharko da.

Ni ere geratuko naiz.

Zoro babesteko, noski, sorginaren piztiak irensten bazaituzte.

Ongi.

Nami sendatutakoan itzuliko gara.

Ongi eutsiko dio.

Nire jakak bero mantenduko zaitu.

Goazen ba.

Eta sorginak Nami salbatzen ez badu?

Fedea izan behar dugu.

Nik joan behar nuen, ez sukaldariak.

Sanjik ederki egingo du.

Entzuten didazu? Igo behar genuke…

Zoro, egizu beste zerbait.

Nik bezala.

Utzi galderak egiteari eta ez izan astuna.

Egizu zerbait, ez duzu laguntzen-eta.

Hobeto eskatzea zenuen.

Daltonekin noa zelatatzera.

Ongi.

Vivi printzesa,

aitaren ontzian egon behar zenuke.

Bere ustez, hantxe nago.

Printzesa…

Ezin nintzen han geratu. Reverie bat da, Igaram.

Neure begiekin ikusi nahi nuen. Edo entzun, behintzat.

Aitak errieta egin dio Wapol erregeari.

Vivi printzesa, Alabastako tronuaren oinordekoa zara.

Agintean egon arte, ezin duzu gela honetan esaten dena entzun.

Inork ezin du.

Nola ikasiko dut erreinua zuzentzen ontzian harrapatua?

Agian bisita gidatu bat antola dezakegu.

Munduko Gobernuak nola funtzionatzen duen ikusteko.

Ez dute jakingo ihes egin duzula.

Zaindaria zara, ni baino arazo larriagoan sartuko zara.

- Zer… - Izozki bat eta kito gara.

Zure lehen ituna.

Harro nago.

Itxaron hemen.

Adorea behar da gero!

Ergel horrek ez daki noren aurka ari den?

Errespetu falta larria, maiestatea.

Kendu paretik, mukizu!

Gorentasuna!

Ama maitea!

Alabastako erregina jotzera ausartu zara?

Ai, ez.

Alabastako printzesa!

Oi, hau zorigaitza inozo erdeinagarri horren alaba izatea!

Ez kezkatu.

Barkatu erdian egoteagatik.

Goazen!

Kendu nire paretik!

Barkatu.

Gorentasuna.

Bikain egon zara gaur.

Ez dut inoiz ikusi zurea bezalako adore-ekintzarik.

Vivi printzesa, gatazka larri bat saihestu duzu.

Entzun ondo.

Gaur, zu ikustean…

Dagoeneko badakit unea iristean nola zuzenduko duzun Alabasta.

Zatoz hona.

Isil-isilik zaude.

Ez duzu buruhausterik entzun nahi-eta.

Ni ere urduri nago,

baina Nami laguntzearren, ez ditu inork geldiaraziko.

Ez da soilik Namirengatik.

Erresuma aberatsa zen hau.

Medikuntzan aitzindari ziren

eta orain ez daukate ezer.

Euren erregearen erruagatik.

Vivi…

Eta Alabasta… Denbora asko daramat etxetik kanpo.

Eta egoerak okerrera egin badu?

Eta hemen gertatu dena nire etxean ere gertatu bada?

Vivi, ezin duzu…

munduaren zama zure bizkarrean hartu.

Ezin duzu zuk bakarrik dena konpondu.

Bai, baina…

zerbait egin nahi dut.

Ulertzen dut.

Hasi ba horko giltza hori pasatzen.

Horra, begira!

Mediku.

Mediku.

Mediku.

Luffy!

Ia iritsi gara!

Luffy…

Eutsi, Nami.

Luffy!

Luffy!

Ondo zaude?

- Ez! - Igo ezazu Nami!

Egundoko gaztelua da.

Salbatu…

nire…

lagunak.

Zer ari da Barroko Taldea hemen?

Ez al duzu entzun?

Misterioa da gure leloa.

Nik ere badut leloa.

Esadazu jakin nahi dudana,

edo pilota eztarritik behera sartuko dizut zure kideari bezala.

Aurrera.

Nire misioa bete dut.

Nire lana amaitu da.

Bizirik behar dugu, jauna. Ez digu informaziorik eman.

Lasai.

Lo-kuluxkan dago.

Gainera, uste dut badakidala zeren bila zebiltzan.

Ez du fitsik esango.

Baina agian honek bai.

Bizirik jarraitzea lortzen badugu.

Zer moduz zuen laguna?

Batzuk sorginaren bila joan dira.

Ezin zuten itxaron?

Ez dakit pertseberantzia horrek liluratzen nauen

ala ausarkeriak ikaratzen nauen.

Bai.

Halakoxea da Luffy.

Benetan uste duzu Bizarbeltz itzuliko dela?

Zorte apur batekin, asebete da

eta ez da itzuliko.

Baina ez da mehatxatzen gaituen munstro bakarra.

Zure erregearen zain zaude. Wapol.

Gizon krudela da.

Aseezina.

Eta berea izan zena berreskuratzen saiatuko da.

Herri honek

bere erregealditik osatzen hasia da azkenean.

Asmoa nazio berria eraikitzea da.

Nazio bakezalea.

Eta nork zuzenduko du?

Zuk?

Ez, nik ez.

Nire helburua ez da jendea zuzentzea.

Beren babesa izatea baizik.

Beti ez dugu aukeratzerik.

Nik ere ezpatak nahiago ditut.

Prestatuko dizkizut,

behar izanez gero.

Ongi zaude.

Kaixo?

Ezkutatzen

zabiltza?

Bai! Horregatik ezin nauzu ikusi.

- Aldrebes zaude. - Ixo!

Hobeto zaude?

Pixka bat, bai.

Zuk zaindu al nauzu?

Ni izan naiz.

Kureha naiz.

Deitu iezadazu Doktorina.

Zorionekoa zu, Drumgo Uharteko medikuetatik azkena eta hoberena naiz.

37,78 gradu.

- Sukarra jaitsi da, beraz… - Antibiotikoek funtzionatu dute!

Hori da. Tratamendua ez da amaitu. Pazienteak zer behar du?

Antibiotiko gehiago eta atsedena.

Berriz zuzen.

Serio, hobeto sentitzen naiz.

Milesker zure laguntzagatik, baina…

Bi modu daude tratamendua uzteko, neskato.

Sendatua ala hilda. Ez zara inora joango.

Deskantsatu behar duzu. Doktorinak dio kestia batek heldu zizula.

Halaxe da.

Zomorro nazkagarriak.

Bakterio birulentoak inokulatzen dituen akain infekzioso bat da.

Sukarrak ez du 40 gradutik jaisten eta horrek biktima gaizkitzen du.

Infekzio izugarria, alegia.

Miokarditis, arteritis, entzefalitis…

Ulertu dut. Larria da.

Harritzen nau intsektu horren ziztada izateak.

Kestiak aspaldi desagertu ziren.

Beraz, oihan tropikal prehistoriko batean paseatzen aritu ez bazara

azala agerian izanda…

Bai.

Bitxia zara gero.

Eta nire lagunak?

Pare bat saihets-hezur apurtuak.

Eta…

Eta Luffy?

Lagunok!

Piztia batek gaztelura ekarri gaitu!

Eta sorgin zahar batek salda bihurtu nahi nau!

Luffy, zer zabiltza oihuka?

Sanji, jan egingo gaituzte!

Ez gaituzte jango eta ez da sorgin bat.

Uste dut.

- Nami? - Nami, ongi zaude!

Nami, ongi zaude.

Hobeto zaude?

Denok zaudete hobeto.

Antibiotikoak eman dizkiot eta horri saihets-hezurrak osatu.

Eta ur beroan jarri zaitut hipotermia ekiditeko.

A, ongi.

Milesker, amona.

Gero kobratuko dizut.

Eta berak esan bezala, ez naiz sorgina.

Ezta zaharra ere.

Jakin dezazuen, 139 urte baino ez ditut.

Serio?

Oso zaharra zara.

Ongi, baina Nami, zerbait behar duzu?

Jatekorik bai? Egunak jan gabe daramatzadala sentitzen dut.

- Hala baita. - Eta ni!

Zuk jan duzu.

Medikua naiz, ez sukaldaria.

Zorionekoa zu, chefa naiz-eta.

Chopper, erakutsi iezaiozu sukaldea.

Bai, Doktorina.

Baina, zer zara zu?

Zer da hori?

Azpitituluak: Loinaz C. A.