Original subtitles

A zer menditzarra.

Mapak argi dio.

Marra Handira sartzeko, Alderantzizko Mendia da bide onena.

Aurrera ba.

Nabigatzeaz tutik ez jakin arren, badakit ontziek ez dutela mendiak igotzen.

Namik badaki nola egin. Aski da niretzat.

Teoria bat daukat nola funtzionatzen duen inguruan.

Lau itsasoen ur-lasterrek gailurrera bultzatuko gaituzte.

Hemengo urak hotzagoak direnez,

ur-lasterrak itsasora jaisten dira.

Beraz, une egokian sartu ezean,

labarraren aurka jo eta hondoratuko gara.

Zer?

Oso teknikoa da.

Ondo egin ala hil.

Tira, ez da hain teknikoa.

Marra Gorriak mundua inguratzen du.

Ezin dugu itzulinguratu. Zeharkatu behar dugu.

Nabigatzaileak horrela iristen dela badio,

horrela iritsiko gara Marra Handira.

BIDE SEGURUA… USTE DUT? UR-LASTER EPELEK BULTZATUA?

Ontzi pilo bat daude.

Ikusten? Denak ez dira hondoratzen.

Segi zuzen, Usopp.

Kontuz lema-zurrunarekin.

Usopp, jo ababorrerantz!

Bueno, ez da…

hainbesterako izan.

Lagunok, eutsi gogor!

Bai!

Nami! Ezin dut Merrya kontrolatu!

Harrien kontra joko dugu! Ababorrerantz!

Ezin dut! Korrontea indartsuegia da!

Segi horrela!

Egiozu aurre!

Tira, Merry, lagundu iezadazu.

Ez gehiegi bultzatu edo…

- Ez! - Apurtuko da.

Nola zuzenduko dugu orain?

Babestu denok!

Salbu gaude!

Oraindik ez da amaitu!

Jaso mesana. Aurrera noa.

Harrapatuta!

Gailurrera iristen ari gara.

Aupa! Hau bidaia polita!

Tira egiteko prest.

Istriborrerantz!

Bai! Goazen!

Animo, Merry!

Tira!

Lortu dugu!

Marra Handia da!

Jaistea besterik ez zaigu falta.

Abiadura bizian.

Zer da hori?

Ez dakit, baina kontra joko dugu!

E, baleatxo!

Kendu erditik!

- Luffy, ez! - Luffy!

Bost minutu gehiago, Dadan.

E, aizu!

Gelditu!

Itzulidazu nire tripulazioa!

Bale, txarrez egingo dugu?

Primeran, arraintxo!

Balea madarikatua!

Hurbildu zaitez ausartzen bazara!

Ea!

Igeri…

Igeri egiterik banu, zeureak egingo zuen.

Zerbait handiagoa beharko duzu zure ukabilak baino.

Nor zara zu?

Agure zahar bat,

bere lana egiten duena.

Ea, arraintxo erraldoia.

Aizu, nire lagunak barruan daude.

Hortik atera behar ditugu berehala!

Zure lagunak hilda daude.

Balea hartatik atera behar ditut.

Ez naiz inora joango erantzunak lortu arte. Nor zara?

Zer du bale horrek? Nola aterako ditut?

Erantzunak nahi dituzu? Bale ba.

Crocus deitzen naiz. Ogibidea? Farozaina.

Hirurogeita hamaika urte.

Geminia. AB odol taldea.

Balea inuzente horrek Marra Gorritik irten nahi du,

eta ezinezkoa da.

Zure tripulazioari dagokionez,

alferrik da.

Esan dizut.

Zure tripulazioa hilda dago.

Zuk ez dituzu ezagutzen.

Zure mapak balearik aipatzen zuen?

- Ez, noski. - Luffy ondo egongo da?

Noski.

Luffy da. Iraunkorra da.

- Irtenbideren bat aurkituko dugu. - Utziko didazu niri plana egiten?

Ez nekien balea han egongo zela.

Behintzat nik ez dut lema hautsi nire gihartzarrekin.

- Ez da konplimendua. - Ez da konplimendu eza.

Paso. Usopp, Merrya konpontzen dakizu, ezta?

Noski. Baina zorrorik gabe, lemak ez du ezertarako balio.

- Baten bat aurkituko duzu? - Kanpoan?

Naufragioetako hondar arriskutsuen artean?

Arriskutsuak eta sorginduak.

Biren lana da ba.

Kanpoan dauden bitartean, plan bat asmatuko dut.

- Utzi nire kontu. - Ezpata batek ez gaitu hemendik aterako.

Hori ikusiko dugu.

Deitu eta kezko motoa prestatu duzu?

Bai. Baina Marra Handia gure eskumenetik kanpo dago.

Eskaera formala bidali beharko dugu eta…

Horra nire eskaera: bost axola niri. Esango diozu?

Zergatik ez didazu zuk zeuk esaten, kapitaina?

Garp almiranteordea. Ongi etorri Loguetownera.

Zer egiten du hemen ur handiko arrain batek?

Urteurrena ospatzen?

Marinefordeko kuartel nagusirako bidean bururatu zait…

gainbegiratu bat ematera etortzea.

Kontu bati buruz hitz egin behar dugu.

Gainera, nire kadete berriek beren horizonteak zabalduko dituzte.

Bazen garaia ontzitik jaisteko.

- Helmeppo, ixo. - Zer?

Entrenamenduan gehien erori eta botaka egin duena zeu zara.

Eta atsedenaldia merezi dugu.

Orain arloteak jasotzen dituzu? Aprendizak jada ez dira lehen zirenak.

Zu ez zinen oso eredugarria hasi zinenean.

Harrituko zintuzkete.

Zoazte paseatzera. Zerbait ikasiko duzue.

Nik kapitainarekin hitz egingo dut.

Jauna, ez dugu gehiago ikasiko bilerara zurekin bagoaz?

Pribatuan.

Esploratu nahi ez baduzue, itzuli ontzira.

Bogardek flexioak egiteko ideia berriak omen ditu.

Tashigik lagunduko ditu.

Ederki.

Zure atzetik, kapitaina.

Hemendik, jauna.

Kaixo.

Lore jauna, laguntza behar dut.

Agure, ireki!

Nire lagunak salbatu behar ditut!

Badakit atea ireki dezakezula!

Lore aitona, laguntza behar dut!

Ireki atea!

Ireki!

ALABASTAKO PRINTZESA ORAINDIK DESAGERTUA

Bakea azkenean.

Badakizu zein zaila den ateak konpontzen dituen norbait aurkitzea?

Lagunak eta biok hitzeman genuen Marra Handia zeharkatuko genuela

gure ametsak betetzeko.

Ez naiz haiek gabe itsasoratuko.

Berdin dit zer egin behar dudan lagunak berreskuratzeko.

Eta ezer ere…

Ezertxo ere ez da jarriko Monkey D. Luffy eta bere tripulazioaren tartean!

Ez duzu amore emango, e?

Ez.

Modu bakarra dago Laboonengana seguru hurbiltzeko

zure lagunak bizirik ote dauden ikusteko.

Laboon?

- Izena jarri diozu? - Ez ba! Bazekarren izena.

Milesker laguntzeagatik.

Norbait dakarkidazu burura.

Berak ere ez zekien isiltzen.

Zenbat erretzen dituzu astean?

Astearen arabera.

Eta hau bai hau astea.

Orban ezohikoa Ketzar kapitainaren historian.

Zein serioa.

Neure burua gogorarazten didazu zure adina nuenean.

Ez nintzen marine bihurtu garaipenak biltzeko.

Halere,

garratza da ihes egiten dutenean.

Zeuk ondo jakingo duzu.

Badakit Lastotxapelak One Piece-aren bila doazela,

Gold Rogerren urratsak jarraituz.

Ez dira lehenak.

Ez dira azkenak izango.

Ehizatuko dut.

Ihes egin zizulako?

Rogerrek hasi zuena amaitu nahi duelako.

Luffy Rogerrekin parekatzen duzu?

Ez zinen han egon.

Ez zenuen Luffy ikusi heriotzari barrezka, Rogerrek bezalaxe.

Geldiarazi behar dut

nola edo hala.

Badakit biloba babestu nahi duzula.

Zuk ez dakizu ezer.

Luffy babesteari uko egin diot.

Piratek ezin dute Itsas Laua zeharkatu Itsas Armadako ontziek bezala.

Haientzako sarbide bakarra Alderantzizko Mendia da.

Ez dira handik bizirik aterako.

Zertarako denbora galdu?

Denbora galtzea eserita gelditzea izango litzateke.

Errespetu osoz.

Zure eskaera, hala deitzerik badago,

ukatua izan da.

- Jauna… - Zure gaitasunak behar ditugu.

Lastotxapelak hauts izpi bat dira Marra Handiko engranajean.

Marineoi kezkatzen gaituena

gure ekosistema politiko delikatuaren aurkako benetako mehatxuak dira.

Alabastako Erresuma gerra zibila hasteko zorian dago

eta bere printzesak desagertua jarraitzen du, ziur aski bahitua.

Bitartean, Armada Iraultzaileak babesa handitzen du egunero

Munduko Gobernua suntsitzeko ahaleginetan.

Eta beren liderra…

Loguetownen egon zen.

Dragon.

Lastotxapelei ihesean lagundu zien.

A, bai?

Zure egitekoa bete nahi baduzu, benetako mehatxu bat erakutsiko dizut.

Ez da ura.

Urdail azidoa.

Barkuak desegiteko nahikoa indartsua.

Eta haragia bizkorrago jango du.

Zenbat faltako da Merrya desegiten hasteko?

Hobe ez jakitea.

Naufragoen mamuak oso mendekariak dira.

Bai, noski.

Nola dakizu? Liburu batetik atera duzu? Nork idatzia? Ikertu egin zuen?

Aizu, zer da zorro bat?

Zurruna lemarekin konektatzen duen pieza.

Zurrunik gabe, zuzentzeko lemarik ez.

Ezinezkoa da ezezagunerako prest egotea.

Ez dirudi axola dizunik.

Sukaldean sekula ez dakizu zer gertatuko den.

Eta halere…

lan egiten jarraitzen duzu,

fede onez tresnak eskuetan hartuta,

tripulazioak beti babestuko zaituelakoan…

Eta edozeri aurre egiteko gai sentitzen zara.

Oso inspiratzailea da hori.

Horrelako konfiantza baduzu, ez duzu inoiz beldurrik izango.

Asaldatu naiz.

Ez naiz beldurtu.

Ez dut ezer esan.

Duela gutxi hil da. Oraindik fresko dago.

Zorroaren gainean dago. Mugitu behar duzu.

Eta nik zorroa hartu eta zuk mugitzen baduzu?

Ez dakizu zorroa zer den.

Pieza biribila da.

Hildakoaren besoaren azpian.

Bai, uste dut nik ja konplitu dudala diskurtso motibagarri horrekin.

Hemen itxarongo dut.

Egin dezaket.

- Bai, aupa zu. - Konpon dezaket.

Animo.

Ontzia konpon dezaket.

Egin dezaket.

Animo.

Osorik dago.

Ez da hilotza.

Tipo bitxi bat baizik.

Tipo bitxi bat mendera dezaket. Zuk hartu zorroa.

Ontzi polita daukazue.

Hartu egingo dugu.

Azkarra zara hilda egoteko.

Eta zu oso trebea hankak bakarrik erabiltzeko.

Nire estiloa da.

Zure arropa ikusita, kontzeptua arrotza egingo zaizu.

Sanji!

Kontuz ibili!

"Hartu egingo dugu" esan du.

Beraz, badago beste norbait.

Zerbait gertatzen zaio konpasari?

- Ez. - Ongi.

Baleak ahoa irekitzea lortu bezain pronto irten behar dugu.

Zer da hori?

Soka xahutze hori.

Ezpata batek ez gaituela aterako esan duzu…

eta handia egin dut.

Zer?

Lema konpondua dagoenean,

hauxe erabiliko dut piztiari ahosabaia sastatzeko.

Ubulean?

A, neska da.

Berdin dio.

Botaka egingo du eta aske izango gara.

Baten batek munduko planik irrigarriena asmatu du.

Ez dugu beste planik, beraz…

Nire konpasa ikusi duzu?

Zoro, lagundu pixka bat!

Barkatu, baina zuen ontzia behar dut.

Askatu Nami.

Zer galdu dut?

- Zenbat denbora behar dugu? - Dedio!

Esan dizut.

Laboon berriz agertu arte itxaron behar dugu.

Hori gertatzean,

beste lasaigarri bat beharko dut.

Ez zara balearengana hurbilduko baretzea lortu arte.

- Asko medikatzen duzu? - Azkenaldian?

Egunean 20 aldiz.

Marra Gorria buruz jo ez dezan.

Zergatik egiten du? Eta zergatik zaintzen duzu?

Zure maskota da?

Ez horixe.

Ez ditut animaliak gogoko.

Ezta pertsonak ere.

Bakean utz nintzaten nahi nuen.

Eta tokitan zegoen itsasargi batera etorri nintzen.

Zergatik zaindu ba?

Ba…

hitza eman nuelako.

Bildu ezazu tripulazioa, Binksen rona partekatuko dugu!

Haizeak eramanak, auskalo norantz, gidari izango ditugu olatuak.

Mareaz haratago hedatzen dira eguzki-izpiak.

Txoriak, alai kantari, zirkuluka hegan igaro dira.

Zorionak Alderantzizko Mendia zeharkatzeagatik.

Ongi etorri piraten hilerrira.

Barkatu ontzia konpondu bitartean porturatzeagatik.

Calico Yorki izena dut,

Rumbar pirata taldearen kapitaina.

Gera zaitezkete ontzia konpondu bitartean.

Baina niri ez eman arazorik.

Laboon?

- E, Laboon! - Hor dago!

Ez nekien balea zeneukatela. Arrainak uxatuko ditu!

Tratu bat egingo dugu?

Zuk portua uzten badiguzu, gure musika eta janaria partekatuko dugu.

Zuen musika gorroto dut eta badaukat nahikoa janari.

Bueno, eta…

edatekoa ematen badizugu?

Nola amaitu zenuten balea kide gisa izaten?

Mendebaldeko Itsasoan jarraika hasi zitzaigun.

Gaixoa bere taldetik banandu zen. Bakarrik zegoen itsaso irekian.

Maitasuna hartu genion.

Bereziki musika gogoko duelako.

Bildu ezazu tripulazioa, Binksen rona partekatuko dugu!

Kanta eta jo ezazu abestia

itsaso guztien barrena.

Dena amaitzen denean,

eskeletoa izango zara.

Beraz zabaldu zure istorioa egunsentitik ilunabarrera

itsas apardunen gainetik!

Harritzen nau Alderantzizko Menditik bizirik irten izanak.

Bai, Laboon gogorra da oso.

Ez nahikoa Marra Handirako, ziur asko.

Itsasoaren sakontasunean piztia ugari dago aingura jaso orduko irentsiko dutena.

Laboon arriskuan balego,

nire gizonak harengatik sakrifikatuko lirateke.

Imajinatu Marra Handira iristen zarela,

eta balea batengatik, dena pikutara.

Halako animalia ahul baten ardura hartzea, eta ur arriskutsu horietan aske uztea…

Eskerrak ez dela nire kontzientzia.

Ezin dizugu zure ontasunagatik ordaindu.

Sei kopa edan izan ez banitu, ez nukeen tratua onartuko.

Tipo ona zara, Crocus.

Badakit hitza beteko duzula.

Bai.

Marra Handian bidaiatuz mundua zeharkatuko dugu,

eta mendiaren beste aldetik itzuliko gara.

Abenturak bizi ondoren itzuliko gara.

Eta elkarrekin abentura gehiago biziko ditugu.

Bildu ezazu tripulazioa,

Binksen rona partekatuko dugu!

Haizeak eramanak, auskalo norantz,

gidari izango ditugu olatuak.

Mareaz haratago…

Abestia ezagutzen dut.

"Binksen rona".

Abestu ohi zidan…

aspaldi joan zen pertsona batek.

Laboonen tripulazioa ez zen sekula itzuli.

Haien bila ere atera nintzen.

Fidagarritzat dudan iturri baten arabera, Marra Handitik alde egin zuten.

Horma horren atzean daudela uste du,

eta gogor jotzen badu,

haiengana iritsiko dela.

Marra Gorria zeharkaezina da.

Hil arte horma jotzen jarraituko du.

Geldiarazten saiatu nintzen deskubritu nuena esan nionean.

Laboon, egia jakin behar duzu.

Ez dira itzuliko.

Joan egin dira, Laboon.

Amore eman behar duzu hil baino lehen.

Geldi!

Baina alferrik izan zen.

Orain, ahal dudana egiten dut min hartu ez dezan.

Lasaigarrien efektua desagertu eta berriz hasten da.

Ez du sekula onartuko lagunak ez direla itzuliko.

Tipo ona zara.

Lagunak zaintzen dituzu.

Ez naiz oso iaioa jendea zaintzen.

Baina daukan bakarra naiz.

Calico Yorkik ondo egin zuen zutaz fidatzean.

Berdin du.

Hainbeste aldiz medikatu dudanez, lasaigarriak efektua galdu du.

Eta funtzionatzeari guztiz uztean…

Zaude.

Beste moduren bat egon behar du.

Lagunak joan direla onar dezan.

Zuk ez duzu onartu nahi.

Zer moduz doa?

Lema-zurruna berriz martxan.

Korapilo hau desegin eta nabigatzeko prest egongo da.

Kontuz ibili.

Ez kezkatu nigatik.

Ondo nago.

Ongi, bikote.

- Erantzun ala mozten hasiko naiz. - Zer ari zarete hemen?

Arrazoi asko daude balea batean amaitzeko.

- Eta zuek? - Zertarako nahi zenuten ontzia?

Ezin gara oinez atera.

Hobe duzue gu askatzea,

edo zeuenak egingo du.

Zuen beldur garela uste duzue? Ez duzue armarik

eta aktore txarrak bezala jantzita zaudete.

Imajina dezakezuena baino askoz gehiago gara.

"Gara"?

Mozorro irrigarriak.

Funtsik gabeko konfiantza.

Zuen gisako bati aurre egin nion.

Lord 7 izena nuen.

E! Lasai, goroldioburu.

Beraz, zu zara…

Lord 9?

Gure ospea geure aurretik doa.

Nortzuk dira?

Barroko Taldea dira.

Marineok aspalditik gabiltza haien atzetik,

mehatxu misteriotsu honen edozein aztarnaren bila.

Erakundeak Marra Handitik beste itsasoetaraino hedatzen da.

Hasieran,

zurrumurru hutsa ziren…

zurrumurru iluna. Baina oilartzen hasiak dira.

Shells hiria da eraso egin duten azken Itsas Armadako basea.

Zein da beren helburua?

Ezezaguna da.

Oraindik ez dugu agenterik harrapatu.

Bizirik, behintzat.

Ezkutuko izenak erabiltzen dituzte

nortasuna sekretuan gordetzeko.

Euren liderraren benetako identitatea, Lord 0,

ezezaguna da.

Baita erakundeko goi-mailako agenteen artean ere.

Besteekin batera itxaroteko esan dizut.

Utzi agurtzeari eta ospa.

Bai, jauna.

Marra Handira joaten utziko dizut.

- Ez nuen baimenik… - Baina zure misioa honakoa da.

Barroko Taldeko agente bat bizirik harrapatzea.

Informazioa eskuratu beste uharte batek horrela amaitu baino lehen.

- Zergatik nik? - Zentratua zaude.

Errukigabea zara.

Eta behar dena egingo duzu.

Daramazun jitte hori.

Punta itsas harriz egina da, ezta?

Bai, jauna.

Horrek,

eta zure beste ahalmenek,

abantaila inbidiagarria emango dizute.

Horregatik behar zaitut.

Baina gogoan izan

panorama osoa.

Hiltzaile erakunde bat da.

Aspalditxo Lord 7 bidali zuten ni errekrutatzeko.

Ezetz esango zenuen.

Zorrotzagoa izan nintzen.

Erditik moztu nuen.

Bai, ulertu dugu.

Bueno, ez dirudite oso arriskutsuak.

Lord 7 hil zenuen.

Eta Lord 9k borrokatik hanka egin du, beraz…

Egunak daramatzat balean sartua. Ez daukat indarrik.

Esaiezu, Lady Asteazken.

Zenbakiak eta egunak dituzte ezizen.

Zein burutsua.

LADY ASTEAZKEN LORD 7

Usadio zaharrean hil ditzagun.

- Karel gainetik botata. - Kapitainak ez luke onartuko.

Kapitaina ez dago hemen, ez?

Utzi asmatzen. Zu zara lagunak hemen sartu dituen nabigatzailea.

Eta zu konpasa lapurtu didana. Non dago?

- Igeri egitera joan da. - Behar nuen.

Ez zirudien lagungarria izaten ari zenik.

Marra Handian ez duzu behar.

Eremu magnetikoak ezberdinak dira.

Log Pose bat behar duzu.

Baduzue Log Pose bat, ezta?

Bai, noski.

Zer da hori?

Munduko balea guztietatik,

izar talde honek nirean amaitu behar izan du.

- Ez gara inoiz aterako. - Gutxienez badugu ontzi bat.

Zuek ez.

Tripulazio on batek nabigatzaile ona behar du.

Zuenak egin du.

Badakizue non zaudeten?

Heldu zerbaiti, azkar.

Usopp!

Usopp!

Egon lasai.

Ezin dut!

Joño, goiz jaiki da.

Goazen.

- Zer gertatzen ari zaie nire lagunei? - Ezer onik ez.

Usopp!

Azkar, aitona.

Ez du funtzionatzen.

Kaka, dosia bikoiztu behar nuen.

Hurbildu behar dut.

A zer erokeria.

Hil egingo zara.

Berdin zait.

Zerbaiti eutsi behar dio!

Tori.

Zer arraio da hori?

Ez!

Ene, nolatan ez du funtzionatu?

Aizu, balea!

Nire lagunei minik ez, aditu?

Ezta okurritu ere nire tripulazioa irenstea!

Ai, ama.

Ez askatu!

Igo nazazue!

Zoro, eutsi.

Irristatzen ari naiz!

Sanji, ez nazazu askatu!

Ekarri eskua.

Hiru esandakoan, tira.

Bat, bi eta hiru!

Bildu ezazu tripulazioa, Binksen rona partekatuko dugu!

Agur esan 'ta malkorik ez, oroimenek baitiraute.

Egunak amets iragankorrak dira, betiko diruditen arren.

Ilargipean elkartuko gara. Haizea dugu lo-kanta.

Bildu dugu tripulazioa, Binksen rona partekatuko dugu!

Agur esan 'ta malkorik ez, oroimenek baitiraute.

Egunak amets iragankorrak dira, betiko diruditen arren.

Ilargipean elkartuko gara. Haizea dugu lo-kanta!

Jendea joan egiten da, Laboon.

Baina, batzuetan,

espero ez zenuen leku batean amaitzen duzu.

Eta geratzen den jendea ezagutzen duzu.

Nire lagunak behar ditut, Laboon.

Mesedez,

utziezu irteten.

Zoro,

jaso bela nagusia!

Buelta emango dugu.

Mila deabru.

Lagunok!

Lagunok!

Luffy!

Esan dizut, aitona!

Beti ni baino hobea izan behar duzu?

Harrapatu zaituzte?

Nola dakizu?

Elkarrizketa bat edo beste entzun dut ezkutuan.

Espioitzan aditua da.

Probatu nahi duzu?

Nahiago ditut ezpatak.

Nik berdin.

Ezpatak maite ditut, horrexegatik…

Berdin dio.

Ametsez gehiegi ez hitz egiteko eskatu dit Ketzar kapitainak.

Ez hitz egiteko, oro har.

Horregatik bihurtu zinen marinea?

Ezpatekin entrenatzeko?

Entrenatzeko bakarrik ez.

Ezpatek hitz egiten didate.

Betidanik.

Maisu-ezpata bilduma bat dagoela deskubritu nuen.

Bakoitzak bere izena du.

Piraten eta sari-ehiztarien eskuetan daude gehienak.

Baina guztiak aurkituko ditut

eta merezi ez dituzten gizonei kenduko dizkiet.

Eta imajinatzen dut Ketzar kapitainak

ez dizula asko lagunduko.

Aginduak, aginduak dira.

Marine egin nintzen amets bat nuelako.

Zapalduen alde justizia egitea.

Nik ere jasan dut-eta.

Garpek dio aginduak betetzeak ez zaituela marine ona egiten.

Zeure kodea jarraitzeak bai.

Zeure justizia propioa.

Almiranteordeak irakasle ona dirudi.

Abusu fisikoa kenduta.

Zuk bakarrik zehazten duzu zeure bidea.

Atea konponduta.

Itsasargian bizitzeaz aspertzen bazara,

Laboonen sabelean toki asko dago.

Eskerrik asko.

Etxea eraiki dezakezu han eta eroso bizi.

Itzela izango litzateke.

Balea barruan bizitzea?

Dena pikutara joaten bada, kontuan hartuko dut.

Zer egingo dugu gure bi lagunekin?

Nahiago nuke nire oasian hiltzailerik utziko ez bazenute.

Neskak Usopp salbatzen lagundu zuen.

A, bai?

- Ez naiz fio. - Eta ongi egiten duzu.

Bai, hurrengo uharteraino eramango ditugu,

eta gero ikusiko dugu zer egin.

Hurrengora iristen bagara.

Egia esan behar dut.

Uste dut ez nuela ongi aurreikusi zein ezberdina izango zen dena.

Gaitasunak falta zaizkit, tresnak ere bai.

Log Pose bat zer den ere ez dakit.

Nola gidatuko zaituztet nora noan ere ez badakit?

Ez naiz eroso sentitzen.

Eroso ez gaudenean, orduan egiten du lan ongien talde honek.

Log Pose-a tresna sinplea da.

Uharteen arteko magnetismoa neurtzen du.

Uharte batera iristean, denbora pixka bat itxaron

eta Log Pose-a berrabiarazi egiten da eta hurrengo uhartea adierazten du.

Bale, erraza dirudi.

Hemen, Bikien Lurmuturrean,

zazpi eremu magnetikoen artean uharte bat hautatzen du.

Leku beretik irteten diren bi ontziek

ez dute zertan norabide berdina hartu behar.

Hori korapilatsuagoa da.

Log Pose zahar bat daukat nonbait. Nola funtzionatzen duen erakutsiko dizut.

Eta oparituko dizut.

Benetan?

Nire abenturak amaitu egin dira.

Aspaldi, gainera.

Zure eskuetan egon behar luke.

Munduko nabigatzailerik onenak ere

ezin izan dira iritsi zu iritsi zaren lekuraino.

Nire tripulazioari esker izan da.

Lore aitona.

Baduzu pinturarik?

Listo!

Ongi, entzun, Laboon.

Pirata bandera hau

Lastotxapelen eta zure arteko adiskidetasunaren sinboloa da.

Ez ezazu berriro horma buruz jo.

Aditu?

Bestela ezabatuko da.

Badakit zergatik zauden lagunen zain.

Haiengan sinesten duzulako.

Orain gutako bat zara, Laboon.

Zure bila itzuliko gara.

Hitzematen dizut.

Tashigi.

Tashigi ofizialordea.

Banoa Marra Handira. Geratu hemen eta zaindu Loguetown.

Aginduen zain egon.

Ulertuta?

Ez.

Barkatu?

Zurekin noa.

Gold Roger bat daukat nik ere

eta neure eskuekin harrapatuko dut.

Eskuetan duen ezpata merezi ez duen pertsona oro.

Zeri buruz ari zara?

Egunen batean, aginduak betetzeari utzi eta nire kodea jarraitu beharko dut.

Eta egun hori gaur da.

Ziur nago ulertuko duzula.

Tashigi, irudiak ikusi dituzu.

Badakizu zer egiteko gai diren.

Ezpata batengatik saltsa horretan sartu nahi duzu?

Ezpata askorengatik.

Eta bai.

Ongi da,

zure hileta da.

Goazen.

Eta ez dantzatu.

Zure lehen uhartea kartografiatzeko prest?

Bikien Lurmuturra! Itsasargia trazatzen lagundu behar didazu.

Kalabozoko bikoteari janaria eramango diet.

Hemen inork ez du goserik pasako.

Zein adeitsua.

Hurrengo uhartean Crocus bezain atseginak izango dira?

Eta hain eskuzabalak edariarekin?

Ez dakigu zer gertatuko den.

Baina dibertsioaren parte da hori, antza.

Zer deritzozu, Roger?

Bera ote al da espero genuen pirata?

Laugh Talera iritsi

eta One Piece-a aurkituko duena.

Luffy?

Hurrengo uhartea aurrean dugu.

Azpitituluak: Loinaz C. A.